Thursday 9 October 2003

This site will be updated on 17 Octcber  2003 at 17:00

Nuus - News

• Tonge los oor eis teen man se boedel
• Toll road shock
• Man in koma na botsing met bees
• Heksejag nadat raadslede kla
• Skote klap op Wellington
• Blitsige reaksie red lewe

Hy is twee jaar gelede in raaiselagtige omstandighede op sy plaas Bruinrug, naby Beaufort-Wes, dood aan 'n skietwond.

Ses maande voor Petersen se dood het hy 'n testament opgestel wat bepaal dat sy nalatenskap in 'n trust gehou word wat deur sy suster, Luhellen Dixon van die Paarl, beheer moet word.

Van Wyk het 'n eis namens die kinders teen die boedel ingestel. Behalwe die maandelikse onderhoudgeld van R200 vir elke kind het die kinders nog niks geërf nie.

"Ek is maar net 'n ma wat die beste vir haar kinders wil hê. Dit kom die kinders toe," verduidelik Van Wyk.

"Kit het altyd gesê sy kinders kom eerste in sy lewe. Hy het nooit die kinders afgeskeep nie en het altyd belowe om na ons te kyk. Hy was 'n goeie man."

Van Wyk sê Petersen was eerlik met haar en het gesê dat sy ouers nooit vir haar en die kinders sou aanvaar nie.

"Hy sou nie daarvan gehou het om sy kinders so te sien swaarkry nie."

Die afgelope sewe jaar woon Van Wyk en haar twee kinders in die bediendekwartiere van die huis wat Petersen in Newton vir hulle gekoop het.

Hy het egter later na George verhuis. 'n Tweede eis namens 'n kind wat op George gebore is, is ook teen die boedel aanhangig gemaak.

Van Wyk se ma, Anna Juries, onderhou die gesin. Michelle is gestremd. Sy kry epileptiese aanvalle en moet een keer per maand vir behandeling by Tygerberg Hospitaal gaan.

Petersen was glo 'n miljoenêr wat verskeie eiendomme insluitend plase, 'n strandhuis by Hangklip en 'n vakansiehuis aan die Weskus gehad het.

Hy was die eienaar van die plaas Dasdrif Boerdery, waar sy suster, Luhellen Dixon, nou woon, en vorige eienaar van die plaas Mfoshola.

Van Wyk sê sy het Petersen 'n paar maande voor sy dood gesien.

"Hy was baie skraal en het behandeling by Panorama Hospitaal ontvang.

"Hy het gesê die dokters het toetse gedoen om vas te stel wat hy makeer en dat hy verskriklik bang was om te hoor die uitslag mag dalk kanker wees.

"Hy het my weer na my ma se huis toe geskakel, maar ek was nie daar nie en sedertdien het ek niks van hom gehoor nie."

Van Wyk vertel sy het drie dae na Petersen se dood by kennisse gehoor hy is oorlede en kon dus nie die begrafnis bywoon nie.

Hoewel die ouers van Petersen weet van die kinders se bestaan, het hulle nog nooit hul kleinkinders gesien nie. Petersen was hul enigste seun en was nooit getroud nie.

'n Skoolvriend van Petersen, wat anoniem wil bly, sê die verhaal van Kit Petersen is hartseer.

"Niemand weet hoe Kit dood is nie, maar ek vermoed hy het homself in sy bakkie geskiet."

Volgens Luhellen Dixon het die gesin die afgelope paar maande probeer om met Van Wyk te skik, sonder enige sukses.

Familielede het al vir Van Wyk by geleentheid geld gegee om haar dogter hospitaal toe te neem.

Indringende skikkingsonderhandelings word tans gevoer.

* Tongues are wagging in Wellington following the action instituted by a poverty-stricken local woman against the large estate of the deceased father of her children.

LOCAL businesses have expressed great concern about the decision by the Department of Environmental Affairs and Tourism (DEAT) to authorise tolling of the N1 and N2 highways.

The approval was given last week, with the final deadline for appeals on 30 October, after which the Minister of Environmental Affairs will finalise the decision.

According to the Record of Decision, the tolling and upgrading of the highways will not have a significant detrimental impact and the benefits will outweigh the possible netgative environmental impacts.

This despite a huge outcry from residents of the Western Cape, including strong opposition from local government and even the provincial authorities.

This week a member of the Drakenstein Action Committee also expressed serious concerns about the approval, despite the many objections.

