|
 'n BEKENDE in onderwyskringe, Colin de Vries (48) van Wellington, het verlede Vrydag weens nierversaking gesterf terwyl hy in 'n dokter se spreekkamer was.
De Vries, wat 'n diabeet was, het glo twee maande gelede siek begin voel en het Vrydag vir 'n besoek na die dokter gegaan omdat hy bekommerd was oor die "geel kleur" van sy vel.
Hy het kort na sy aankoms by die spreekkamer inmekaar gesak en gesterf.
Hy was vir baie jare betrokke in die onderwys en was die afgelope ses maande verbonde aan Bergrivier Sekondêr.
Hy was ook sekretaris van die Wellington Taxivereniging.
Hy het aan die Universiteit van Wes-Kaapland as onderwyser gekwalifiseer en het sy loopbaan by Cloetesville Sekondêr begin.
Die skoolhoof, personeel, ouers, beheerraad en leerlinge het hul opregte meegevoel betuig aan die bedroefde familie. 'n Roudiens word vandag om 12:00 by die skool vir hom gehou.
Die begrafnis is Saterdag om 10:30 by die huis in Bo-Voorstraat en om 11:00 vanuit die VGK Kerk in Mellingstraat.
Hy laat sy vrou, Mercy, seun Hans en dogter Hildegaardt agter. |
'n LEERLING van Hillcrest Primêr op Wellington het verlede Vrydag op slag gesterf toe sy in Blignautstraat deur 'n motorfiets omgery is.