Lifestyle - Leefstyl

• 'n Drukkie vir my ma
• Paartjies genooi na diens
• Fun walk
• Skenk kornea aan oogbank

VALENTYNSDAG is dié een besonderse dag waar paartjies hul liefde kan bewys, en wanneer enkellopendes dalk nie meer alleen sal wees nie.

Paarl Post het onlangs die jongklomp nader getrek en hul menings gevra oor dié spesiale dag. 

Hulle het baie te sê gehad oor hoe 'n mens Valentynsdag moet vier.

Elrich Koopman is slegs nege jaar oud, maar weet alreeds dat as dié spesiale dag aanbreek, die mense geskenke vir mekaar uitdeel. "Ek gaan vir my ma en ouma 'n roos en 'n kaartjie gee, want ek is lief vir hulle."

"Op Valentynsdag trek die mense baie mooi klere aan. Hulle trek rooi en wit aan, en ek gaan ook op Valentynsdag dié kleure aantrek."

"Baie mense en outjies en meisies gaan eet uit in die restaurante en dan is hulle baie verlief. Hulle soen mekaar en gee mekaar drukkies. Ek gaan die dag baie geniet."

Angelique Clayton voel dit is die dag wat liefde simboliseer. Dit is 'n spesiale dag vir paartjies en alleenlopers asook familielede en vriende, want families en vriende kan liefde en dankbaarheid toon teenoor mekaar

"Valentynsdag kan wêreldwyd as 'n vreedsame dag beskou word aangesien mense gefokus is om hierdie dag vir iemand spesiaal te maak.
"Dit is die perfekte uitbeelding van liefde teenoor haat. Hierdie dag het 'n positiewe invloed op die bevolking in sy geheel. Dit is 'n straaltjie lig in 'n lewe geteister met misdaad en teleurstellings.

"Valentynsdag gaan ek myself 'n bietjie bederf met sjokolade en 'n romantiese fliek. Miskien ontvang ek dalk 'n kaartjie of 'n bos rooi rose, maar ek sal nie my hoop daarop sit nie.

"Ek dink die gemeenskap moet op hierdie dag mekaar omhels en dit as 'n begin beskou om nader aan mekaar te beweeg en minder in stryd met mekaar te leef."

"Op hierdie manier kan die individu besluit dat hy of sy nie net op hierdie spesiale dag mekaar sal liefhê en liefde toon nie, maar elke dag as 'n spesiale dag beskou."

Ja, enkellopendes kan ook hulself geniet, maar wat doen die verliefde paartjies?

Samantha Davids en Marcel Theunissen sê dat hulle nog steeds so verlief is, soos die eerste dag toe hulle mekaar ontmoet het.

"Ek voel dit is 'n baie spesiale dag. Nie net kan verliefdes mekaar met liefde bestrooi nie, maar vriende en families kan liefde van een en elkeen ontvang.

"Valentynsdag is dié dag dat daardie spesiale persoon die ekstra myl gaan om iets spesiaal vir jou te doen," sê Samantha.

Marcel stem heelhartig saam: "Dit is nie net op hierdie dag dat jy jou liefde moet toon nie, maar elke dag. Ja, natuurlik gaan jy net die bietjie ekstra doen om te verseker dat die dag vir jou geliefde spesiaal is."

"Ek beplan 'n spesiale verrassing vir my geliefde en op Valentynsdag sal sy sien dat ek haar meer lief het as ooit."

"Paartjies moet vir mekaar sê 'Ek is lief vir jou', nie net op Valentynsdag nie, maar elke dag.

"Moenie dat sy voel jy skeep haar heeljaar af en nou probeer jy opmaak nie."

"Valentynsdag is 'n wonderlike dag en almal moet probeer om op hierdie dag nie net vir geliefdes liefde te toon nie, maar vir vriende en families ook.

Skepties

Die ouer generasie is baie meer skepties oor dié dag en probeer om nie so 'n ophef daarvan te maak nie.

Soos een dame dit gestel het: "Ek is nog altyd lief vir my man. Hoekom moet ek dan nou vir hom sê hoe lief ek hom het.

"Netnou dink hy daar is iets aan die broei."

OIKOS Lewensvaardigheid nooi alle getroude paartjies uit na die viering van Wêreld Huweliksdag op Sondag 13 Februarie van 18:00 tot 21:00 by Huis Paarl Vallei, Hospitaalstraat, Paarl.

Die doel van hierdie geleentheid is om die lewenslange verbintenis tussen man en vrou te eerbiedig. Huwelikspaartjies sal die geleentheid hê om hul huweliksbeloftes te hernu.

Die funksie is 'n sigbare teken van die ondersteuning wat egpare nodig het om voort te gaan om daaglikse besluite te maak om mekaar te bly liefhê.

Daar sal ook 'n kompetisie wees vir die langste getroude paartjie teenwoordig die aand. Hierdie onvergeetlike geleentheid sal regstreeks deur Radio KC uitgesaai word.

Kontak Jacomina Alkaster by 082-992-3093 of Andrew Bruintjies by 082-702-0727 vir navrae.

THE Oaks Preparatory School will host its third annual Valentine's Day Fun Run/Walk tonight at 18:00.

The race starts and finishes outside the Market Street Cricket Club in Paarl.

The entry fee is R10 and cooldrink will be provided to all who finish. There will be many spot prizes as well as refreshments on sale.

For further information, contact the school on 863-2222.

DIE Oogbankstigting van SA doen 'n beroep op mense om kornea skenkers te word.

Die stigting se hoofdoel is die versameling en verspreiding van korneas aan chirurge en hospitale, vir oorplanting en hulle het 'n dringende behoefte aan skenkers.

Die korneas word om die sig van mense wat blind is of swaksiende is weens korneale siektes of korneale beskadigings, te herstel.

Die stigting is 'n nie-winsgewende organisasie, wat afhanklik is van die ondersteuning van sakelui, asook private persone vir sy bestaan en groei.

Die oogbank is in 1972 gestig en sedertdien is meer as 22 000 skenker korneas verskaf vir oorplantings.

Die korneas kan as die bekermende "venster" van die oog beskou word.

Lig dring die oog deur die kornea binne en gaan dan deur 'n klein opening, die pupil. Die beeld word dan deur die oog se lens op die retina gefokus.

Die gekleurde ring van die oog, die iris, kontroleer die hoeveelheid lig wat die oog binnedring.

Die kornea vorm ook deel van die buitenste beskermende laag va die oog wat die vorm en integriteit van die oogbol handhaaf.

Korneale siekte en korneale beserings lei tot blindheid in ongeveer tien miljoen mense wêreldwyd en is 'n algemene oorsaak van swak gesigskerpte in Suid-Afrika.

Korneale oorplantings is tans die algemeenste ensuksesvolste vorm van weefseloorplanting in mense.

* Oë moet van die skenkerliggaam verwyder word binne 12 ure na sterfte

* Enigeen vanaf die ouderdom van twee jaar kwalifiseer as skenker

* Die skenker se bloed word getoets vir HIV, Hep B en Hep C. Positiewe uitslae, asook Septisimia en TB, sluit oorplanting uit.

* Geen weefselooreenstemmings is nodig nie.

* Geen kostes word gehef, of betalings gemaak, aan die skenker se familie nie.

Skenkervorms is te kry by Die Oogbankstigting van SA, Laer Hoofstraat 231, Observatory 7925. Skakel hulle by 447-5151, 082-463-7945, faks 448-6086 of e-pos eyebank@iafrica. com.