Thursday 4 December 2003

This site will be updated on 11 December  2003 at 17:00

Nuus - News

• Spring cleaning
• Vader Kersfees waaghalsig
• Geen borg ná moord
• Tiener sterf, bakkie jaag weg
• Politieke towermatjie bedek alles
• Dagga in berg gevind
• Lang wag vir toelae, ondersoek
• Too many behind bars

outdoor picnic with the products of the Paarl Valley - wines from local wine estates, and quick gourmet meals from top restaurants in and around Paarl.

Meals range from Mediterranean to the more traditional, for about R30 each.

As part of the proceeds of the afternoon, at about 16:00 a magnum bottle of top red wine, sponsored by Paarl Vintners, will be raffled for charity at R10 per ticket.

Tickets for the show are R60, R85 and R105 available from Computicket at 288a Main Street (09:00-17:00) or www.computicket.co.za.

* About 30 000 people are expected in Paarl's Lady Grey Street over the three-day Symphony of Lights Festival opening tonight.

There will be non-stop entertainment with local artists every evening until Saturday night between 19:00 and 22:30.

VADER KERSFEES sal vanaand om 19:30 bo-op die BoE Bank toringgebou in die Paarlse middedorp verskyn, en teen die gebou abseil met die afskop van die Paarlse Liggiefees.

Dit is vanjaar die eerste keer in vier jaar dat dié bekende man in die rooi pak so waaghalsig optree.

Daarna sal hy lekkers aan die kleinspan uitdeel en om 20:15 word die Paarlse Kersliggies deur die burgemeester aangeskakel.

Daar sal vanaand sowel as Vrydag- en Saterdagaand van 18:30 deurlopend vermaak wees, met plaaslike kunstenaars wat optree op die verhoog in Lady Greystraat.

Vanaand is die Frank Pietersen Musieksentrum se jong musikante aan die beurt, sowel as sangstudente van La Musique.

Daar is ook stalletjies en die pretpark is op Patriotplein.

Die boonste deel van Newstraat sal toe wees, en daar sal springkastele vir kinders wees, en 'n verhoog met 'n poppekas en ander gratis vermaak vir die kleintjies.

By Koinonia Sentrum op die hoek van Lady Greystraat en Fabriekstraat sal daar ook kinderoppassers wees om na die kinders te kyk teen  'n donasie van R5.

Daar is nog enkele stalletjies beskikbaar. Vir navrae, skakel Paarl Toerisme (tel 872-4842/872-9376). 

* 'n Soortgelyke fees, ook geborg deur Drakenstein Munisipaliteit, word Vrydag 12 Desember op Saron, en Saterdag 13 Desember op Gouda aangebied.

'n GESKOKTE stilte in die Paarlse hofsaal het die uitspraak Dinsdag begroet dat 'n bekende polisie-offisier in die tronk aangehou gaan word.

Insp Johan Lawrence is daarvan aangekla dat hy sy vrou se minnaar Saterdag 8 November by haar huis in Paarl-Oos doodgeskiet het.

Landdros Ben de Lange het borg geweier.

Familie, vriende en kollegas het die hofsaal, drukwarm met 'n onklaar lugversorger, volgepak.

Die hofordonnans het seker gemaak dat alle selfone afgeskakel is. 'n Vrou moes haar baba na buite neem. Die landdros het sy plek ingeneem en deur sy papierwerk begin blaai en aantekeninge te maak. Die spanning het opgelaai.

In die beskuldigdebank het Lawrence regop, met sy hande styf inmekaar agter sy rug, stip na die landdros gekyk.

Die onsekerheid oor hul seun se toekoms was stroef op sy ouers, broers en susters se gesigte.

En toe die uitspraak, wat alle hoop verpletter het dat hul seun Kersfees saam met hulle kan deurbring, "veilig buite die tronk".

"Nou moet ons sterk wees vir hom en vir mekaar," het 'n familielid gesê.

"Ons bid vir Johan. Hy staar nou 'n nuwe lewe in die gesig."

