 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||
|
|
|
|
|
|
|
|
|
|
|
|
ONDERNEMINGS in die boubedryf word uitgenooi om studente te stuur na die Vaardigheidsentrum by Boland Kollege se Paarl-kampus. Die sentrum word in vennootskap met Tjeka Training Matters en Develop- ment Solutions toegespits op opleiding in die siviele en kon- struksie-industrie. Die leerders wat help met die oprigting van die sentrum is van NMC Konstruksie en is tans besig met 'n leerderskap in skrynwerk. Boland Kollege bied die fundamentele deel van die opleiding aan, naamlik die kommunikasie- en numeriese vaardighede, terwyl NMC die praktiese opleiding hanteer. Daar is ook koshuisgeriewe beskikbaar op die kampus, wat die ligging nog meer ideaal maak. Opleiding in al vyf die boudissiplines sal plaasvind, soos messel, pleister, skrynwerk, verf, loodgieterwerk, asook siviele opleiding in padwerke. Kursusse wat in die vorm van leerderskappe aangebied word, is Skrynwerk Vlak 3 (16 leerders waarvan vyf vrouens is) en Padwerk Vlakke 1 tot 4 (120 leerders). Sestien leerders het alreeds hul opleiding in Padwerk Vlak 4 voltooi. Die leerders kom van oral in die Kaap om die teoretiese en praktiese komponente van die opleiding te doen. Hierdie projek van Boland Kollege, in samewerking met Tjeka, het die volle ondersteuning van die Konstruksie Seta (Ceta) wat ook fondse vir RPL (Recognition of Prior Learning) beskikbaar gestel het, asook die Boland tak van die MBA wat reeds verlede jaar met opleiding in veiligheid en gesondheid op die kampus begin het. "Ek hoop dat al die bou-ondernemings in hierdie omgewing ons sal ondersteun. "Ons het nou werklik die geriewe en die kundigheid om aan al hulle opleidingsbehoeftes te voldoen," sê Cathy Robertson, Direkteur van Opleidingontwikkeling Boland Kollege. "Gawie Burger, Direkteur van Tjeka, en sy span sorg vir die tegniese opleiding, en die Kollege sorg vir die sagte vaardighede ("soft skills") soos taal- en syfervermoëns, nodhulp, gesondheid en veiligheid asooik rekenaarvaardigheid." Vir meer inligting, kontak Jacorie Visagie by die kollege se Paarl-kampus telefoon 872-3323 of 082-339-8934. |
|
|
|
|
|
LANDBOU vorm die ruggraat van die ekonomie van die Wes-Kaap en daarom is dit dan ook so dat die suksesvolle transformasie binne landbou van kardinale belang is vir stabiliteit en groei van die ekonomie van die Wes-Kaap. Só het Cobus Dowry, Wes-Kaapse Minister van Landbou, gesê by die seminaar van die Business Opportunities Network in die Paarl oor bemagtiging in landbou. "Die landbousektor is van uiterste belang vir die ekonomiese groei en welvaart vir al ons mense, maar daar is nog ongelooflik baie wat gedoen moet word om landbou tot sy volle potensiaal te ontwikkel tot 'n bedryf waarin alle rolspelers hulle regmatige plek moet inneem. "Die geboorte van die nuwe Suid-Afrika tien jaar gelede het ook vir landbou 'n nuwe uitdaging gebring. "Dieselfde sektor wat vir jare deur 'n relatief klein groepie suksesvolle kommersiële boere oorheers is, het nou van hierdie boere gevra om betrokke te raak by vestiging, ondersteuning en bemagtiging van nuwe opkomende boere uit voorheen benadeelde gemeenskappe. "Hierdie proses is reeds goed op dreef in die Wes-Kaap en dit word elke dag met groter toewyding aangepak. "Grondhervorming geniet die hoogste prioriteit in 'n poging om die ongelykhede van die verlede aan te spreek. "Dit is egter belangrik dat ons 'n nuwe generasie boere vestig wat toegerus sal word om volhoubaar te boer in 'n poging om nog meer werksgeleenthede te skep en sodoende 'n positiewe bydrae te lewer tot die bestryding van armoede. "Die Departement van Landbou in die Wes-Kaap het ook sekere aanpassings gemaak om suksesvol hierdie uitdagings te deel. "Die program Ondersteuning en Ontwikkeling van landbouers is binne die