 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||
|
|
|
|
|
|
|
|
AMPSMOTORS vir bugemeesters is ingestel in 'n era toe burgemeesters slegs deeltydse pligte verrig het, teen byna geen of min vergoeding. Tye het verander. Die huidige burgemeester van Drakenstein (nou ANC) word voltyds betaal en sy totale jaarlikse salarispakket beloop tans R358 014. Hierby ingesluit is 'n reis/vervoertoelaag van R52 022. Oor 'n vyfjaartermyn waaroor voertuie as bate afgeskryf kan word, sal dit dus R260 110 beloop, sonder dat die jaarlikse verhoging in ag geneem word. Die burgemeester kan dus die geld wat spesifiek vir daardie doel aan hom betaal word, aanwend om vir hom 'n ordentlike voertuig te koop, pleks van 'n nuwe ampsmotor van R500 000. Wat die res van sy burgemeesterskomitee (na die oorlopery almal ANC of onder ANC beheer) aan betref: die onderburgemeester se totale jaarlikse vergoedingspakket staan nou op R296 784, en die ander komiteelede op R280 384 elk. Hierdie vergoeding sluit in salaris, behuisingstoelaag, reistoelaag, pensioenfondsvoordeel, mediese fondsvoordeel, telefoon- en selfoontoelaag. Die burgemeester, onderburgemeester, speaker, die nege ander lede van die burgemeesterkomitee en die sweep (ook ANC) kos Drakenstein R3 755 422 per jaar. Die ander 45 raadslede saam kos die raad minder teen R3 253 828. Daar is nog verdere kostes wat by die burgemeesterskomitee se rekening gevoeg moet word: die salarisse van "ondersteunende personeel" en die inrig van spesiale kantore, wat miljoene beloop. Niemand is verbaas dat raadslede na die ANC "oorloop" om posisies (en inkomste) te behou of te verkry nie. Daar is geen aanduidings dat die aksies van die burgemeester en sy komitee enige noemenswaardige werkskepping en ander voordele na Drakenstein gebring het nie. Hoe lank die mense van Drakenstein nog hande gevou gaan sit en kyk hoe die ANC hulle geld mors, moet ons maar sien. Deetlefs du Toit (DA raadslid) |
|
|
|
|
|
EK verwys na die brief van DA-lid gepubliseer in die Paarl Post van 2 September (Ek kan doen met 'n miljoen). Ek hoop nie die stadsraad gaan sowaar 'n halfmiljoen rand spandeer op 'n nuwe ampsmotor vir die burgemeester nie. Daar is 'n aantal motormodelle beskikbaar wat die helfte van die genoemde bedrag kos en wat dieselfde goeie diens sal lewer. Hierdie geld moet liewer aangewend word om die onderhoud van munisipale voertuie te doen. Ek wonder wat die uitvoerende burgemeester as 'n verduideliking sal gee vir die besluit om so 'n duur bate aan te koop. En dit deur 'n ondernemimg wat 'n kontantvloeiprobleem het as gevolg van oninbare skuld. AL Rees Gibbs |
|
|
|
|
|
EK verwys na die Paarl Post se berig van 2 September oor die skorsing van raadslede deur hul partye. Dit het vir my onmoontlik geword om verder die publiek as lid van die ACDP te dien. Daarom het ek uit die party bedank. Die skorsing het glad nie bygedra tot hierdie besluit nie. Dit is my eerlike mening dat ek die inwoners van die "Cape Winelands" Distriksmunisipaliteit beter kan dien as lid van 'n ander party. Ek vra verskoning van almal wat ek oorreed het om vir die ACDP in die jongste verkiesing te stem. Dr Norman Kahlberg |
|
|
|
|
|
WAT is die kanse dat die polisie-offisiere wat (volgens briewe in Paarl Post) net koffie drink en geen empatie het met die "manne op die straat nie," die telefoon saans in die stasie kan laat beman deur iemand wat 'n taal kan praat, en kan lees en skryf? Ek is Vrydagaand 20 Augustus, drie ure nadat ek gaan slaap het, wakker gedonder deur twee polisiemanne wat op my deur gehamer het nadat 'n klagte ontvang is dat daar moleste is by nommer 9. Ek glo daar is honderde nommer neges in die Paarl, en die moleste was beslis nie by my nie. G Croucamp |