Lawrence het aan die hof verduidelik dat hy en sy voormalige vrou, Debbie, ook 'n polisie-inspekteur, in Maart vanjaar geskei is nadat hulle sedert 2000 huweliksprobleme gehad het. Hulle het egter onder dieselfde dak gebly.

"Die afgelope drie jaar was daar duidelik 'n verhouding tussen Debbie en die oorledene," (bewaarder Henry Andrews), het Lawrence gesê.

In 2002 is Lawrence skuldig bevind op aanklagte van rig van 'n vuurwapen in Montagu in 2001 toe hy sy vrou gekonfronteer het oor dié volgehoue verhouding.

"Debbie was wisselvallig. Dan moet ek in die kamer slaap, dan skop sy my uit. Dan wil sy skei, dan wil sy nie."

Volgens hom het Debbie telkemale probeer selfmoord pleeg en was sy in die hospitaal opgeneem vir depressie.

Op 30 Maart vanjaar is hulle geskei, maar Lawrence het ingestem om in hul nuutgeboude woning in Uitsig, Wellington, aan te bly.

Op 15 Augustus vanjaar is daar na beweerde aanranding op sy eks-vrou, 'n tydelike intdik toegestaan wat kontak verbied het.

Nieteenstaande die interdik, het die twee die volgende twee maande "soos getroudes" 'n naweek gaan kamp, saam op uitstappies gegaan en inkopies gedoen.

"Sy het gesê sy kan nie sonder my lewe nie. Ons het weer begin praat van trou.

"Op 3 November het ons gaan trouringe uitsoek en saam gaan kyk na nuwe kombuiskaste en 'n klimraam vir die kinders."

In kruisondervraging deur staatsaanklaer Machell Jacobs het Lawrence erken dat hy die dag van die moord eintlik wou selfmoord pleeg.

"Ek wou myself voor haar skiet."

Ná sy arrestasie het Lawrence gevra om alleen in polisieselle aangehou te word omdat hy gevrees het dat hy in die tronk vermoor sou word.

Die staatsaanklaer het aangevoer dat 'n hofbevel Lawrence nie weggehou het van sy voormalige vrou nie.

"Wat is die versekering dat hy die borgvoorwaardes sal nakom?"

Landdros De Lange het bevind: "Daar is sekere dinge wat die hof onrustig maak.

"Sy huwelik was stormagtig. Selfs ná die egskeiding was dit af en aan. Hy het met die klaer kontak gehad al het die interdik dit verbied.

"Dit is dus duidelik dat hy nie die hof se bevele nakom nie. Borg word geweier."

Die moordondersoek word gelei deur Nkosi Booi van die Onafhanklike Ondersoek Direktoraat in Kaapstad.

Die volgende hofdatum is 12 Januarie 2004.

 * A Paarl policeman accused of murder has been refused bail.

TIENERS moes Vrydagaand vreesbevange uit die pad van 'n bakkie in Paarl-Oos spring. Bianca Joostenberg was nie so gelukkig soos haar vriende nie.

Die 13-jarige meisie het minute ná 'n tref-en-trap ongeluk in Janfiskaalstraat gesterf.

Bianca Joostenberg van Bokmakieriestraat 340, Amstelhof, het die aand om 22:00 saam met vriende teen die sypaadjie gestaan toe 'n bakkie op hulle afgepeil het.

André Schoeman (17) is skrams getref voordat die bakkie Bianca geskep en 20m ver deur die lug gegooi het.

Volgens ooggetuies het die blou Ford Bantam bakkie met 'n wit kap en een onklaar voorlig teen hoë snelheid aan die verkeerde kant van die straat gery nadat die bestuurder 'n geparkeerde motor verbygegaan het.

Bianca was bewusteloos en het op pad na die hospitaal gesterf.

Sersant Willem Kotze (807-4000) ondersoek 'n saak van strafbare manslag.