The final environmental impact report (EIR) for the proposed N1/N2 Winelands Toll Highway Project was submitted to the national Department of Environmental Affairs and Tourism (DEAT) in December.

The review of the final EIR has now been completed and in terms of the Environment Conservation Act, DEAT has given authorisation to the SA National Roads Agency (Sanral) to proceed with the construction and upgrading of some sections of the N1.

This includes the construction of toll plazas between the R300 (Bellville) and Sandhills (De Doorns), including a new toll plaza at Joostenbergvlakte.

Authorisation has also been given for the construction of a new alignment of the N2 through Helderberg, construction and upgrading of portions of the road, and the construction of toll plazas between R300 and Bot River.

Any appeals must be made in writing directly to the Minister of Environmental Affairs and Tourism before 30 October, fax (012) 322-0082 or Private Bag X447, Pretoria 0001.

An appeal must set out all the facts as well as the grounds of appeal, and must be accompanied by all relevant documents or copies of them, which are certified as true by a commissioner of oaths.

A signed and certified appeal questionnaire must accompany all appeals, obtainable from the Department at tel (012) 310-3590 or e-mail cveeden@ozone.pwv.gov.za.

The authorisation and Record of Decision can also be found on the website www.crowthercampbell.co.za and has been made available for viewing at Wellington Library and Paarl Library (Mill Street).

In circumstances where the original decision is not upheld, a revised Record of Decision will be issued. Otherwise, Sanral will soon proceed to advertise their intent to toll, allowing additional periods for objection. Contact the Drakenstein Toll Road Action Committee on 863-2466.

'n POLISIEMAN van Ravensmead wie se motor verlede week 'n bees getref het op die N1, is steeds in 'n kritieke toestand in die waakeenheid van Louis Leipoldt Hospitaal, Bellville.

Inspekteur Russel Lesch (33) van Elsiesrivier en 'n vriendin, Lazaan Lackay (27) van Worcester, was in 'n wit Nissan Sentra onderweg na Kaapstad toe die ongeluk Maandagaand verlede week gebeur het.

Albei is in die Tygerberg Hospitaal opgeneem en het behandeling vir ernstige gesigbeserings ontvang. Lesch is later na Louis Leipoldt Hospitaal oorgeplaas.

Hy is steeds in 'n koma en aan 'n asemhalingstoestel gekoppel.

Lackay het ernstige gesigletsels opgedoen asook skade aan haar linkeroog.

'n Tweede motor het enkele minute na die ongeluk bo-oor die bees se karkas gery.

Die motor het gerol en op sy dak te lande gekom. Die vrouebestuurder het met ligte snywonde daarvan afgekom.

Die bees het glo uitgebreek uit die krale by BKB. Lesch se familie oorweeg 'n eis teen die maatskappy CNP Livestock, wat glo die bees na 'n veiling daar vergeet het, het 'n neef, Quinton Lesch, gesê.

 "Ons beoog beslis regstappe en gaan dit tot die hoogste vlak voer."

* A policeman is in a coma after hitting a cow on the N1 at Klapmuts.

'n BEHOORLIKE heksejag het in die Paarl losgebars ná verlede week se berig oor raadslede in die ANC/NNP koalisie wat voel hulle word "wees gelaat" deur die huidige politieke bestel in Drakenstein.

Sedertdien is beskuldigings oor wie dan kwansuis met die Paarl Post sou gepraat het, blykbaar aan die orde van die dag was in NNP-geledere.

Daar was selfs raadslede wat beweer het hulle het die "skuldiges" by die koerantkantore sien ingaan. Dit terwyl verskeie onderhoude elders gevoer is.

Na verneem word, is sekere raadslede selfs gevra om beëdigde verklarings af te lê dat hulle nie met die Paarl Post gepraat het nie.

Ten minste een van dié raadslede is besig om regsadvies in te win oor 'n moontlike lastereis.

In 'n amptelike verklaring het Johnny Schippers (NNP LP) dit betreur dat koalisielede in Drakenstein stadsraad hul "ongelukkigheid" by die pers bekla het.

"Dis seker hul goeie reg om onder die beginsel van anonimiteit hul identiteit te beskerm, maar party-lojaliteit moet ook seker 'n rol speel."

Burgemeester Herman Bailey het sy verbasing uitgespreek oor die klagtes van raadslede dat hulle "wees gelaat" is deur die Burgemeesterskomitee en dat wyksraadslede geen magte het nie.

