 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||
|
|
|
|
|
|
|
||||||||||
|
|
|
||||||||
|
die manne van die buurtwag het die gebied omsingel. Die verdagte het daarin geslaag om na Groenvlei te vlug, en die kordon het na Paarlberg se kant toe verskuif. Hulle was besig om die erwe te deursoek toe Shane Pietersen hoor van 'n man wat oor tuinmure in Ripariastraat klouter. Nie lank daarna nie, het hy die verdagte ontdek, kleingedruk in 'n Labrador se hok op 'n agterstoep. Shane het die man, van Nyanga, geboei en aan die polisie oorhandig. Geen inbrake is daardie dag aangemeld nie, maar Vrydag het die Buurtwag 'n oproep gekry. Daar is in 'n woning in Kronkelstraat ingebreek. Die eienaars is verlede week getroud en op hul wittebrood. Hul ouers het gaan inspeksie doen, en het besef die splinternuwe DVD-speler en 'n paar drafskoene is weg. Dit was toe die gesteelde goed in die swart sak in Skoolstraat. "Die paartjie is nie van die inbraak ingelig nie. Hulle eiendom is mos veilig teruggekry, laat hulle nog 'n bietjie vakansie hou," sê die manne van die buurtwag. * A burglar was found hiding in a kennel |
|
|
|
|
|
SOOS Winnie Mandela is 'n Paarlse elektrisiën hierdie week 'n vyf jaar opgeskorte vonnis vir bedrog opgelê. Mandela is skuldig bevind op 43 aanklagte van bedrog. André Smook is skuldig bevind op 'n aanklag van versekeringsbedrog en gevonnis tot R6 000 of 12 maande gevangenisstraf, opgeskort vir vyf jaar. Die hofsaak was 'n nadraai van 'n versekeringseis op 29 Julie 2002 van André Smook (40) van Prinsstraat 36, Paarl, waarin daar beweer was dat items uit sy woning gesteel is. Volgens die versekeringseis het sy vrou Sonja vyf dae tevore van die werk gekom en haar juweliersware en handsak op die tafel in die sitkamer geplaas. Sy het later die aand agtergekom dat die juweliersware, sowel as 'n beursie, sonbril, selfoon en kontant, verdwyn het. "Mutual & Federal het anonieme inligting ontvang dat die eis 'gelaai' is en mev Smook na bewering steeds die juweliersware dra wat deur haar geëis is," het die versekeraar getuig. Spesialis-ondersoeker Leon Niemand het die bewering ondersoek, maar weens gebrek aan getuienis is die eis van R17 751 uitbetaal (afwaarts aangepas van R46 187 weens onderversekering). In Augustus verlede jaar het Niemand Sonja Smook sonder afspraak besoek en haar met die 'gesteelde' juweliersware betrap. Dinsdag is die bedrogklag teen Sonja Smook in die Paarl Landdroshof teruggetrek. Haar man het skuld beken. Volgens hom is sy vrou se handsak met kontant, sonbril en selfoon uit die huis gesteel en het hul makelaar gesê dat kontant nie geëis kan word nie, maar dat hy nogtans die eisdokumente deurgestuur het. Met vonnisoplegging het landdros Dianne Blaauw "in ag geneem die vonnis wat Winnie Mandela hierdie week opgelê is" vir 43 klagtes van bedrog. "Vir Mutual & Federal en ander versekeraars is bedrog 'n ernstige saak. Die bedryf verloor jaarliks miljoene en dit het 'n direkte impak op alle versekerdes," het Niemand gesê. Mutual & Federal het 'n spesialisondersoekeenheid met 'n tolvrye bedroglyn, 086-010-2319. Inligting kan aan Niemand gegee word by 860-8550 of 082-9070-795 of lniemand@mf.co.za * A Paarlite has been found guilty of insurance fraud. |
|
|
|
|
|
DIE voorgenome naamsverandering van die Hugenote Tonnel na die Abdulah M Omar Tonnel soos voorgestel deur die Suid-Afrikaanse Padagentskap Beperk (Sanral) is voorlopig afgekeur deur die provinsiale namekomitee van die Raad vir Suid-Afrikaanse Geografiese Name (RSAGN). Nazir Alli, hoof uitvoerende beampte van Sanral, wou die tonnel vernoem om die ontslape minister van vervoer te vereer, en het gesê daar is reeds verskeie huldeblyke aan die Hugenote in die streek, soos die Hugenote Monument. Die Namekomitee het die aansoek egter weens te min openbare kommentaar terugverwys na Sanral met die aanbeveling dat 'n ander historiese monument eerder na Omar vernoem word. Die voorsitter van die komitee, dr Matilda Burden, het gesê Sanral het nie die regte prosedure gevolg deur toestemming en genoegsame terugvoering van die gemeenskap in die gebied te kry nie. Die regte prosedure sal geruime tyd duur en die finale besluit oor die naamverandering berus by die RSAGN. * The proposed name change of the Huguenot Tunnel to Abdullah M Omar Tunnel has been rejected by the provincial branch of the SA Council for Geographic Names. |
