 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||
 |
|||||||||||
|
|
|
|
|
|
|
|
|
|
|
|
 |
|||||||||||
|
Wednesday 7 August 2002 |
|||||||||||
|
|||||||||||
|
This site will be updated on: 15 August 2002 at 17:00 |
|||||||||||
|
|
|
|
|
|
|
TALENTVOL. Die KWV Talentkompetisie is op Vrydag 16 Augustus in die Paarl Polisiekollege ouditorium. Die finaliste in die afdelings vir beginners en juniors is (agter van links) Franco Tredoux, Rudolph Livingstone-Louw, Ivan Vorster en Niel Scheepers. Middel: Lynelle Kenned, Hanmari de Wet, Mariechen le Roux en Stephanie Wittles. Voor: Sean Jacobs, Jean Louise Momsen, Minette Livingstone-Louw en Natasha Dahl. Kaartjies is by Musiklood, tel 872-3863. |
|
|
|
|
|
|
|
TER voorbereiding van Paarl Teaterklub se nuwe produksie "Die Vark en die Gousblom", word drie opvoerings gratis aan gemeenskapsorganisasies aangebied om geld in te samel. Maandag word die opvoering aangebied ten bate van die Vereniging vir Serebraal Gestremdes (Ron Hendricks by 862-1554), Dinsdag vir die ACVV se geletterdheidsopleiding onder plaasarbeiders en Woensdag ten bate van die Agapé Vigs Ondersteuningsgroep (Zelda Fortuin by 872-1711). Die "Vark en die Gousblom" is in die tipies Amerikaanse melodramatiese styl, en die verhaal is gebaseer op Bill Johnson se "Dirty Work at the Crossroads" wat uit 1890 dateer: Die skurk wat daarop uit is om die hart (bates?) van die pragtige blonde heldin te verower, al kos dit ook watse slinkshede en konkelwerk ... selfs moord! In kort, 'n tong-in-die-kies sprokie waar die liefde en die goeie oorwin oor die bose. Die produksie word vanaf 16 tot 31 Augustus in die Ou Meulteater, Paarl, opgevoer. Kaartjies vir 16, 17, 21 en 23 Augustus is reeds uitverkoop. Kaartjies vir die ander opvoerings teen R25 per persoon by Print Right, Paarl (872-7209). Besoek gerus ook die teater se webwerf by www.meulteater.co.za. |
|
|
|
|
|
|
|
|
|
VIER Taaldag, Woensdag 14 Augustus, saam met Paul Eilers en sy program, "Nawelstring van die Woord", en 'n laatontbyt by Café Delvera om 09:30 vir 10:00. Dit is 'n voordrag uit prosa en poësie van onder andere Annelie Botes, C Johan Bakkes, Jan van Tonder en Chris Barnard. Luister hoe Paul nuwe bekoring gee aan gedigte van Van Wyk Louw, Leipoldt, Breytenbach en Krog. Reëlings deur Definitely Different geleentheidskoördineerders. Kaartjies teen R80 by Elma Brand, 863-0397 of 082-808-1114. |
|
|
|
|
|
|
MUSIEKLIEFHEBBERS van die Wamakersvallei kan Saterdagaand om 20:00 luister as die jong Namibiese pianis Willem van Schalkwyk werke van Beethoven, Brahms, Prokofiev en Skrijabin in die Goodnow-saal op Wellington speel. Hierdie opwindende pianis was in 2000 'n medalje-wenner in die nasionale Hennie Joubert Klavierkompetisie en studeer tans in Amerika waar sy loopbaan met rasse skrede vooruitgaan. Hy het al reeds 'n aantal Internasionale klavierkompetisies gewen en het verskeie orkesoptredes agter die blad. Musiekliefhebbers sal nog sy fenomenale vertolking van die tweede klavierkonsert van Tschaikofski tydens die Hennie Joubert Kompetisie onthou. Kaartjies is R40 (R30 vir pensioentrekkers) by die deur. Skoliere en studente kan die konsert gratis bywoon. |
||
|
|||