 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||
|
|
|
|
|
|
|
|
|
|
|
|
'n BALLET- en opera-extravaganza - dit is hoe Drakensteiners die konserte van Kunstekaap in Paarl en Wellington beskryf het. "Die platteland het behoefte om blootgestel te word aan die kunste," het burgemeester Herman Bailey Vrydagaand op Wellington gesê en gepleit dat dié konserte 'n jaarlikse instelling moet word. Leerders van Klein Nederburg Sekondêr het die spoggeleentheid bygewoon en só vertel hulle: "Die beste was om te kan sien hoe wonderlik mense kan wees, en tog was dit nie net vroumense nie, maar ook mans. As ek daardie gevoel weer kan ervaar, sal daar niks wees wat my kan keer om dit weer te sien nie." Nog een sê: "Dit het ons laat dink aan die TV-verhaal, 'Die Namakwalanders' waar die 'radio' na die platteland gebring is." Landi Groenewald: "Wat 'n sintuig-bevredigende avontuur van 'n vindingryke mengelmoes van ballet- en operatreffers. Dis net nóg 'n bewys dat kuns mense van alle bestaan bymekaar kan bring. Wat 'n uitstekende bewusmakings-medium om die wêreld van kunste aan ons jeug bloot te stel!" Etienne Daniels meen dit was 'n ongelooflike ervaring wat hy nooit sal vergeet nie. "Die aand het my betower en my die ballet-wêreld vanuit 'n ander perspektief laat sien. Stywe broekies en diep stemme met hoë skoppe en unieke danse het nog nooit so mooi gelyk nie. Lank leef ballet en opera!" |
|
|
|
|
|
DIE Sanlam Voorbrandfees met verskeie produksies wat fokus op leerders, sal van 30 Augustus tot 2 September in die Wellingtonse stadsaal aangebied word as aanloop tot die Stokkiesdraaifees in Oktober. Die Voorbrandfees word vir drie dae gratis aangebied vir leerders (danksy Sanlam) maar voorsien ook vermaak vir volwassenes gedurende die aand. Die jeugproduksie XG deur Steyn Fourie is propvol energie vir leerders, maar fokus ook op waardes en norme. Hierdie produksie word op'n musikale wyse aangebied, maar wyk nie af van die normes nie. Dit is sommer net lekker losmaakmateriaal propvol energie. Op hierdie wyse word 'n positiewe ingesteldheid teenoor godsdiens, ouers, studies en talente by die kind gekweek. Daar is drie vertonings per dag in skooltyd. Slegs graad 3, 5, 7 en 9 sal die vertonings kan bywoon. * "Skeitbang" deur Leon Kruger (bekend vir Testosmoroon) is 'n prettige volwasse komedie op Dinsdagaand 31 Augustus om 19:00 in die stadsaal wat fokus op 'n bachelor wat bang is vir trou. Die regie word behartig deur niemand anders nie as Margit Meyer Rödenbeck, oftewel Dowwe Dolla. Gratis kaartjies geborg deur Sanlam is beskikbaar by die feeskantoor (873-3988). * Nataniël is die spesiale kunstenaar by die amptelike afskop van die Stokkiesdraai-kunstefees. KWV10 Brandewyn bied Nataniël in Konsert op Donderdag 2 September om 19:00 in die Wellington Stadsaal. Dit is Nataniël se eerste optrede op Wellington - 'n plek na aan sy hart. Dit is hier waar hy dikwels as kind by sy ouma en oupa gekuier het. Nataniël is 'n kunstenaar met vele gesigte wat reeds verskeie kunsvorme bemeester het. As sanger, akteur, skrywer, aanbieder het hy reeds bekendheid dwarsoor Suid-Afrika bemeester. Wen kaartjies vir Nataniël Een paartjie kan twee kaartjies en 'n komplimentêre bottel KWV10 Brandewyn wen. Kontak die Stokkiesdraai Feeskantoor vandag voor 12:00 op 873-3988 en jy is moontlik die gelukkige wenner. * Die Stokkiesdraai-kunstefees beloof opwindende produksies van 26 tot 31 Oktober. 'n Paar van die produksies sluit in "Op die vrou af" (Sarah Theron en Pedro Kruger), "Sussie is nou suur" (Marion Holm), "Ons eet steeds kreef" (Georgia, ddisselblom, DNA Strings en Cutt Glass), asook 'n Rockfees op 29 Oktober met Arno Carstens, Skallabrak, Gian Groen, Beeskraal en Ivanho. Navrae by die Stokkiesdraai-feeskantoor by 873-3988 of fees@stokkiesdraai.co.za. |
