Sport

• Noordelike spanne oorheers Cravenweek
• Roeiers pak weer Berg
• Vineyards wen weer
• Roses val vas teen Ceres
• St Helenabaai sink Newtons
• Young Boland golfers excel
• Taekwondo fighters give all in Korea
• Atletiekklub vir meesters in Boland gestig

dryfbewegings - die spelers is nie toegewyd genoeg in dié fasette nie," het die Boland se spanbestuurder, Albie Sinclair, Dinsdag gesê.

"Ons het 'n lekker agterlyn wat elke keer as hulle 'n kans kry, punte aanteken. Ons kry egter nie genoeg balbesit om aan te val nie."

Die Boland speel vandag om 09:55 teen die Limpopo Blou Bulle.

Die Boland XV-span het op hul beurt 15-5 teen Namibië verloor en 34-0 teen Grens Distrikte gewen.

Na die eerste twee dae is die Blou Bulle, Luiperds, Poemas en Griffons onoorwonne en kan daar verwag word dat twee van dié spanne Vrydag in die nie-amptelike eindstryd teen mekaar te staan kom.

Vandag se program is: 09:00 Namibië t Grens Distrikte, 09:55 Boland t Limpopo Blou Bulle, 10:50 Grens t Boland XV, 11:45 Griekwas t SWD, 12:40 Vrystaat t Kwazulu-Natal, 13:35 Leeus t Valke, 14:30 WP t OP, 15:25 Luiperds t Griffons, 16:20 Pumas t Blou Bulle

DIE taaiste kano-wedvaart in Suid-Afrika, die Bergrivier Kanomarathon, spring op 14 Julie in die Paarl weg.

Die marathon, wat volgende week vir die 43ste keer gehou word, spog vanjaar met 'n nuwe borg - Isuzu.

Die formaat waarin die legendariese wedvaart aangebied word, sal vanjaar ook verder verskil met die wegspringplekke wat deur 'n tydtoets bepaal sal word.

"Die top 60 gekeurde roeiers, volgens die nasionale ranglys en onlangse Bergrivier-wedvaarte, sal na die tydtoets uitgenooi word wat die Dinsdagmiddag 14:00 voor die wedvaart gehou word," sê die voorsitter van Paarl Kanoklub, Herbert Conradie.

"Roeiers sal individueel en twee minute uit mekaar by die voetbrug oor die Bergrivier (oorkant Boishaai se sportgronde) wegspring en 5km verder by die Daljosafat-keerwal klaarmaak."

"Die 50 roeiers met die beste tye sal in die A-groep wegspring wat in rye gespasieer sal wees.

"'n Geeltrui sal ook die aand voor die Berg-wedvaart aan die roeier oorhandig word wat die vinnigste tyd in die tydtoets afgelê het." 

Die eerste 60 roeiers sal só self hul wegspringplekke bepaal pleks van die lotingsproses van vorige jare wat dikwels tot ontevredenheid onder die top roeiers gelei het.

Slegs 188 roeiers het tot dusver vir vanjaar se Berg ingeskryf.

"Die lae watervlak wat verlede jaar genoodsaak het dat die wegspring van die Berg van Paarl na Hermon verskuif, het baie roeiers afgeskrik.

"Hulle wag nou eers om te kyk of daar genoeg water is," sê Conradie.

Volgens hom is die huidige watervlak voldoende vir 'n beslissende wedvaart.

"Die stuk tussen Grensplaas en Hermon wat verlede jaar die probleem-area was, is steeds vol bome, maar die watervlak is hoog genoeg om te roei," sê Conradie.

Kenners meen die gunsteling om vanjaar se Berg te wen is die wenner van 2002 en 2003, Jacques Theron van Gauteng.

Daarby sal verlede jaar se naaswenner, Graeme Solomon van die Skiereiland Kanoklub in Muizenberg ook weer Theron se grootste teenstander wees.

Die wêreldkampioen in die 38km marathon, Hank McGregor wat die Berg in 2000 gewen het, neem ook weer vanjaar deel en is beslis een van die roeiers waarmee daar ook rekening gehou moet word.

Twee roeiers wat gereeld hul plek in die Berg se top vyf roeiers volstaan, is Gert en Chris van Deventer.

Dié twee Matie-roeiers en oud-Paarliete neem egter nie vanjaar deel nie aangesien hulle SA tydens die Wêreld Kanomarathon-kampioenskappe in die K2-klas gaan verteenwoordig wat op 1 Augustus in Noorwëe gehou word.

Gert en Chris was verlede jaar onderskeidelik derde en vyfde in die Berg.