"Die ou stelsel van Burgemeester, Uitvoerende Komitee en Raad is in Junie deur die Wes-Kaapse Minister van Plaaslike Regering vervang deur die stelsel van Uitveroende Burgemeester.

"Uitgebreide magte is aan die Burgemeester toegeken in samewerking met die Burgemeesterskomitee.

"In 'n deelnemende proses het die leierstrukture van die NNP en die ANC (die koalisie) hul voorkeur naamlyste aan die Burgemeester voorgelê, waaruit die komitee van tien lede aangewys is. 

"Hierdie proses was vooraf bekend en juis daarom vind ek dit vreemd dat hieroor nou gekla word. 

"Wat die DA betref is dit korrek dat hulle nie in die Burgemeesterskomitee verteenwoordig is nie, omdat hulle deel van die opposisie is. By rade waar die DA in bewind is, is daar slegs DA lede in die Burgemeesterskomitee."

Volgens Bailey is die portefeuljekomitees so saamgestel dat dit verteenwoordiging het van alle politieke partye (Artikel 80 komitees).

"Die Burgemeesterskomitee vergader tweeweekliks om sake spoediger af te handel, terwyl die volle Raad hoogstens een keer per kwartaal vergader om die bevoegdhede waaroor slegs die Raad beskik, te hanteer.

"Die Uitvoerende Burgemeester moet steeds aan die Raad rapporteer deur middel van periodieke verslae. "Al 58 raadslede ontvang dieselfde agenda as die Burgemeesterskomitee en is dus op hoogte van elke item wat op die vergadering behandel word. 

"Binne elke politieke groepering se koukusvergaderings word voldoende geleentheid gegee vir insette van alle partylede tot die denke wat in die verskillende items opgeneem moet word. 

"As lede dan weier om die koukusvergaderings by te woon, ontsê hulle hulself die geleentheid tot deelname," sê Bailey.

Hy meen die aantygings dat die meerderheid lede van die Burgemeesterskomitee proporsionele raadslede is, dra geen gewig nie.

"Daar is geen verskil in die status van 'n wyksraadslid en 'n proporsionele raadslid nie. 

"In die nuwe bedeling gaan daar 'n reusetaak op die skouers van wyksraadslede rus met die instelling van Wykskomitees vir Drakenstein.

"Wat raadstoelaes betref, is dit korrek dat daar 'n verskil is in dié van gewone raadslid en die voltydse lid van die Burgemeesterskomitee. 

"Van Burgemeesterskomiteelede word in terme van die Wet verwag om al hul aandag aan die taak te wy en ook mag hulle geen ander voltydse werk hê nie."

Hy het die verwysing van raadslid Deeflefs du Toit na die "Drakenstein politburo" met "die grootste minagting" verwerp.

"Dit sal baie help indien die opposisie 'n meer konstruktiewe rol wil speel en sodoende 'n bydrae maak tot die verwesenliking van die doelwitte soos vervat in die GOP," het Bailey gesê.

"Gesamentlik kan ons van Drakenstein 'n wen-munisipaliteit maak, maar dan moet dit die erns van elke raadslid wees om toegewyd sy rol te vervul, nie in eie belang nie, maar ter wille van die mense wat ons daar gestel het om hulle te dien.

Volgens Schippers word beslis van konsensuspolitiek in die NNP/ANC koalisie gebruik gemaak en dit werk goed.

"Die afleiding wat gemaak kan word, is dat die 'beswaarde groep' ontevrede is omdat hulle nie op die Uitvoerende Burgemeesterskomitee dien nie.

"Enige party het ook seker die reg om stappe te neem as enige onwaarheid verkondig word.

"Die berig skep die indruk dat  'n groot groep die aantygings gemaak het, maar by wyse van eliminasie, kan ons slegs aan twee lede dink."

"Ons is besig met 'n voorlopige ondersoek om die identiteit van die 'groep' vas te stel, en daarna sal konkrete voorstelle gemaak word om, indien hulle bona fide NNP-lede is, dissiplinêr op te tree."

* The NNP has launched a witchhunt to identify councillors who have complained about the 'authoritarian' executive mayoral system.

GEWEERSKOTE in Weltevrede, Wellington, het 'n skare omstanders Saterdagmiddag na die skuiling van hul huise laat vlug nadat drie polisiemanne waarskuwingskote geskiet het om oproeriges uiteen te jaag.

'n Bakleiery het by die huis van André Jacobs in St Peterstraat uitgebreek en die polisie is ontbied.

