Thursday 8 April 2004
This site will be updated on 15 April 2004 at 17:30
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
[ Top ]
EK verwys na die brief "Municipal finances a disaster" van 1 April en meen dit is uiters belangrik dat dit in die regte perspektief gestel word.
Ek stem nie saam dat die ANC/NNP koalisie kwansuis nie die finansies van die Drakenstein Munisipaliteit gesond kan bestuur nie. Die kwessies wat aangespreek moet word, is na my mening nie partypolitiek van aard nie.
Enige ander politieke party wat in beheer sou wees, sou dieselfde probleme ervaar het.
Die kwessies wat in die Ouditeur-Generaal se verslag aangehaal word, is meestal van 'n operasionele aard en nie beleid wat verontagsaam word nie.
Indien beleid, soos deur die Nasionale Tesourie voorgeskryf, deur die Uitvoerende Raad verontagsaam word, moet hulle verantwoordelikheid aanvaar.
Wanneer daar 'n gebrek aan interne finansiële dissipline is, moet die Hoof van Finansies en die Munisipale Bestuurder verantwoordelikheid aanvaar.
Die Uitvoerende Raad is verantwoordelik vir die finansiële beleid en die Hoof van Finansies en in 'n mindere mate die Munisipale Bestuurder is verantwoordelik vir die uitvoering en toepassing van die finansiële beleid.
Die akkuraatheid van die syfers soos in die jaarlikse finansiële state vervat (Inkomste- en Balansstaat) is die verantwoordelikheid van die Hoof van Finansies.
Wanneer vaste bates wat nie bestaan nie, op die vaste bates register verskyn, dui dit op 'n gebrek aan kontroles en spesifiek nie-nakoming van voorgeskrewe prosedures.
Die Hoof van Finansies, tesame met die afdelingshoofde, is verantwoordelik vir die instandhouding van die vaste bates register.
Dit is ook die verantwoordelikheid van die Hoof van Finansies om voldoende voorsiening vir slegte skulde in die balansstaat te maak. Dit kan volgens finansiële beleid en/of interne besluitneming geskied.
Die uitstaande skuld (debiteure) moet effektief deur die Finansiële Afdeling (Debiteure Kontrole) beheer word in lyn met die finansiële beleid van die Munisipaliteit.
Effektiewe kontantvloeibestuur en veral kontantreserwes versus leningskuld, is ook 'n belangrike funksie wat deur die Hoof van Finansies beheer word.
Dit is belangrik dat die punte wat in die Ouditeur-Generaal se verslag aangehaal word, deur die Hoof van Finansies so spoedig moontlik aangespreek en reggestel word.
Wanneer die punte 'n gebrek in die finansiële beleid reflekteer, moet die Uitvoerende Raad dit bespreek en 'n regstelling doen.
Die Uitvoerende Raad keur die jaarlikse begroting goed, maar die Finansiële Afdeling is verantwoordelik vir die sinvolle verslagdoening van die werklike finansiële posisie vergeleke met die begroting.
Die jaarlikse begroting word gesamentlik deur die Uitvoerende Raad en alle afdelingshoofde van die Munisipaliteit saamgestel.
Alfred Cupido