Bianca, 'n graad sewe leerling aan Paulus Joubert Primêr, het uitgeblink in sport en sy was lief vir musiek.

Sy word oorleef deur haar ouers Izak en Gwendoline Joostenberg, suster Abigail (21) en boetie Iwaan (9).

"Ons harte is gebroke. Bianca het altyd geglimlag en sy het sulke mooi maniere gehad," het haar ma gesê.

Die skoolkoor het gister tydens die gedenkdiens in die Ou Apostoliese Kerk gesing.

Dinsdagaand het skoolmaats, ouers en gemeenskapsleiers 'n gedenkdiens gehou op die plek waar Bianca dood is (foto regs), en 'n petisie oorhandig aan die verkeershoof, Japie Cornelissen.

Daar is geëis dat die Munisipalitieit dringend spoedwalle moet oprig op al die hoofpaaie deur Amstelhof, soos al geruime tyd gelede versoek is.

* A teenager died in a hit-and-run crash in Paarl East on Friday evening.

DIE regerende ANC/NNP koalisie in die Drakenstein stadsraad het 'n wonderlike hulpmiddel uitgevind - 'n politieke towermatjie.

Eintlik het meeste van ons met dié droom grootgeword: 'n matjie waaronder die vullis vinnig gevee kan word as daar onverwags gaste opdaag.

Nou het dit waar geword vir ons stadsvaders en -moeders. En op die matjie staan: "Wetgewing gee ons die reg".

Onder die towermatjie beland sake soos die gewraakte aankoop van 23 skootrekenaars sonder tender, politieke aanstellings sonder om die poste te adverteer, die verlies aan deelname in raadsake deur raadslede wat nie in die "kabinet" dien nie en die blatante weiering om op lastige vrae van die opposisie te reageer.

Die kworum vir vergaderings van die Uitvoerende Burgemeesterskomitee is een van die tameletjies. Só moes 'n vergadering onlangs uitgestel word, al was daar tegnies 'n kworum.

Die rede? 'n Ooreenkoms tussen die ANC en NNP in die koalisie dat 'n kworum uit ewe veel lede van elke party (insluitend die burgemeester) sal bestaan.

André vd Spuy de Villiers (NNP) het beswaar gemaak en gesê daar is fout met 'n stelsel waar 'n vergadering afgestel kan word met soveel lede teenwoordig.

Die burgemeester het water op die vuur probeer gooi deur 'n versoek te rig dat lede van die komitee tog dié vergaderingsdatums as prioriteit moet hanteer.

Dit is egter duidelik dat daar 'n paar lelike krake in die koalisie begin toon. Al hoe meer resesse word aangevra in vergaderings wat reeds tot ounag toe gekoukus is, soos nou die dag weer met die aanstellings van personeel in die speaker se kantoor.

Daar was duidelike ontevredenheid onder NNP-geledere oor dié nuwe poste en vrae is gevra oor die prosedure wat gevolg is.

Hierop wou Bernardo Maralack (NNP) weet: "As die persone nie aangestel is nie, wat maak hulle in die speaker se kantoor en wie het hulle die reg gegee om munisipale eiendom (rekenaars) te gebruik?"

Speaker Kilion Cekiso het betoog dat "die wet" toelaat dat voltydse raadslede politieke aanstellings maak, sonder om normale prosedures te volg.

Die NNP het hierteen beswaar gemaak en gesê die speaker behoort buite die politiek te staan, veral aangesien die poste bedoel is om die beoogde nuwe wykskomitees te bedryf.

Uiteindelik is die debat verder gevoer in kamera en die enigste woord wat weer hieroor gerep is, was in die daaropvolgende notule waar dit sonder bespreking goedgekeur is.

Daar is ook barsies binne partyverband.

In die eerste debat oor die speaker-poste, het NNP-raadslid Bokkie Claasen die burgemeester oor die vingers getik.

"Ek het al telkemale vir u gesê, u het magte gekry en u moet dit gebruik. Hierdie fout hoort nie hier nie. Ek kan ook iemand van die huis af bring om hier te werk - dit is 'n verkeerde ding."