Die verdagte het hom teengesit tydens arrestasie en omstanders het glo klippe na die beamptes gegooi, waarop hulp ontbied is. Drie vangwaens en nog drie polisievoertuie het opgedaag.

Die geregsdienaars het die skare met knuppels uiteen probeer jaag en toe waarskuwingskote geskiet. Twee mense is gearresteer weens openbare geweld.

Lydia Manuel, 'n omstander, het haar baba en vyfjarige dogtertjie by haar gehad, toe die skietvoorval plaasgevind het.

In die geharwar om met haar twee kinders na veiligheid te vlug, het sy geval en haar nek en linkerskouer beseer. Sy dra 'n nekstut na die voorval.

"Hier was 'n skare mense en 'n klomp kinders in die straat. Die koeëls kon een van ons kinders getref het," sê Lydia. "Hulle het met lewendige koeëls geskiet en het nie eens die mense gewaarsku nie."

Eleanor Louw en haar kinders het vanuit die voordeur van hul huis die voorval betrag, toe drie koeëls vlak by hul deur verbygevlieg het.

Drie koeëlgate in die huis se muur en 'n patroondoppie wat sy later opgetel het, is tekens van Saterdag se gebeure. 

Louw het 'n klag van poging tot moord en opsetlike saakbeskadiging teen die polisiemanne by die Wellington Polisiestasie gelê.

Drie mans wat deel is van die Untouchables-bende het vlugtig in die hof verskyn op aanklag van openbare geweld en aanranding met die doel om ernstig te beseer en is op waarskuwing vrygelaat.

Die klagtes teen die polisiemanne word ondersoek.

* Complaints have been laid against policemen who opened fire on a crowd in Wellington who tried to free an arrested man.

DIE vinnige reaksie van 'n Paarl-Oos speurder het sy lewe gered en moontlik ook dié van sy kollegas.

Inspekteurs Anthony Sauls, Henry Radyn, Theo Kruger en konstabel André Levens het Woensdagoggend verlede week gaan ondersoek instel nadat 'n verdagte voertuig in Klein Drakensteinweg opgemerk is.

Die vier beamptes het die verdagte blou Mazda 323 met vier insittendes in Mackierstraat naby die Drakenstein Bewaarskool opgemerk.

Die drie passasiers het uit die voertuig geklim terwyl die bestuurder in die motor bly sit het.

Die polisiebeamptes het die drie mans gekonfronteer waar hulle op paaltjies op die sypaadjie gesit het.

Toe die polisie daarop aandring om die drie te visenteer, het 'n stoeiery ontstaan en het die een verdagte 'n vuurwapen te voorskyn gebring.

Die wapen is op insp Sauls gerig, maar omdat hy betyds sy vinger tussen die sneller en die snellerbeuel ingedruk het, kon die verdagte nie 'n skoot aftrek nie.

Intussen het die twee ander verdagtes in die rigting van die Mazda, sowat 100m verder, begin hardloop.

Insp Kruger en konst Levens het hulle ingehaal en in hegtenis geneem.

Die bestuurder van die motor het ook uit die voertuig geklim en homself aan die polisie oorgegee.

Mhlangabe Moingi (35), Lugisa Sidlanga (27) Mxolisi Fila (27) aldrie van Khayelitsha en Thobela Mphatat (27) van Mbekweni is in hegtenis geneem en daar is beslag gelê op  'n 3,75mm rewolwer, 'n 9mm pistool en sewe rondes ammunisie.

Die verdagtes het reeds in die Paarl Landdroshof verskyn. Die saak is uitgestel en hulle is steeds in hegtenis.

* In ander voorvalle het lede van die Paarl-Oos Polisie op twee 7,65mm pistole en 24 rondtes ammunisie beslag gelê buite wonings in onderskeidelik Bougainvillea- en Daphnestraat. Een man is in hegtenis geneem.

'n Haelgeweer is ook verlate in Daphnestraat gevind.

* Drie verdagtes is in hegtenis nadat 'n man aangerand en van sy selfoon en kontant beroof is.

Eddie Japhta was op pad huis toe toe drie mans hom in Driebergenstraat, Daljosafat, aangeval het.

Japhta is met 'n matmes gedreig en geskop en van sy foon en R110 beroof.

Hilton Johannes (21), Jonathan Windvogel (24) en Aden Julies (19) is in verband met die voorval in hegtenis geneem en het Maandag in die Paarl Landdroshof verskyn.

* The quick reaction of a Paarl East policemen may have saved a number of lives when he grabbed a robber's gun.