|
|
|
|
|
LIFE has many little surprises, but when the surprise came in the shape of an eight ton trailer, it was not very welcome. Glennys Mountford returned home from hospital on Thursday last week and was resting in her bed in Courtrai, Paarl, when disaster struck. Her husband Raymond had just walked into her room with a plate of toast when he froze. The built-in wardrobe door smashed and flew towards the bed. The clothes railing toppled and fell to the floor. Large cracks appeared in the bedroom's outer wall. And inside the wardrobe, the end of a flat-bed trailer had pushed its way through the bricks and plaster. A lorry which had been unloading bricks was still parked on an open lot behind Ypres Street when the trailer unhooked. The 8 ton trailer swung around and lumbered down the muddy slope, on its slippery path towards the Mountfords' home. And then it crashed through the bedroom wall. The wall will have to be rebuilt after an assessment of structural damage. In the meantime, Glennys's wardrobe sports an advertising board and an old door as outside wall. |
|
|
|
||||||||||
|
|
DIE honderde plakkershutte langs die treinspoor in Mbekweni moet afgebreek word, omdat dit 'n risiko is vir die oorhoofse hoogspanninglyne van Eskom. "Vir die plakkers om hier onder die kragdrade te woon is 'n groot veiligheids- en gesondheidrisiko want tydens 'n brand kan mense doodgeskok word. Só het Marius van Rensburg, netwerkdienstebestuurder van Eskom, Dinsdag gesê oor die plakkers wat in die spoorwegreserwe langs Drommedarisstraat in Mbekweni woon. Toe opslaanhuise vroeër vanjaar aan die brand geraak het, is die kragdrade beskadig en kragonderbrekings is veroorsaak. "As dit hier brand smelt die koperdrade. Dit kan veroorsaak dat die drade na die grond val en mense kan sterf," sê hy. "Ons het 'n versoek aan die Drakenstein Munisipaliteit gerig om die plakkers te verskuif sodat hulle in 'n omgewing kan woon waar die kragdrade nie hul veiligheid belemmer nie." Eskom het pamflette voorsien in verskillende tale, om die plakkers te waarsku teen die gevare van hul woonplek. Hulle het ook die skool in die omgewing besoek om oor die gevare te praat. Volgens die munisipale bestuurder, Jacques Carstens, is die munisipaliteit baie bekommerd oor die probleem en word 'n nuwe gebied beoog waarheen die mense kan verskuif. "Ons ervaar 'n toestroming van mense wat werk en behuising in Drakenstein soek. "Die tekort aan formele behuising veroorsaak die besetting van onontwikkelde gebiede waar mense sonder dienste bly," sê hy. Herman Bailey, burgemeester, sê daar is geen oop terreine oor in Mbekweni waar mense kan woon nie, en tans word die grond oos van die Paarl-Wellingtonpad ondersoek. Kleinboere hou tans hier diere aan tussen Newton en Daljosafat. "Ons kan egter nie net die plakkers skuif nie. Baie beplanning moet in die proses gedoen word. Daar moet gekyk word na basiese dienste soos water en riolering," sê Bailey. Hy meen die verskuiwing sal binne ses maande kan plaasvind, hoewel die plakkers verkies om daar te bly. |
|
|
|
|
|
"DIE water kom by die fondamente en die mure in. Ons opgewondenheid om 'n huis van ons eie te kry was van korte duur." Só sê die inwoners van skemahuise in Greenfields in die Paarl wie se huise deurgeloop het in onlangse reënstorms. Die inwoners het in November 2002 in die huise ingetrek en Brenda Wildschutt kon haar opgewondenheid nie beteuel nie. "Ek het tien jaar gewag vir my eie regte huis nadat ons in 'n hok gebly het. Ek was uit my vel uit van blydskap," sê Wildschutt. Maar die glimlagte van inwoners het nie lank daarna nie in spyt en pure woede verander. Volgens Clive Serfontein, voorsitter van die buurtwag hier, is die huise wat vir hulle gebou is, nie op standaard nie en is dit 'n groot gesondheidsrisiko. "Die water kom deur die fondamente in en die matte word nat. Die water kom deur krake in die mure. Die huise slaan muf uit. "Dit kan net ongesond wees, veral vir asmalyers. Dis 'n broeiplek vir TB," sê hy. "Ons was al baie by die Munisipaliteit en hulle het tot op hede nog nie gekom om na