Departement geskep om spesifiek tot in die kleinste detail te deel met die vestiging van nuwe boere. "Ons is in die proses om 63 nuwe aanstellings voor April te maak in 'n poging om van meet af aan soveel moontlik kundigheid en ondersteuning aan opkomende boere te voorsien. Dit beteken dat die volledige pakket wat deur boere benodig word om volhoubaar gevestig te word, binne een program ressorteer. "Ons het die afgelope jaar geweldig vordering gemaak ten opsigte van die uitbreiding van vaardigheidsopleiding aan plaaswerkers en hulpbronarm boere uit veral die histories benadeelde gemeenskappe. "Aan die Grondhervormingskant is daar reeds 38 000 hektaar grond goedgekeur vir die oordrag aan opkomende boere (grondhervormingsbegunstigdes) sedert 1 Januarie 2002 tot Junie 2004 in 55 LRAD projekte. Dit verteenwoordig ongeveer 0,3% van die totale landbougrond in die Provinsie. "U sal dadelik merk dat daar 'n geweldige diskrepansie is. Dit baat nie om opkomende boere in die Karoo te gaan neersit en te weet dat hulle nie die mas gaan opkom nie. "So iets sou die aandrang op die oordrag van grond tevrede stel en moontlik party mense se gewetens sus en ons sal goeie statistieke kan uithaal en wys - maar ons gaan nie suksesvolle boere hê nie. Daar moet dus goeie en bewerkbare grond beskikbaar gestel word en dit is die haakplek. "Slegs die Departement van Grondsake het die mandaat om grond aan te koop en vanaf 1 Januarie 2002 is 'n bedrag van R130 555 262 gespandeer in die uitvoering van hierdie mandaat. "Van die 55 projekte is vier projekte se aankoopprys nie ingereken nie - twee projekte is Landbank-projekte waar die grond gehuur word, een projek is grond geskenk en een projek is befonds deur aandeelaankope. "Ons het die stadium bereik waar die pas van grondhervorming hiervandaan geweldig sal moet versnel. Ons het dit dan ook vir ons ten doel gestel om teen April die oordrag van 'n verdere 5000 hektaar aan nog 500 begunstigdes afgehandel te hê. "Dit is egter so dat die proses gekortwiek word deur verskeie tekortkominge. Die uitvoerbaarheid word verder aan bande gelê deur onnodige burokratiese rompslomp en 'n tekort aan fondse om aansoeke te diens." Dowry sê opkomende boere moet van die staanspoor af uit alle oorde die nodige ondersteuning kry om volhoubaar te boer en daarom moet alle rolspelers, in die proses van bemagtiging van voorheen benadeelde persone, hulle verantwoordelikheid van die staanspoor af opneem. "Dit is vir ons belangrik dat daar 'n vennootskap sal wees tussen ons en opkomende boere, waar ons aan hulle die nodige ondersteuning sal bied op verskeie terreine soos wat ek aangedui het. "Wat ons in ruil daarvoor vra, is dat begunstigdes die nodige toewyding sal openbaar om getroue rentmeesters te wees van die bydraes en beleggings wat daar in hulle toekoms gemaak word." * Business Opportunities Network, Western Cape (BON), het 'n kantoor in Kasteelstraat 6, Paarl. Die doel van BON is om uitvoering te gee aan 'n mandaat van die Kaapse Wynland Distrikmunisipaliteit om sake-ontwikkeling en -ondersteuning in hul bedieningsgebied te bevorder. Die mandaat is vir drie jaar. Belangstellendes kan Chrystal skakel, tel 872-6297. |
|
|
|
|
|
EXCEED, in samewerking met Business Partners, bied 'n reeks werksessies aan ten einde kliënte behulpsaam te wees met die formulering en implementering van strategieë vir swart ekonomiese bemagtiging. Die volgende werksessie word op 8 Februarie by die Protea Hotel, Tegnopark, Stellenbosch gehou en sal op die sektore Toerisme sowel as Handel en Nywerheid gemik wees. Vir verdere besonderhede besoek www. exceed.co.za of kontak Christa Dippenaar, tel 808 7220 of christa@exceed.co.za. Ander SEB-werksessies sluit in Finansiële Dienste, IT, Konstruksie, Handel en Nywerheid op 8 Maart en Landbousektor op 12 April. |
|
|
|