NNP-raadslede het al by vorige geleenthede die burgemeester daarvan beskuldig dat hy op die draad sit en nie kan standpunt inneem as die koalisie verskil nie.

Die groot gemor is  onder die "deeltydse" raadslede wat staan en wag vir 'n korsie om van die voltydse "kabinet" (die burgemeesterskomitee) se tafel te val.

Met die nuwe stelsel van uitvoerende burgemeester en voltydse raadslede, het die ou staande komitees in onbruik geraak. Nuwe adviserende komitees is aangekondig, maar is nog nie tot uitvoer gebring nie.

Nou gaan die Burgemeesterskomitee maar voort om besluit te neem sonder enige insette van die komitees, want die wet laat die burgemeester toe om só te handel...

Die Raad vergader net een keer per kwartaal en die voorgestelde wykskomitees is ook nog net 'n gedagte op die horison. Raadslede mag wel die tweeweeklikse vergaderings van die burgemeesterskomitee bywoon, maar nie aan debatte deelneem nie.

Uit desperaatheid het die amptelike opposisie, die DA, hulle gewend tot die skryf van briewe na die komitee.

"Ons neem kennis," is die standaard reaksie wat in vergadering gegee word op die briewe, voordat daar, sonder enige kommentaar of reaksie, voortgegaan word met die agenda.

Die DA het die briewe ook na die Raad toe gestuur. Hier is hulle ingelig dat dit nie hanteer kan word nie, aangesien die meeste van die sake nog by die burgemeesterskomitee onder bespreking is.

Hierop het verskeie DA-raadslede asook die ACDP se André de Villiers  frustrasie uitgespreek met die huidige situasie.

Rian Smuts (DA) wou weet "wat die ander 47 raadslede hier maak as ons geen deelname het nie. Niemand bespreek of leer iets hier nie, al wat gebeur, is Drakenstein se mense kry swaar."

De Villiers (ACDP) het gesê dit is onregverdig as 'n punt op die agenda is, maar geen bespreking word toegelaat nie.

Johan von Wielligh (DA) wou weet wat geword het van hulle versoek tot samesprekings met die burgemeester ten einde die DA se probleme oor die opposisie se posisie te bespreek.

Die burgemeester het beweer dat hy glad nie kennis dra van dié skrywe wat aan homself, die munisipale bestuurder en die speaker gerig is nie. Hy het belowe om die brief op te spoor en 'n gesprek te reël.

Daar is al meer kommer onder veral die regerende koalisie oor wat hulle vir kiesers moet sê.

"Ek is nie 'n rubberstempel nie," het 'n ANC-lid onlangs gesê en bygevoeg dat sy nie eens meer koukusvergaderings bywoon nie.

Nou vra 'n mens jouself onwillekeurig die vraag af, hoe demokraties is hierdie stelsel van ons nog? As wetgewing mense se gewetens vervang, is daar veel verskil tussen die huidige bedeling en die gehate Apartheidstelsel?

Was deel van die struggle nie reeds om mense wakker te skud en  van hulle denkende, verantwoordelike mense te maak nie?

Maar ek gee graag die laaste gedagte aan Madiba: kan ons nie maar 'n les leer uit sy nederigheid en mensliewendheid nie en begin saamwerk oor al die grense heen wat ons skei nie? - Susan Botha

AGTTIEN streepsakke dagga ter waarde van 'n halfmiljoen rand is verlede week langs die Dutoitskloofpas ontdek.

Die vonds volg op die arrestasie Dinsdagnag van twee mense in 'n motor, met twee streepsakke dagga in die kattebak.

Polisielede met honde het na nog dagga begin soek en teen daglig op die 18 sakke afgekom.

Die vermoede is dat die dagga afgelaai is en dat dwelmhandelaars dit sou kom optel het.

Voorverlede week het polisielede van Klapmuts om 03:00 Maandagoggend op die N1 op 'n reuse kartondoos afgekom.

