|
DIE Boishaai orkes "Fly" rock nie net langs die sportveld met die jaarlikse interskole tussen Hoër Jongenskool en Paarl Gimnasium nie, maar nou ook op die Rimpelfees by die KKNK.
Manne vannie Suide is nie net die naam van een van die groep sy eie liedere nie, maar die manne stam ook waarlik van die Suide.
Met Chris Swanepoel van Kaapstad, Conrad Bell van Yzerfontein, Michael Klue en Jan Rabie van Robertson en Nuy-vallei se wynlande en JF Hill van die Paarl, lewer Fly eie musiek en lirieke met 'n styl van hul eie.
Hierdie matriekleerlinge van Boishaai is gekies uit vele aansoeke deur die KKNK om vanjaar hul ding te gaan doen op die Rimpelfees in Oudtshoorn.
En dit is wat hierdie Kaapse boorlinge gaan doen by die klub@Odn Inn by die Oudtshoorn Inn in Baron van Reedestraat (toegang gratis).
Hulle is te sien op Dinsdag 1 April om 15:00, Woensdag 2 April om 17:30, Donderdag 3 April om 22:30 en Vrydag 4 April om 15:00 |
WHEEEE! Danelle van Coller van Laerskool Paarl Gimnasium (graad 0) het haar terdeë geniet tydens die Buksie Atletiekdag vir voorskoolse Gimmies. Daar het die jong klomp geleer om hoog te spring. Een van die groot treffers was die sakresies wat die ouers meer geniet het as die kinders wat deelgeneem het. Foto: Leon Steenkamp