Thursday: 12 June  2003

This site will be updated on: 19 June 2003 at 17:00

 Letters - Briewe

• Nie alle inwoners kan tariewe beskostig nie
• Firma wil help om die streek skoon te maak
• Service bad everywhere
• Restaurant diens puik
• Waar is Paarliete se medelye dan nou  heen?
• Editorial: A bit of healthy competition

DAAR is altyd talle maniere waarop syfers gemanipuleer kan word en gegewe die ingewikkelde integrasieproses van die onderskeidende geografiese gebiede van die Drakenstein Raad, ook goeie argumente soos byvoorbeeld pariteit wat bereik moet word wat aangevoer kan word om onafwendbare verhogings in tariewe jaarliks mee te motiveer.

Die finale toets is egter wat die werklike impak is op die onderskeie kategorieë van verbruikers se maandelikse begroting.

'n Vergelyking tussen tariefverhogings vir die kategorie gemiddelde huis (voorafbetaalde krag) in die 2003/2004 begroting toon 'n verhoging van 7% vir Paarl, 15% vir Wellington, 40,5% vir Saron en 10,4% vir Gouda.

Die gevolge van hierdie besluit sal waarskynlik daartoe aanleiding gee dat sommige inwoners in hierdie kategorie uit hul huise gedwing sal word of bloot deel sal word van die statistiek van wanbetalers.

Ons vind die Raad se 2003/2004 begroting onaanvaarbaar omdat dit 'n erg verhoogde las op 'n uiters kwesbare deel van die gemeenskap plaas, naamlik die "nuwe middelklas" - die gedeelte van ons gemeenskap wat daarin kon slaag om hulself op te hef tot 'n gemiddelde grootte huishouding vanaf  'n klein huishouding (dikwels staatsamptenare en eerste keer huiskopers) en die "kwesbare middelklas" (pensionarisse wat 'n gemiddelde huis probeer in stand hou en die gewone werker wat nie 'n groot huis kan bekostig nie).

Hierdie feite word klaarblyklik erken deur die Raad in die Paarl area se begroting waar 'n verstandige progressie tussen die onderskeie groottes huishoudings plaasvind, maar dit word totaal misken in Wellington, Saron en Gouda.

Hoe kan die Raad regverdiging daarvoor vind om hul bedryfsbegroting met 13,7% te laat toeneem gegewe dat die motivering vir integrasie van die onderskeie rade 'n besparing in bedryfskostes ten doel gestel het? Ons aanvaar dat die Raad nuwe funksies bygekry het, maar is hierdie funksies volledig befonds?

Ons stel voor dat die Raad dringend sy begroting in heroorweging neem om daadwerklike verarming van die Drakenstein Gemeenskap te voorkom.

Ook was die syfers wat aan die Paarl Post verskaf is en op 5 Junie gepubliseer is vir 'n gemiddelde huis met voorafbetaalde krag op Wellington (kategorie 2a) foutief.

Die totaal behoort R491,24 te wees vir die vorige jaar (nie R549,70 nie), wat verhoog na R567,27 (R240,84 vir krag, nie R284,36 soos vir konvensionele krag nie) wat 'n verhoging van 15,5% soos aangevoer is nie. Die stadstesourier het die fout erken.

Max van der Wath
Wellington Sakekamer

ONS firma ontvang gereeld oorsese besoekers wat daarna uitsien om tydens hul besoek in die Boland te reis. Op dié manier wend ons 'n poging aan om toerisme in die algemeen te bevorder.

Een van die bekende plekke wat deur hierdie besoekers besoek word is die Bainskloofpas buite Wellington. Die huidige toestand van die kultuurhistoriese pas ten opsigte van rommel is skrikwekkend en ontlok sterk negatiewe reaksie van die besoekers.

Dit is duidelik dat ons motoriste rommel langs die pragtige pas strooi sonder besef van die nadelige effek op toerisme.

Ek wonder hoe gereeld hierdie roete opgeruim word deur die plaaslike owerhede.

Ons firma sal graag 'n bydrae wil lewer deur ons eie werknemers te mobiliseer en as voorbeeld rommel in die pas op te ruim.

Ons glo dat ander besighede in hierdie area die voorbeeld sal volg indien daar ondersteuning is van die Munisipaliteit en Distriksraad.