|
|
|
|
|
MAANDAG 20 Julie het ons besoek afgelê by die hofgebou in die Paarl. Groot was ons teleurstelling om die verwaarlosing, veral binne die gebou, waar te neem. Nadat ons deur die sekuriteitsafdeling beweeg het, het 'n stel trappe voor ons uitgestrek, vol swart skoenmerke - die toonbeeld van verwaarlosing. Verder in die gange af was die vloere vol nat merke (spuug?) en 'n samedromming van mense. Ons het so gou as moontlik uit die gebou probeer kom. Is dit moontlik dat die hofgebou, waar professionele mense werk, in so 'n vervalle toestand kan wees? Bekommerd |
|
|
|
|
|
EK verstaan ten volle waarom mense die huidige plaaslike politieke herskikkingsproses met uiterste sinisme beskou. Die wyse waarop die meerderheid NNP-verteenwoordigers derhalwe politieke in Drakenstein se Raad omgeruil het, spreek boekdele oor die verwagte uitslae van die 2005-verkiesing. As kiesers nie met hierdie aanname saamstem nie, is dit nou tyd om skouer aan die wiel te sit en hierdie huursoldate se 2005-model appelkarre voortydig om te keer. Derdevlak regering is aan die onderpunt van die politieke besluitnemingsproses. In Drakenstein het duisende kiesers in die pas afgelope eerste- en tweedevlak verkiesing hul stemme letterlik gemors deur NNP-leiers op hul woord te neem. Die kieser se vertroue is openlik misbruik en hy is sonder enige simpatie agtergelaat met die gebakte pere. Van inklusiewe regering het net stof en as oorgebly, en 'n leë dop om die ANC se spysvertering goed te bederf! Al alternatief wat vir die ontgogelde kieser oorbly,, is om hierdie wellustige oormag en hul huursoldate met effektiewe opposisie hok te slaan, anders gaan die noodwendige misbruik van hul magshongerte Drakenstein suur te staan kom. Die oorloopvenster open in werklikheid 'n blik op 'n politieke toekoms waarvan die kieser dringend moet kennis neem. Jean Smit (nou DA-raadslid) |
|
|
|
||||||||||
|
|
STADSRADE is beslis nie meer wat hulle was nie. Dit word nou weer onteenseglik bewys deur die bokspringe van raadslede tydens die oorloopperiode. Vroeër jare het raadslede diens gedoen in die stadsraad op 'n vrywillige basis, sonder politieke bande. Alle inwoners het dus vrymoedigheid gehad om hul raadslid te nader met versoeke. Deesdae kry politiek voorrang, en word van party verander op die basis van die beste aanbod van poste (en meegaande vergoeding). Die wense van die kiesers is minder belangrik as die sak van die politikus. So was die meeste NNP-raadslede doodtevrede om vandeesweek hul goedjies te pak en oor te stap na die ANC. So het hul partyleier beveel, hoewel dit waarskynlik nie die goedkeuring van hul kiesers wegdra nie. Diegene wat nie van die NNP na die ANC oorstap nie, sal na verwagting nie weer in die stadsraad wil dien nie, en bly vir eers bloot sit om den brode. Die res is haastig om hulle by die heersende party te skaar. Hulle wil reg geposisioneer wees vir 'n goedbetaalde pos ná volgende jaar se munisipale verkiesing. Terwyl die ANC dus kan terugsit met hierdie ooraanbod van "talent", het sommige raadslede vir hul partye 'n verleentheid geword. Seker dié dat sommige partye die oorlooptyd vooruitgeloop het en raadslede waarvan hulle ontslae wou raak, sommer by voorbaat geskors het. En terwyl daar geskarrel word vir poste, slyp die kiesers hul tande vir die volgende verkiesing. Dalk sal kandidate in die toekoms gevra word om 'n eed teen oorlopery te teken voordat hulle kiesersteun sal ontvang. |
|
|
|