Thursday: 2 October 2003

This site will be updated on: 10 Octcber  2003 at 17:00

 Letters - Briewe

• Eiendomsbelasting slaan hard
• Hierdie motorwagte moeite werd
• Searching for Wellington family Smith

MET die nuwe belastingstrukture van Drakenstein Munisipaliteit soos tans van toepassing kry ons die volgende scenario:

Indien 'n wooneenheid (huis en erf) vir R50 000 of minder gewaardeer is, word geen eiendomsbelasting daarop betaal nie.  Teen hierdie reël word geen beswaar gemaak nie.

Indien dieselfde eiendom verbeter word en dit word vir R51 000 gewaardeer, is belasting op die volle R51 000 betaalbaar, dit wil sê R542,13 per jaar (R51 000 x 0.01063).

Waarom volg Drakenstein Munisipaliteit nie die voorbeeld van die Kaapse Metropool, naamlik om R50 000 van die waardasie van alle woonhuise af te trek vir die berekening van eiendomsbelasting nie?

Dit is baie duidelik dat met 'n belastingstruktuur soos dié deur ons plaaslike munisipaliteit toegepas, daar geen aanmoediging is vir diegene met huise wat vir R50 000 of minder gewaardeer is, om hulle eiendomme of omgewing op te gradeer nie.

In die Kaapse Metropool beloop die belasting op 'n huis van R60 000 nou R107,83 per jaar (R60 000 - R50 000, dit is R10 000 x 0.010783).  In Drakenstein Munisipaliteit is dit R637,80 (R60 000 x 0.01063), dit wil sê R493,9% hoër.

Is dit hoe ons munisipale raadslede wat so graag hoog opgee oor hoe agtergeblewe gebiede opgegradeer moet word, die eienaars van eiendomme aanmoedig om dit self op 'n bekostigbare wyse te doen?

Tot my verbasing en teleurstelling het ek vasgestel dat die raadslede die huidige beleidsbeginsel aanvaar het in weerwil van die aanbeveling van die verantwoordelike amptenare dat die Kaapstadse voorbeeld gevolg word!

Regstelling van hierdie uiters onbillike belastingstruktuur kan nie wag tot die volgende belastingjaar nie!

Ontnugterde Belastingbetaler

Die tariefstyging op groot huise sou dan ongeveer 22% gewees het. Dit is juis dié belastingbetalers wat twee jaar gelede groot verhogings in eiendomsbelasting gehad het na die algemene waardasie van eiendomme.

EK wil net 'n lansie breek vir die motoroppassers by Pick 'n Pay. Ek het verlede week een oggend inkope gedoen en my trollie parkeerplek toe gestoot. 

Daar gekom het ek net my handsak en inkopies gevat en geloop. Later die middag het ek ontdek dat ek my dagboek iewers gelos het. Ek is totaal verlore sonder die dagboek, want al my afsprake, verjaardae en telefoonnommers is daarin. 

Gedink en gedink, later onthou dat ek dit in die trollie moes vergeet het. Op my selfoon was daar toe twee boodskappe met die beroemde "call-me-back" versoek en een SMS in 'n vreemde taal. 

Omdat ek nie die nommers herken het nie, het ek dit afgevee en te laat besef dat dit dalk die persoon mag wees wat die dagboek gevind het. 

Ek het eers die volgende oggend teru ggery Pick 'n Pay toe en daar vir 'n karwag gevra of hulle nie dalkies 'n dagboek gevind het nie. 

Groot was my verligting toe hy sê ja, hulle het dit gekry, maar sy vriend het dit huis toe geneem en sal eers later die dag inkom werk toe, want hy is eers skool toe. 

Hy het my telefoonnommer weer gevat, my gesê dat hy nie geld op sy foonkaart het nie, maar dat hy 'n plan sou maak. 

So teen twee-uur het die gewenste oproep gekom: "Madam, we have your journal!" 

Ek het dadelik teruggery en daar het hy vir my gewag met 'n groot glimlag. Ek was na aan trane, want ek het dit nie verwag nie - om my dagboek wat in 'n trollie in die parkeerplek gelê het, terug te kry was 'n wonderwerk. 

Ek het hom hartlik bedank vir sy eerlikheid en 'n beloning gegee. Al kommentaar van sy kant was: "It is my pleasure to serve madam, and I am living my life in an honest way."

So mense, onthou om die fooitjie met 'n glimlag te gee, of dit nou 50c of R1 is. Waar kan mens nog in die Paarl parkeer vir so 'n bedrag en dan nog verseker wees dat jou motor veilig is wanneer jy terugkom?

Ek sê baie dankie aan die persoon wat aan hierdie mense werk verskaf, met 'n bereikbare telefoonnommer asook 'n identifikasienommer vir elke motorwag. Ons het sommer baie meer van hulle nodig.

A big thank you to all you men watching our cars in the Pick 'n Pay area. We appreciate the smiles, your politeness and assistance.

I AM hoping to trace a Smith family that once lived in Wellington.

These are the details I know: Charles William Smith (born 15 January 1899 in the Cape or UK) lived in Wellington in the 1940's.

Charles's wife was Charlotte Hilda Swart (born 20 August 1906 in the Cape). They married on 27 February 1932 at St John's Church, Wynberg, Cape Town.

In Wellington they lived in a corner house, and it may have been a boarding house. Charles was a shoemaker/foreman at shoe factories.

They later moved to Johannesburg, where they lived at 28 Maxwell Street, Ophirton, Johannesburg and then St George's Road in Bellevue East, Johannesburg.

They had three children of whom the eldest Elaine Mary (born 28 March 1934 in Cape Town, died 5 Nov 1999 in Randpark Ridge) was my mother-in-law).

The other children were Vivion Dudley (born 5 April 1936, lives in the East Rand) and Roland Edgar (born 15 Dec 1938, lives in Johannesburg area).

Charles had a brother Thomas(?) who is said to have been a councillor in the Johannesburg Municipality.

Charlotte had a sister, Mary, who married Roland Bonner and had a son, Brian. Mary and her family moved to England and nothing else is known about her. Charlotte also had a brother, John(?).

In Charles' family there was also a lady in the family known as Granny Lindsay.

After Charles died on 9 January 1950 in Johannesburg, Charlotte lived in Yeoville until her death on 9 October 1981.

Charles also had two children from a previous marriage to Margeritte Hayes: Neville (died in 1990) and Eunice.

Do any readers know these people?

Then please write to me at 24 Buckingham Private, Ottawa, Ontario K1V 0K8, Canada or rsa2can@sympatico.ca.

Anne Lehmkuhl