Die doos was stukkend en die dagga wat oor die teer versprei gelê het, het die polisiemanne in drie swart sakke gestop.

Dié dagga het vermoedelik ongesiens van die dak van 'n bus of taxi bestem vir Kaapstad, afgeval.

* A large haul of dagga was found in Du Toit's Kloof.

'n BOTTELNEK met die uitbetaling van staatstoelaes vir mense met gestremdhede, lei tot groot swaarkry by mense in die Paarl-streek.

Mense wat weens siekte of besering nie kan werk nie, moet deur 'n staatsgeneesheer gesien word om te verseker dat dié persoon wel ongeskik is vir werk.

Hierdie ongeskiktheidsertifikaat moet gereeld hernu word.

Groot getalle mense stroom na die kantoor van die distriksgeneesheer en klinieke wanneer hul toelae opgeskort word hangende 'n nuwe tydelike sertifikaat, maar daar is te min geneeshere om almal te sien.

Die waglys is al meer as twee maande lank en intussen ontvang hulle geen toelae nie.

"Mense wag totdat die toelae opgeskort word by Allpay. Daarna sit hulle sonder enige inkomste, totdat hulle 'n dokter sien. Maar die dokters is hopeloos te min en die waglys is lank."

So sê Lillian Wellington, gemeenskapswerker wat haar beywer vir mense met toelae-probleme.

"Dit is nie soseer die pensioene wat 'n probleem is nie, maar die disability. Mense wat nie kan werk nie, het nou ook nie geld om by die kliniek te kom nie. As hulle daar kom, sit hulle hulle dae om om 'n dokter te sien.

"Ek was al by wat mense flou val omdat hulle heeldag sit en wag en nie geld het vir kos nie. Dit is 'n skandaal - die beskikbare dokters is totaal oorwerk.

"Die waglys van datums vir ondersoeke staan al op 5 Februarie 2004! Dit kan nie so aangaan nie. Is daar nie genade vir sieklike mense nie?

"Dan is daar gedurig klagtes dat mense by die klinieke se apteke voor dooiemansdeur te staan kom met medikasie wat nie beskikbaar is nie. Gedurig word net gesê "die voorraad is op, kom môre".

"Nog 'n probleem is dat die mense by die welsynskantoor in die Paarl aanmekaar vir mense wat navraag doen, sê hulle lêers is weg. Wat gaan aan by hierdie kantoor? Ek moes al self die lêers in die kantoor help soek."

"Al die jare het ons mense swaar gekry, en nou raak dit net erger."

Volgens 'n geneesheer wat anoniem wil bly, is die probleem dat die Departement Maatskaplike Dienste vir die mediese ondersoeke betaal, maar verwag dat die Departement van Gesondheid self die geneeshere vir die werk moet vind.

"Dit is verkeerd - die Departement Sosiale Dienste behoort self die geneeshere aan te stel, want dit is hul vereistes wat die bottelnek veroorsaak."

Volgens 'n ander geneesheer is een van die bydraende faktore dat daar groot werkloosheid is, en dat al hoe meer mense voorgee dat hulle siek is, om 'n toelae te verkry.

"Dit is hierdie mense, baie van hulle uit die Oos-Kaap, wat kliniek toe kom en doodeenvoudig kom 'pay' eis. Ongelukkig is dit die 'disability shopping' van vals aansoekers wat nou veroorsaak dat die mense wat werklik 'n toelae benodig, verdring word en die bottelnek veroorsaak.

"Wat ook kommer wek, is dat mense se toelaes deesdae opgeskort word voor die vervaldatum - partykeer sommer drie maande nadat die persoon die dokter gesien het. Die knoop lê vermoedelik by die streekkantoor van Maatskaplike Dienste."

Garth Morkel, hoof van die Paarl-kantoor van Maatskaplike Dienste, stem saam dat daar baie vals aansoeke vir toelaes is.

