Wednesday 7 August 2002

This site will be updated on: 15 August 2002 at 17:00

People - Mense

• Vrou staan haar man

ONS land kort meer vroue in sterk beroepe en my boodskap aan alle vroue op Vrouedag is dat hulle niks en niemand in hul pad na hul droom moet laat staan nie.

So sê Paarliet Nicolene Walters (25), 'n sterk vrou: bedags is sy 'n loodgieter wat nie skroom om op haar rug te karring aan waterpype en toilette nie.

Geleentheid vir 'n manikuur om die naels mooi te laat lyk, is daar beslis nie!

voor die kospotte gaan staan, terwyl daar na Peter-Leeheino (4) en Bradley (4 maande) omgesien moet word.

Gelukkig is man Heiné darem daar om na dié twee spruite om te sien en 'n helpende hand te verleen.

Die liefde vir haar werk het begin blom toe sy as klein tjokkertjie saam met pa Peter, eienaar van Nicholson Plumbing, op sy rondtes gegaan en "saam met hom gewerk" het.

Dié onderneming vier vanjaar sy negentiende bestaansjaar.

"Die gevoel om 'n loodgieter te word, was maar altyd daar, omdat ek so baie van my pa se werk ervaar het. Dit is 'n baie lekker werk, alhoewel dit nie altyd maklik is nie.

"Soms moet 'n mens jou eie handige plannetjies beraam as 'n ding nie wil werk nie!" lag sy.

En pa Peter trek haar glad nie voor nie - sy word behandel soos enige van die ander drie werknemers en soos dit 'n pa en dogter betaam, stamp hulle ook soms koppe.

"Kliënte is gewoonlik verskriklik verbaas wanneer ek vir 'n werk opdaag en hulle dan sien dat ek 'n vrou is.

"My ma is baie trots op my en persoonlik sal ek graag meer vroue wil sien wat vir hulself naam maak in 'n tradisioneel 'manlike' beroep," sê sy.

"My droom is om eendag die besigheid oor te neem as my pa nie meer daar is nie."

Sy gaan binnekort op nog 'n opleidingskursus om haar met nog meer vaardighede toe te rus.

* A Paarl mother of two is holding her own in a man's world: as a plumber.