|
 EEN van die nominasies vir 2002 Vroueboer van die Jaar is Gesie Lategan van die landgoed Domaine Brahms in Agter-Paarl. Sy is genomineer vir die kategorie Top-produsent in die Nasionale Mark. Die wenners word vandag aangekondig.
Lategan het tot in 1989 as advokaat by die Kaapse Hoër Hof gepraktiseer waarna sy en haar eggenoot die plaas gekoop en ontwikkel het as wingerd- en wynplaas. Daarna het sy ook 'n landboudiploma met lof aan Elsenburg Landboukollege behaal. In 1992 het sy 'n diploma in keldertegnologie eersteklas verwerf.
Sy het van 1993 tot 1996 gedien as landdros in die Paarl.
Sedert 1999 het sy begin wyn produseer. In Oktober 2001 is Brahms Shiraz 1999 gekies as die kampioenwyn in die Shiraz Challenge en Gesie is aangewys as Wynmaker van die Jaar vir die Paarl-streek. Sy is in Mei vanjaar aangewys as voorsitter van Paarl Vintners.
Domaine Brahms bemark ook organiese tafelolywe en beplan om olyfolie, ook organies, te vervaardig en 'n restaurant te open.
* A Paarl winemaker has been nominated for the title Female Farmer of the Year. |