|
|
|
|
|
C-Kruis, 'n interkerklike diensjaarspan, is Sondag 22 Augustus en weer Dinsdag 24 Augustus tot Vrydag 27 Augustus in die Paarl Polisiekollege se ouditorium. C-Kruis bestaan uit 'n groep jong kunstenaars wat die evangelie op 'n byderwetse manier deur middel van musiek en dans verkondig. Hulle poog ook om dit prakties en met 'n hoë standaard aan te bied. Hulle besoek skole, bied aandprogramme, 'n Gospel Rock konsert en 'n sake-ontbyt aan en doen ook 'n uitreik na die plaaskinders. Die aandprogramme begin om 19:00 en toegang is R5. |
|
|
|
|
|
ON Wednesday and Thursday 12 August, Courtrai Primary hosts the "Kortrijk Film Festival" when the Academy will proudly present the Pearl Awards to the numerous winners. Some of the nominees are Finding Nemo, Shrek, Toy Story, Annie, Jungle Book, Beauty and the Beast, Robin Hood, Sister Act, Alice in Wonderland just to name a few. To see who walks away with the prestigious award, call Courtrai Primary at 863-3220 to book your R30 ticket (children R20). |
|
|
|
|
|
DRAMA, kabaret, boekepret, musiek, voorlesings, uitstallings en nog veel meer ... dis wat jy alles vanjaar tydens Afrikaansweek van 9 tot 15 Augustus in die Paarl kan kom geniet. Die Afrikaanse Taalmuseum en verskeie instansies in die Paarl span weer saam om Taaldag te herdenk. Kom luister na 'n unieke gesamentlike optrede deur twee bekende kore, geniet 'n ete of 'n glasie wyn terwyl jy na interessante kunstenaars luister, en sorg dat jy 'n draai gooi by al die wonderlike uitstallings. Die volledige program is ook beskikbaar by http://www.taalmuseum.co.za/museum_activities_a.asp. Die Taalmuseum bied vanjaar ook self vyf produksies aan - die Alles in Afrikaans musiekfees op Taaldag, 14 Augustus, met Dozi, Stef Kruger en Rappin' Donkie; 'n drama "Die Meester" ; 'n dansdrama "Raka" met leerders van Noorder-Paarl Sekondêr; 'n tienertoneelstuk deur ons eie dramagroep Museum Muse; asook "Boekepret" by skole in Paarl-Oos, in samewerking met Human & Rousseau. Die kaartjies vir hierdie produksies is beskikbaar by die Taalmuseum. 'n Roos is 'n roos is 'n roos... Museum Muse, die Taalmuseum se eie dramagroep bestaande uit plaaslike hoërskoolleerders, bied op 13 Augustus om 15:00 'n opwindende program aan, met oa woordeboeke, 'n ontdekking van die woord "roos" dmv gedigte van AG Visser, FW Reitz, NP van Wyk Louw en Lucas Maree. By die Historium. Kaartjies: R5 (volwassenes R10) en is beskikbaar by die Taalmuseum. Dozi in die Boland Die gewilde sanger Dozi en sy groep tree binnekort tydens die Alles in Afrikaans musiekfees in die Paarl op. Die fees vind op Saterdag 14 Augustus plaas tydens Afrikaansweek, 'n jaarlikse fees wat deur Die Afrikaanse Taalmuseum aangebied word. Die Alles in Afrikaans musiekfees vind plaas by die Carel Redelinghuys Sentrum, Hoërskool Gimnasium, Hoofstraat, Paarl, van 18:00 tot 22:00. Kaartjies kos R60 by die Taalmuseum. Die Meester "Die Meester", 'n drama met Johann Nel, word Woensdag om 19:00 by die Hoërskool Gimnasium Ouditorium opgevoer. Dié satire oor die onderwys van toeka tot nou, ontsien geen beleid van die verlede óf die hede, geen opvoedkundige koei nie. Kaartjies kos R30 by die Taalmuseum. |
||
|
|
|
|
|
|
[ Top ] |
|||
|
[ Top ] |
|||
|
[ Top ] |
|||