Plaaslike roeiers wat ook met belangstelling dopgehou sal word, is die ontwikkelingsroeiers Beaucrim Coetzee (o.16), Paul Lombard (o.18), Wayne August, Jermaine Pietersen, Niklas Tiras (aldrie o.21), en John Stadtler (senior).

Lombard en August het onlangs tydens die SA snelroei- en marathonkampioenskappe die WP verteenwoordig waar hulle tweede gekom het in die K2-klas van die byeenkoms.

Die marathon begin Woensdagoggend om 09:30 by die Markstraatbrug en eindig die daaropvolgende Saterdag sowat 200km later by Velddrif.

DAAR is steeds glimlagte in die Vineyards-kamp nadat hulle Saterdag vir Titans 38-18 geklop het.

Die flank Adam Moerat het vier drieë ingeryg en was die speler van die wedstryd, terwyl Adley Moerat (losskakel) en Ali Smith (stut) ook gedruk het.

Arief Slamdien (3) en John Koopman het met doelskoppe geslaag. Vineyards II en III het 27-0 en 5-3 gewen.

DIE eerste span van Roses United het Saterdag op hul tuisveld teen die verwagting in teen die gedugte span van Ceres 39-8 (10-8) vasgeval.

Dit was duidelik dat Ceres groot voorbereidings getref het vir die tweestryd, met die Boland Kavaliers Denzil Frans (flank), Vion Wium (slot) en Sollie Goosen (losskakel) wat opgedraf het.

Die besoekers het veral vanuit die vaste fasette van die spel die wedstryd oorheers en sodoende goeie balbesit aan hul agterlyn besorg.

In teenstelling daarmee kon Roses se pak nie genoeg besit verseker om hulle gevaarlike agterlyn aan die gang te kry nie.

Nadat Bredon April (vleuel) Roses se eerste en enigste drie vroeg in die wedstryd gedruk het, het die tuisskare verwag dat Roses vir Ceres gaan ore aansit. Ceres het egter algaande die wedstryd begin oorheers.

Roses se ander punte is aangeteken met 'n strafdoel deur Claude Arendse (senter). Heelagter Earl Manie het goed gespeel en voorlangs het Igie Korabie (agsteman) ook weer goed vertoon.

Ceres III het 31-0 gewen terwyl Roses II 8-5 gewen het.

Saterdag word 'n groot opkoms verwag op Pelikaanpark wanneer Roses teen Wesbank van Malmesbury te staan kom.

Roses het hul vorige ligakragmeting verloor en sal alles wil uithaal om te vergoed vir die vorige nederlaag. Hekke open om 13:00. 

SOOS dikwels vanjaar die geval was, kan Newtons net hulself blameer ná hul 22-17 nederlaag teen St Helenabaai die naweek.

Newtons het al die aanvalswerk gedoen in die wedstryd, maar was teen rustyd 14-0 agter, nadat hulle twee sagte drieë aan die tuisspan afgestaan het.

In die tweede helfte het die besoekers egter met twee drieë teruggeantwoord nadat Clayton Hendricks (flank) en toe Ashley Andries (heelagter) agter die doellyn gaan kuier het.

Die eindpoging was egter te laat en ná 'n blaps op hul eie agterlyn, gee Newtons nog 'n drie weg.

Solomon Philander (losskakel) het twee doelskoppe en 'n strafskop vir Newtons behaal.

Newtons speel Saterdag weg teen Darling. Die bus vertrek om 11:30 en is R30.

YOUNG golfers from the Boland showed their mettle at two junior golf events that was held this week.

Lee-Anne Tiemie of Paarl and Chamelia Persent of Wellington, both aged 13, were selected by the Boland Ladies Golf Union (BLGU) to participate in the South African Girls' Golf Championship.

Both girls are products of the SA Golf Development Board (SAGDB) and Boland LGU's development programme, which teaches them golf skills and give them the opportunity to become members at a golf club where a mentoring system is put into operation.

Ninety-one young women from all over South Africa, including 20 youngsters from the SAGDB programme participated.

The event, sanctioned by the South African Ladies' Golf Union, was for girls 18 years and younger and took place at the Krugersdorp Golf Club on Monday and Tuesday.

Persent and Tiemie competed in the C (handicap 19 to 29) and D (handicap 30 to 33) divisions finishing in tied fourth and third spots respectively with 61 and 44 stableford points after 36 holes.

"Ladies at Paarl and Wellington Golf Clubs have become mentors to the nine girls currently in the programme and play a significant role in them acquiring handicaps and learning the etiquette of golf at club level," said Cynthia Rayner, President of the Boland Ladies' Golf Union.