Ons het 'n verantwoordelikheid ten opsigte van die omgewing waarin ons besigheid bedryf en is reeds betrokke by sosiale projekte in die omgewing en nasionaal.

Hierdie verantwoordelikheid maak ook dat ons betrokke wil raak in omgewingsprojekte wat tot voordeel van die hele gemeenskap kan wees. Sal die plaaslike owerhede so 'n poging steun?

Danie Nel

I SYMPHATHISE with the reader who complained about receiving bad service at a well-known food chain. She stated clearly that this service is not the same quality as overseas. 

I am a South African who lives "overseas" in Scotland, and I can assure you that service here, at the same chain, is on a poorer level.

When in Paarl during March, we visited this "drive-thru" chain almost every day, and had excellent service!

So Paarlites, remember the grass isn't greener on this side, and neither are the hamburgers!

Clare Young
Dundee, Scotland

NA aanleiding van die klagte in die Paarl Post op 5 Junie in "Shocking service at this Paarl eatery", wil ek net sê ek kry elke keer uitstekende diens en vars heerlike kos by hierdie deurry-eetplek.

Vir diegene wat met alles in die wêreld 'n probleem het, kry asseblief 'n lewe.

Die "drive-thru" verskaf vir duisende werkers elke etenstyd vinnig kos, want ons het nie tyd om by ander plekke 'n halfuur te wag vir kos nie.

Om soms vyf minute te wag, is nie die einde van die wêreld nie. Ek is baie tevrede met ons eie "drive-thru" restaurant.

Tevrede klant
Paarl

OP Woensdagmiddag 4 Junie so om en by 14:00 was daar weer 'n sakkeroller-aanval op 'n bejaarde vrou in die Paarl. Die dame het in Nuwestraat geloop naby Patriotplein toe twee booswigte haar nader en haar sak gryp.

My man, wat in die omgewing was, het haar noodkrete gehoor en ondersoek ingestel.

Een van die diewe het verby hom gehardloop en sonder om twee keer te dink het hy hom agterna gesit. Hy trek toe een van hulle in Lady Greystraat vas.

Terwyl hulle besig was om te stoei kom die ander dief van die kant af en ruk 'n mes uit. Hy steek my man op die arm (dit was darem gelukkig net vleeswonde) en daarna mik hy toe vir sy bors.

My swaer het ook agterna gehardloop en hulle trek toe altwee vas in 'n winkel waar hulle ingehardloop het, en kry die dame se beursie terug.

Wat my egter ontstel het is dat my man sê dat daar so baie mense gestaan en kyk het en niks gedoen het om te help toe hulle agter die diewe aanhardloop nie.

Wat as dit met een van hulle familielede gebeur?

Ek is nie 'n bietjie trots op my man nie en al het hy seergekry is ek bly dat hy 'n ou dame in nood gehelp het.

Kan die polisie nie al daardie polisiemanne wat so in groepe voetpatrollie doen net herontplooi en versprei in die dorp nie, sodat hulle oral beskikbaar is nie?

Ek doen 'n beroep op die publiek om saam te staan om al hierdie booswigte in ons gemeenskap vas te vat!

Moeg vir misdaad

EXCITING times lie ahead for the Paarl Valley, with a number of development projects in the pipeline.

The new Winelands Estate in Simondium joins the fast developing Boschenmeer and Pearl Valley golf estates as well as Delta Crest on the list of up-market  residential developments.

The picturesque Winelands Estate boasts a wellness centre and hotel in the top bracket, and augurs well for tourism and investment in the area.

Another boost for the valley is the construction of the new Berg River Project, which includes the vast new dam to be built in the upper reaches of the river near Franschhoek.

The first step in this R1,5 billion project which should create many new jobs, is the upgrading of two gravel roads to give access to construction sites.

Also on the horizon, is the proposed Paarl Mall in Paarl South, a project into which new life has been breathed with the signing of the land purchase contract.

After delays of a year to negotiate better road access, the developer has now put its money where its mouth is, and signed on the dotted line for the purchase of the Langeberg factory (now known as Tiger Foods) in Cecelia Street.

Should this development spur property owners in Paarl's CBD to upgrade that area as well, so much the better for everybody. After all, there's nothing like a bit of healthy competition to get people going.