safetop
b_home
fb_news
b_people
fb_lifestyle
fb_arts
fb_sport
br_schools
fb_letters
fb_business
fb_property
b_vacancies
b_classifieds
fb_archives
fb_aboutus
fb_advertise
printing
homeads
fb_touristinfo
fb_businessindex
fb_organisations
fb_contact
fb_search
Google

Search WWW
Search Paarlpost
 
ppostgothic
uitleg2mouthpiece
uitlefstreep

Thursday: 07 August 2003

uitlefstreep

This site will be updated on: 14 August  2003 at 17:00

Youth - Jeug

Grootste sege nog vir HJS

[ Top ]

wcheerFCNIE eens die Gimmies se nuwe vreesaanjaende haka kon die Boishaaiers keer om Saterdag 'n rekordverskil van 19 punte teen hulle op te stapel in die hoofwedstryd van Interskole nie.

Hoewel sake redelike gelykop verloop het met die aanvang van die wedstryd is die Gimmies omvergewerp deur die besering van hul kaptein, CP Mouton,

wat hom genoodsaak het om na slegs tien minute met harsingskudding die veld te verlaat.
Benewens die skool se oorwinning van 25-6 in die hoofwedstryd Saterdag, het Boishaai se eerste hokkiespan ook met die louere weggestap.
Op Gim se veld het die Boishaaiers Saterdag vir Gim 2-0 kafgedraf, nadat

SOET EN SUUR. Boishaai se eerste span onder leiding van hul kaptein, Pieter Louw (onder),  gee  uiting aan hul blydskap toe die eindfluitjie blaas ná Saterdag se interskole kragmeting. Terwyl HJS hul 25-6 sege gevier het, was dit 'n hartseer dag vir Gimmies. Foto's: Leon Steenkamp
 

twee doele kort op mekaar in die tweede helfte deur Wesley van der Walt en Christopher Elliott aangeteken is.

Dit was veral die Boishaaiers se verkry van omgekeerde besit wat hulle telkens kans gegun het om aan te val.

Gim het op sy beurt ook baie karakter getoon, met die broers Lou en Cou Pienaar en Erik Etsebeth wat uitgeblink het.

Die oggend het goed vir HJS begin nadat ook sy o.14A en o.16A spanne onderskeidelik 1-0 en 2-3 geseëvier het.

In die hoofnetbalwedstryd wat vanjaar weer op 'n papnat baan gespeel is, het die meisies van HMS hul sege van verlede jaar herhaal deur Gim 24-21 te klop.

Gim se o.16's (A tot F spanne) het al hul wedstryde gewen, met die A-span wat 16-13 geseëvier het. Die o.14's van Gim het 14-12 gewen.

In die eerste meisieshokkiewedstryd het sake gelyk geëindig op 1-1. Izelle van Blerk het vir Gim gedoel terwyl Carla van Deventer dieselfde vir HMS gedoen het.

Op die muurbalbane het Gim se eerstespan 7-6 gewen, met hul nommer een speler, Jaco Engelbrecht, wat slegs twee punte in sy wedstryd teen Boishaai se eerste gekeurde afgestaan het. Die tweede span het 11-5 verloor.

* Paarl Boys' High beat Gymnasium by the biggest margin ever in Saturday's Interschools match.

Weltevrede en Bergrivier pak mekaar

[ Top ]

ONDERSTEUNERS van Weltevrede en Bergrivier Sekondêr op Wellington kan hulle tande slyp vir die derby wat volgende week begin.

Die hoofwedstryd tussen die o.19A rugbyspanne is Saterdag 16 Augustus om 15:15 op Boland Stadion.

Die o.15A (10:30), o.16A (12:15) en o.8 Mini Rugby (11.45) ding ook teen mekaar mee dié dag. Die hekke open alreeds om 09:30.

Die derby begin Dinsdag al met vlugbal-, basketbal-, hokkie-, veerpyle- en skaakwedstryde.

Woensdag speel die o.13A (Hillcrest Primêr vs St Albans Primêr) om 14:00 op Pelikaanpark. Die o.14A's speel om 14:50 en die dogters om 15:50 en o.19B om 16:20.

Donderdag om 13:00 speel die netbalspanne teen mekaar en op Vrydag 15 Augustus die o.15A sokkerspanne, dogters, oudstudente, o.17 en ope seuns. Die landlope begin om 11:30 by Weltevrede.

Daar sal ook stalletjies wees teen R250.

Die aand is daar 'n oudstudente karaoke by die Bergrivier skoolsaal van 19:30.

Die Saterdag sal daar stalletjies by die rugby wees. Vir nader besonderhede bel JC Le Cordeur by 082-8202-198.

[ List of Schools / Skolelys ]

[ Top ]

Tel: (021) 871-1170 - e-mail: edit@ppost.co.za