Thursday: 10 July 2003

This site will be updated on: 17 July  2003 at 17:00

People - Mense

• Meer as 'n eeu beleef

G'N drank of nikotien oor sy lippe nie, elke Sondag getrou in die kerk en gereelde oefening deur die lang pad na sy kinders se huise te stap.

Dit is volgens Arend Mentoor van Endlerstraat, Groenheuwel, die rede hoekom hy verlede week 'n gesonde 103 jaar kon vier.

Dis net die oë wat so bietjie pla en 'n kierie help hom om oor die weg te kom, maar verder is oom Arend so gesond as kan kom. Hy meen ook sy hardwerkende geaardheid het baie bygedra daartoe.

Met heimweë vertel hy van sy kinderdae op Rooihoogteplaas tussen Fraserburg en

kan nie eens my naam skryf nie, maar het vir jare transport gery vir winkels daar in die omgewing. Kyk, daardie tyd was dit nog donkie- en perdekarre."

In 1917 het hy Paarl toe gekom om as drywer by die Poskantoor te werk. Dis ook hier dat hy vir die eerste keer 'n vrou, Lena, gevat het.

By haar het hy ses kinders gehad - Arend, Suzie, Abraham, Hans, Sandra en Eileen.

Toe sy sterf, het hy met 'n nooi Anthony getrou. Sy het hom ook egter ontval en Rosie-May was sy derde vrou. Sy is agt maande gelede oorlede. Nou bly hy by haar grootmaak-dogter.

Maar oom Arend is nog lank nie gereed vir die ouetehuis nie. "My oudste suster was 84 jaar oud toe sy gesterf het en ek voel nog lank nie lus vir gaan lê nie.

"Ek sit maar elke dag hier by die huis en die slag as ek nie taxi vat tot waar my een dogter in Klein Drakensteinweg bly nie, stap ek sommer oor soontoe."

* A Paarl man celebrated his 103rd birthday last week.