die huise te kom kyk nie, nog minder om dit reg te maak," sê hy. "As dit reën, moet ek my bed skuif om die water wat uit die muur kom te vermy," het 'n bejaarde inwoner gesê. Volgens dié inwoner kom die reën ook bo by haar dak in waar die dakplate vasgebout is. "Ons wil hê ons huise moet van binne en buite gepleister word sodat dit sterker kan wees en die gate toegemaak is. "Ons is nie bereid om geld op die huise te spandeer nie, omdat dit nog nie op ons name oorgedra is nie. "Nog iets wat pla, is dat die strate waar ons bly, soos Johanstraat, nêrens op 'n kaart verskyn nie. "Ons bly al twee jaar hier, maar as jy die brandweer bel om 'n brand hier te blus, sê hulle daar bestaan nie so 'n straat nie!" Volgens 'n munisipale woordvoerder is die huise die eiendom van die inwoners, hoewel dit nog nie op hul name oorgedra is nie. "Die grond het aan die provinsie behoort en moet eers na die munisipaliteit oorgedra word voordat dit amptelik onderverdeel is. "Ongelukkig is daar vertragings met die oordrag deur die staatsprokureur weens probleme by die akteskantoor en kan dit nog geruime tyd sloer. "Inwoners het meer as 'n jaar gekry om alle klagtes aan te teken by die ontwikkelaar en die Munisipaliteit. Alle klagtes is opgevolg en foute reggemaak, selfs nadat die retensieperiode verstryk het. "Die pleister van die mure, geute en afvoerpype was egter nooit ingesluit by die gratis huise nie. "Dit is nou tyd dat inwoners eienaarskap aanvaar en lekkasies self regmaak. Hulle moet self hul mure pleister en verf, en hul lekkende dakke herstel. "Die water dring slegs deur die vloere waar mense nie verseker het dat die grond wat teen die mure opgestapel is, verwyder is nie. "Nadat slootjies om die huise gemaak is, was die vloere droog." Wat die afwesigheid van hierdie woonbuurt op die munisipale kaart betref, het die beplanningsdepartement beloof om die saak dadelik op te volg. Die name van die strate in die gebied is verander nadat die ontwikkeling begin is, en die nuwe name is nog nie op die kaart aangebring nie. * Residents of Greenfields have been angered by leaking houses on land which is not yet registered in their names. |
|
|
|
||||||||||
|
|
INBREKERS wikkel hulle nie sommer uit die lang arm van die gereg los nie, veral nie as hulle met twee flinke polisiemanne van die Paarlse misdaadvoorkomingseenheid te doene kry nie. Vrydag verlede week het insp Hein Salzman en sy kollega, konst Jerome Timmy, oor die radio gehoor van 'n huisbraak in Courtrai, Suider-Paarl. Die twee polisiemanne was te ver van die toneel, maar kon 'n halfuur later hand bysit toe die volgende huisbraakklagte, dié keer in De Zoete inval, oor die radio uitgesaai word. Hulle het twee mans in die omgewing van die toneel sien stap. "Die beskrywing van hul klere het gepas, so ook een van die verdagtes se kaalgeskeerde kop en vroue-oorbelle." Die polisiemanne het die jong verdagtes in die vangwa gelaai en is na Courtrai om 'n verklaring van die klaer te kry. Terug by die polisiestasie, is die mans se vingerafdrukke met 'n nuwe revolusionêre stelsel, die "Morph-touch", geneem. Dertig sekondes later was die uitslag daar. Een van die verdagtes is verbind met 'n vier-jaar-oue huisbraaksaak in Kaapstad. Niks ontglip hierdie polisiemanne se geoefende oë nie. Die duur horlosie aan die arm van een van die verdagtes, het hulle laat wonder. Insp Hennie Williams, wat 'n reeks inbrake in Suider-Paarl ondersoek, is nader geroep. Hy het 'n inwoner van De Zoete Inval geskakel by wie onlangs ingebreek is. Ja, het die man bevestig: dit is sy gesteelde horlosie, en sy vrou se oorbelle, en sy hemp aan die verdagte se lyf. Die verdagtes, van die Bloekombos plakkerskamp by Kraaifontein, is op ses huisbraakklagtes in Courtrai en De Zoete Inval aangehou. Die taak welgedaan, het die polisiemanne weer die pad gevat in hul patrollievoertuig. In die middedorp het hulle gesien hoe mense agter 'n jong man aanhardloop. Hulle het die man voorgekeer en 'n gesteelde selfoon gekry. "Dis net 'n kwessie van op die regte tyd, op die regte plek," het insp Salzman beskeie gesê. * Wide awake local policemen have hit burglars hard by being in the right place at the right time. |
||||
|
|
|
||
|
|
|
|
|
[ Top ] |
|||
|
[ Top ] |
|||