The Ernie Els Foundation and the South African Golf Foundation has joined forces to promote competitive golf between the top junior players in South Africa during the July holidays.

The first of four Ernie Els Junior Tour tournaments teed off on Monday at Randpark Golf Club and among the 96 juniors from all over South Africa participating, were Trevor Mahoney from Paarl.

Mahoney who plays with a 0 handicap and was recently accepted into the Ernie Els Foundation, was one of 12 players from the SAGDB to compete in this event.

Mahoney finished joint 23nd with scores of 82, 78 and 78.

During the first year, the Junior Tour will be restricted to Gauteng and the Western Cape, with the first two tournaments taking place in Johannesburg. The third and fourth tournaments will be held at Atlantic Beach Golf Estate in Cape Town (12, 13 July) and De Zalze Golf Estate outside Stellenbosch (14, 15 July).  All four tournaments are played over 54 holes.

Another Paarl player, Clive Vermeulen with an eight handicap will represent the Boland SAGDB in the Cape Town tournaments.

THE SA National Junior Taekwondo team won a bag of medals at the Junior World Championships and World Hwarang Taekwondo Championships that was held in Korea recently.

The eight member team, seven athletes and coach, JP Camara, brought home more medals than any other South African Junior Taekwondo team ever has.

It was the fifth year SA was represented at the world championships.

The Boland members of the SA team brought home a total of nine medals out of 11 divisions.

Claire McDonald won silver for Kyorugi (fighting) and silver in the Poomsae (forms) for junior women.

Maahir Moerat boasts a bronze medal for Kyorugi and silver for poomsae in the junior men class.

Ryan Muller took a silver medal in the creative poomsae for senior men.

These three members and Sake Maseti also of Boland all received a gold medal for the self-defence team-event.

The South Africans also received the team trophy for overall outstanding performance. 

"I am so proud of these young athletes who were awesome ambassadors for our country. My dream as coach of the national junior team, is to be able to afford our athletes the opportunity of more exposure.

"Not only did they perform with the indomitable spirit which is expected of an international Taekwondo competitor, but they too upheld the dignity of our nation," Camara said.

The preceding training camp to prepare the athletes for the tournament was held at the Action Sports Taekwondo SA headquarters in Paarl, which is the only full-time Taekwondo facility in the country and which boasts three training halls, a gym, indoor pool, and dormitory.

DIE groot bron van ervare atletiektalent in die Boland het plaaslike atlete gedryf om die Boland Meester Atletiekklub te stig.

Alle baan-, veld- en landloopatlete bo 30 jaar sal by dié klub kan aansluit wat op 30 Junie vanjaar amptelik tot stand gekom het.

Die klub is by Boland Atletiek en dus ook by Atletiek Suid-Afrika geaffilieer.

Atlete wat deel vorm van die Boland Meesters Atletiekklub sal dus in aanmerking kom vir alle provinsiale en nasionale spanne.

Atlete in die ouderdomsgroep wat voorheen aan die meestersbyeenkomste wou deelneem, moes Kaap toe reis. Dié atlete het dan ook op hul beurt vir die WP deelgeneem tydens nasionale byeenkomste.

Die stig van die Boland Meesters Atletiekklub beteken dat daar binnekort meestersatletiekbyeenkomste in Paarl, Wellington en ander plekke in die Boland aangebied kan word.

'n Vriendelike uitnodiging word veral aan alle stappers gerig om deel te neem, aangesien daar tans groot belangstelling is in stap as baanitem.

Die nuwe klub se bestuur is Noël Daniels (voorsitter), Hentie Geldenhuys (ondervoorsitter), Ronél Beukes (sekretaresse), Leon Leonard (tesourier), Jennifer Daniëls (statistikus), Ernst Kilowan (landloop), Kallie Nel (stap-, baan- en veldwedlope), Nicholas Fisher (padwedlope) en Wilma van der Merwe (padwedlope).

Landloopatlete oefen reeds hard vir die SA Landloopkampioenskappe wat op 11 September in Bloemfontein plaasvind.

Atlete kan nog vir hul 'n plek in die Boland-span bespreek tydens die ligabyeenkomste wat op 17 Julie (Robertson), 24 Julie (Paarl) en 31 Julie (Malmesbury) gehou word asook by die Boland Kampioenskappe wat op 7 Augustus in die Paarl plaasvind.

Vir navrae oor die Meesters Atletiekklub kan Noël (083-589-6096) of Ronél (083-232-2833) geskakel word

[ Top ]

[ Top ]

[ Top ]