Wednesday 7 August 2002

This site will be updated on: 15 August 2002 at 17:00

Lifestyle - Leefstyl

• De Klerk waarsku teen apatie
• Sjef gee wenke
• Moedersmelk is mos koningskos

"SOOS kanker 'n gevreesde siekte is wat groot hartseer bring, is daar 'n volksiekte wat in Suid-Afrika ontwikkel en wat die lewenskragtigheid van die land vernietig."

Dit is die kanker van apatie, het oudpresident FW de Klerk verlede week in die Paarl gesê net voor die begin van die jaarlikse Bergrivier Bootvaart vir Kansa.

"Die nuwe Suid-Afrika is beter as die ou Suid-Afrika. Daar was goed in die ou Suid-Afrika, maar as ons daaraan vasgeklou het, het ons dalk vandag soos Israel of Zimbabwe gelyk.

"Ons moes dramaties verander om 'n katastrofe af te wend en het 'n grondslag van geregtigheid gevestig."

De Klerk sê die nuwe Suid-Afrika sit met ernstige probleme, soos werkloosheid, mis-daad, Vigs, TB en kan-ker.

"Ons moet 'n weg vind as nasie om hier-die groot probleme uit klein politiek te haal.

"Ons moet 'n gesonde benadering ont-wikkel om groot strui-kelblokke te oorkom en vir ons kinders 'n vei-lige land te skep."

De Klerk het die deelnemers aan die bootvaart geloof vir hul betrokkenheid en gesê dit behoort as inspirasie te dien vir baie mense om op te staan en aktief te raak in die gemeenskap.

De Klerk, wat die eregas was by die wegspring, het sy Griekse skoonma onlangs verloor aan kanker.

* Like cancer, apathy is a disease which will destroy South Africa, said former president FW de Klerk at the start of the Berg River rubberduck voyage in aid of Cansa.

DIE VLV Klein Drakenstein nooi alle belangstellendes uit na hul Tuisteskeppingvergadering Woensdag 14 Augustus om 14:45 in die Denneburg kerksaal.

Die bestuurder/sjef van Ali Baba Restaurant in die Waterfront is die spreker en behalwe dat hy garnering vir tuisonthaal gaan demonstreer, gaan hy ook die versier en dek van tafels vir verskillende geleenthede demonstreer.

Almal is welkom. Besoekers word gevra om 'n R10 bydrae te maak tot verversings. Vir navrae, skakel Corrie Rheeder by 872-9659.y

OUERS wil die beste vir hul babas gee en wanneer dit by voeding kom is die beste kos vir babas moedersmelk. Borsvoedingsweek word dié week gedenk omdat al hoe minder babas moedersmelk kry.

Dekades van navorsing het bewys dat borsvoeding perfek geskik is om babas te voed en te beskerm teen siektes. Babas wat geborsvoed word, word minder in hospitale opgeneem, het minder oorinfeksies, diaree, allergieë en ander mediese probleme as bottelbabas.

In die Wes-Kaap begin 65,5% vroue binne die eerste uur ná kraam met borsvoeding en 86,5% binne die eerste dag.

Die gemiddelde tyd van eksklusiewe borsvoeding is net 12 dae in die Wes-Kaap. Nasionaal word net 10,5% van kinders onder drie maande eksklusief geborsvoed. Die getal val na 3,5% vir kinders tussen 4 en 12 maande.

Borsvoedingsweek wil al dié feite onder mense se aandag bring.

In 1956 het 'n paar Amerikaanse vroue besef die kuns van borsvoeding word nie meer van geslag tot geslag oorgedra nie en het met die eerste moeder-tot-moeder ondersteuningsgroepe vir borsvoedende mammas begin.

Die La Leche Liga hou maandelikse moeder-tot-moeder ondersteuningsgroepe waar ma's kan kyk, luister, vrae vra, kla en praat. Maak vriende met ander mammas, ontdek hulpbronne en help ander ma's.

By La Leche Liga word gepoog om 'n ma te laat glo in haar unieke vermoë om na haar baba se behoeftes om te sien en haar die selfvertroue te gee om keuses te maak wat vir haar en haar gesin die beste sal wees.

Die Paarl La Leche Liga vergader vandag om 10:00 op De La Roche. Die onderwerp is die gesonde voeding van mamma en baba. Vir 'n La Leche Liga byeenkoms naby jou, kontak Jonette Basson by 872-5297.