"Dit plaas 'n las op ons beperkte bronne en benadeel mense wat toelaes verdien. Daar is gemiddeld 100 aansoeke per maand wat afgewys word as die dokter meen die persoon kan met die regte behandeling herstel binne ses maande.

"Ek weet van geen lêers wat nie op een of ander stadium nie gevind kon word nie al neem dit 'n tyd om die lêer en die aansoek op te spoor omdat dit op verskillende stadiums van vewerking is. 

"Ons benadering is dat ons almal burgers van dieselfde land is en dat almal, van waar ook al, wat by ons deure vir 'n diens kom, gehelp moet word.

"Volgens die Wet op Maatskaplike Bystand moet 'n tydelike toelaag (6 of 12 maande) eers verstryk voordat 'n persoon weer kan heraansoek doen. 

"In die gevalle waar mense se toelae 'vroegtydig' gekanselleer is, het hulle nuwe aansoeke ingedien voordat hul oorspronklike toelaag verval het, waarvan hulle 90 dae kennis met die reg tot appèl kry."

Volgens Morkel is addisionele dokters op die Departement Maatskaplike Dienste se onkoste in die Paarl aangestel tot die einde van Maart om die druk op bestaande gesondheidsdienste te verlig.

"Hulle sal hopelik Maandag by TC Newman Hospitaal en buiteklinieke begin werk om waglyste te verkort."

OVERCROWDING is one of the most serious problems in local prisons, according to the first report by the Boland Independent Prison Visitors.

The report, presented to Justice Johannes Fagan, Inspecting Judge of Prisons, last week, stated that Boland prisons are overcrowded by an average of 166%.

The biggest problem is Allandale Correctional Facility which is overcrowded by 199%.

The facilities were intended for a population of 342, but 682 people are incarcerated there at the moment. Hawequa has 390 inmates instead of 225 (173%).

At Drakenstein Medium A the percentage of overcrowding is 163%, at Medium B 145% and at Maximum 167%.

The Independent Prison Visitors (IPVs) are employed by the Office of the Inspecting Judge on a contract basis for two years.

They are allocated and remunerated for hours spent in prison and compliance to minimum standards, calculated on the approved prison population.

They report regularly to the Inspecting Judge on conditions in prisons, general statistics, an objective and independent views and positive critique of situations within prisons. They also make recommendations based on their experiences.

The report states that conditions in cells are inadequate, with 32 men in a cell designed for 16 inmates with only one toilet, screened only by a curtain or sheet.

Triple bunks are lined up back to back, one row each against a side wall and a third row down the centre, leaving very little space for movement.

Inmates hang sheets over the side of their bunks in pursuit of a semblance of privacy.

The last meal of the day is at 15:00 and in some cases supper is given at 13:30 to accommodate lock-up by 15:30.

Reading material is limited, as well as projects or activities in cells.

Being in a confined space with many others for up to 16 hours daily and without sufficient stimulation leads to frustration, boredom or depression. It also accommodates gangsterism and other negative activities.

Limited sports are available, but time allocated is short and not everyone can be accommodated due to lack of space, equipment, facilities and security.

It is evident that there is a great need and desire for more rehabilitation that would occupy the inmate, assist him to grow in skills, creative expression, knowledge, self-worth and purpose.

Complaints handled by the IPVs concerned appeals by inmates, assault, communication with family, corruption, food, healthcare, inhumane treatment, parole, transfers and rehabilitation.

In their recommendations, the IPVs say there is a definite need to network more between crime-prevention initiatives, self-employment and empowerment programmes, support and counselling groups and any other related aspects.

They recommend that attention is given to health and the shortage of pharmacists and other medical personnel as well as access to medication.

Rehabilitation should also receive more attention.

Justice Fagan said overcrowding was a national problem. The answer was not in building new prisons however, but lowering the number of people incarcerated.

He emphasised the importance of rehabilitation and called attention to a remark on the front page of the report: "Today state prisoner, tomorrow our neighbour".