 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||
 |
|||||||||||
|
|
|
|
|
|
|
|
|
|
|
|
 |
|||||||||||
|
Thursday 9 October 2003 |
|||||||||||
|
|||||||||||
|
This site will be updated on 17 Octcber 2003 at 17:00 |
|||||||||||
|
|
|
|
|
|
|
|
|
IN die berig van verlede week 2 Oktober is ek verkeerd aangehaal waar die huidige politieke stelsel in Drakenstein beskryf word as "Demokratiese Sosialisme". Dit was 'n drukfout en die sin moes verwys het na "Demokratiese Sentralisme". Dit verwys na die wyse waarop alle opdragte van die sentrale regering op die hoogste vlak via die provinsiale politieke strukture na onder deurgegee word na plaaslike takke van die ANC/NNP koalisie, en waar streng beheer en tugmaatreëls oor alle partyorganisasies geld. Dit is soortgelyk aan die optrede van die Sentrale Politburo van die vorige regime in Sowjet-Rusland. Indien dit die geval is, dan het ons op die oomblik in Drakenstein Munisipaliteit die bogenoemde Russiese model van Demokratiese Sentralisme (op plaaslike regeringsvlak) waar die verkose lede van opposisiepartye uitgeskuif word en waar hulle menings en deelname aan 'n demokratiese proses nie welkom is nie. In so 'n stelsel word veral kritiek uit eie geledere nie geduld nie, en dit sal interessant wees om te sien wat die "Drakenstein Politburo" nou gaan doen met die ANC/NNP raadslede wat teen hierdie outoritêre gesag in opstand kom. Die oorsaak van hierdie ongelukkigheid is te wyte aan die oorloopwetgewing, die invoering van die uitvoerende burgemeesterstelsel en die wyse waarop dit funksioneer onder leiding van die ANC/NNP-koalisie in Drakenstein. Indien hierdie proses voortgaan, is dit die laaste spyker in die doodskis van demokrasie soos die Demokratiese Alliansie (DA) dit verstaan. Deetlefs du Toit (DA raadslid) |
|
|
|
|
|
VANDAG wil ek ook graag my sê sê. Eenkeer elke maand op 'n Woensdag begin my dag al vieruur soggens wanneer ek my suikerpille moet gaan haal by die Hugo Rust daghospitaal. Elke vier maande sien ek die dokter. Graag wil ek weet hoekom moet 'n mens van soggens vieruur af tot halfsewe agter 'n toe hek straat-af staan in 'n ry. Halfsewe word die hekke oopgemaak en dan moet jy nou weer paradeer op na die hospitaal se stoep en dan val jy nou maar weer in die ry tot die verpleegsters kom. Die rede hoekom mense so vroeg in die ry staan, is om te verseker dat jy 'n plekkie kry, want na 10:00 word jou kaartjie nie meer aanvaar nie. Hoekom kan ons nie ook ingaan soos by ander hospitale en gaan sit nie in plaas van die koue, donkerte en nattigheid te trotseer. As jy nou net die oggend kom vir jou pille dan dink jy jy is nou baie gelukkig. Teen halfnege is jy op pad na die apteek-afdeling en dis daar waar al die moeilikheid begin. Jy moet dan jou sit kry en lekker sit, maklik tot halftwee, want dan word daar iewers vergadering gehou. Dit is die rede hoekom ek wil weet, is ons dan nie mense nie? Ons is mos nie diere nie. Kan dié wat in beheer is nie 'n klein kennisgewing uitskryf en sê ons hou vergadering nie? Hoekom elke Woensdag die mense laat sit soos poppe? Ek voel glad nie gelukkig oor die situasie nie, want ek sou die saak anders benader het vir almal se beswil. Kan daar nie aan die einde van die dag vergader word as almal geholpe is nie? Die mense wat wag is almal oud, vol skete en kwale, maar mense wat ook op hul dag iets beteken het vir Wellington se gemeenskap. Sylvia le Cordeur Dr Breslau Kruger, senior mediese superintendent van Paarl Hospitaal, reageer: Die diensure van kliniekpersoneel is 07:00 to 16:00. Die hek word om 06:30 oopgesluit deur die sekuriteitswag. Vir sekuriteitsdoeleindes en verstaanbare redes moet daar sleutelbeheer toegepas word en kan die kliniek se sleutels nie vir die sekuriteitswag gegee word om huis toe te neem nie, aangesien hy vir 'n private firma werk. Dit is dus onsinnig vir pasiënte om vanaf 04:00 by die kliniek te gaan wag terwyl hulle weet wat die kliniektye is. Pasiënte wat voor 10:00 hul kaartjies in die houer plaas, word nie weggewys nie. Diegene wat na 10:00 aanmeld, word geëvalueer ten opsigte van hul besoek en word dan daarvolgens hanteer. Hulle word nie summier net weggewys nie. Indien pasiënte te enige tyd die kliniek kom besoek, sal die personeel nooit teen 16:00 klaarkry nie. Dit is absoluut noodsaaklik dat die aptekers gereeld vergader om nuwe regulasies en vereistes van die Aptekerswet te bespreek. Die hoofapteker van Paarl Hospitaal het reeds 'n kennisgewing uitgereik wat hierdie situasie aan pasiënte uitspel. Daar sal in die toekoms gepoog word om die tydperk van vergadering tot die minimum te beperk sodat dienslewering nie negatief beïnvloed word nie. |
|
|
|
|
|
VEELS, geluk aan die inwoners langs Langenhovenweg wat met inisiatief, verbeelding en baie ure se harde werk, die sypaadjies langs die straat so mooi en kleurvol opgeknap het. Hierdie straat is een van die hoofingange tot Paarl en die eerste indruk nou, in vergelyking met die verlede, is dat ons mense trots is op die voorkoms van ons dorp en sy omgewing. Om hierdie projek langs die sypaadjies nog 'n verder hupstootjie te gee, kan mense wat ekstra potplantjies of struike of verf of boumateriaal het, dit nie aan die mense wat so hard daar werk skenk nie? Kan organisasies nie oorweging gee om iets soos 'n wisseltrofee of kontantpryse vir die wenners in verskillende kategorieë van verfraaiing nie? Dankie vir dié positiewe optrede. M Duckitt |
|
|
|
|
|
EK het gedink ek het al alles in my lewe gesien, maar wat te erg is, is darem net te erg. Op Maandag 8 September het ek met skok gesien hoe 'n verkeerskonstabel tussen 13:00 en 14:00 met groot gemak sy "amptelike" voertuig in een van die weinige parkeerplekke wat uitgesit is vir gestremdes by Pick 'n Pay Paarl parkeer en daarna vort is. Hoe op aarde verwag die owerhede dat mense wette moet gehoorsaam, terwyl die mense wat die wet moet toepas, dit self oortree? Gereeld sien 'n mens die verkeerskonstabels ry met 'n selfoon in die hand of geen veiligheidsgordel aan nie (die lys is eindeloos). Verder het hulle klaarblyklik volmag om enige verkeersreël te oortree. Wat het geword van "practice what you preach?". Baie mense redeneer net dat as die ouens wat die wet toepas nie daarvolgens optree nie, hoekom moet ek? Ilse Olivier |
|||||
|
|
|
|
||
|
|