|
DIE Landboudiploma in Keldertegnologie van die Elsenburg Landboukollege het die afgelope 25 jaar meer as 80% van Suid-Afrika se voorste wynmakers opgelei. Voornemende kandidate vir hierdie kursus word nou aangemoedig om hulle aansoeke vir 2003 in te dien.
Johan Gelderblom, Wes-Kaapse Minister van Landbou, Toerisme en Dobbelary, het gesê hy sal graag 'n meer verteenwoordigende studente samestelling op Elsenburg wil sien. Op die oomblik het die Kollege 250 studente waarvan slegs 15 uit voorheen benadeelde gemeenskappe kom.
"Ek doen 'n beroep op alle aspirant-wynmakers met 'n passie vir die landbou om die vrymoedigheid te neem om vir die kursus aansoek te doen."
Die kelder is onlangs aansienlik uitgebrei om te voldoen aan die groeiende vraag. Die verbeterings sluit in 'n nuwe mikrobiologie-laboratorium, sowel as die opknapping van die parslokaal om druif-ontvangs en die verwydering van doppe en stingels glad en moeiteloos te laat verloop.
Tans kan die kursus twintig studente akkommodeer, in vergelyking met die tien van vroeër. Hiermee saam is ook heelwat addisionele toerusting - veral tenke - aangeskaf.
Voornemende kandidate wat daarin belangstel om in te skryf vir die 2003 Diploma in Landbou: Keldertegnologie by die Elsenburg Landboukollege, moet nie later nie as 31 Julie aansoek doen.
Die voorvereiste vir toelating is dat kandidate reeds in besit moet wees van Elsenburg se Hoër Sertifikaat in Landbou met Wynwetenskap en Wingerdbou as vakke, of oor 'n gelykwaardige kwalifikasie.
Die keuring sal gedurende Augustus geskied en sal 'n onderhoud insluit. Navrae kan gerig word aan Pieter de Wet 808-5481 of Willie van Zijl 808-5457. |
APPROVED. The Neo.Novo marketing company in Paarl recently received their ISO 19001 certification, after the South African Bureau of Standards evaluated their quality management systems and approved it. Here (from left) are Helmut Biesenbach (Logistics Manager), Steven Lashmar (Manager Certification Western Cape) and David Farrell (Managing Director of Neo.Novo).