|
|
|
||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|
|
|
|
TOP swimmers in the province will show off their abilities when the Jack Currie Western Province Championships start at the Paarl East swimming pool tomorrow. The swimming meet will extend over five days with the heats starting at 09:00 in the morning and continuing to 12:00. The finals of each day's events will start at 17:00. Swimmers of 18 years and younger will compete. The official opening is Saturday at 16:30. Entry fees are R10 per session, alternatively a championship ticket of R50 can be bought allowing access to all events over the five days. * In an effort to combat the number of the drownings which regularly occur during summer, the Learn to Swim campaign will once again be held to teach children to swim. A swimming session will take place at the Paarl East swimming pool today from 10:00 to 12:00. All are welcome and entry is free. |
|
|
|
|
|
'n VENYNIGE boulaanval deur Paarl-Oos Krieketklub het Saterdag die Peoples-kolwers behoorlik laat briek aandraai. Paarl-Oos se eerste span het op New Orleans die loot gewen en 218/7 in hul 60 boulbeurte aangeteken. Manfred de Kock (79 4x4) en Bruce Muller (61 4x7, 6x1) het met die kolf ingeklim, terwyl Jacques Krynauw (2/46 in 10bb) Peoples se beste bouler was. Nadat Peoples se vierde paaltjie in die 25ste beurt geval het, met die telling op slegs 56, het die besoekers verkies om eerder net versigtig na die balle te druk. Dit was veral die verbysterende spoed van die tuisspan se Hilroy Paulse (2/24 in 15bb, 4 leeg) en 'n paar geniepsige opwipballe, wat Peoples daarvan weerhou het om die teiken te jaag. Die wedstryd eindig uiteindelik onbeslis met Peoples wat op 118/6 staan ná 60 boulbeurte. Paarl-Oos verdien 12 punte uit die wedstryd en Peoples drie. Op Daljosafat het die twee klubs se tweede spanne mekaar die stryd aangesê. Peoples se Alec Dyssel (46 4x7), Audin Carolissen (41 4x6) en Wade Anderson (24 4x1) het tot die totaal van 155 bygedra. Paarl-Oos se boulers wat met die bal ingeklim het, was Brendon van Schoor (3/25 in 14bb, 6 leeg), Wayne Minnies (3/23 in 13bb, 2 leeg) en Justin Watts (4/23 in 15bb, 5 leeg). 'n Ware uitblinkbeurt van 113 deur Werner Erasmus wat nege grenshoue en ses sesse ingesluit het, asook 'n vinnige 28, insluitende twee grenshoue, deur Mario de Kock het die besoekers na 'n sege van 159/2 gehelp. Paarl-Oos I (weg) en II (tuis) speel Saterdag teen Malmesbury krieketklub. |
|
|
|
|
|
DIE louere in albei die 25 Myl wedrenne van die Boxing Day en Nuwejaarsdag byeenkomste in die Paarl het onlangs aan een fietsryer gegaan. Nolan Hoffman se harde trapkrag vroeg tydens die Boxing Day 25 Myl het verseker dat hy dié wedren kon wen sonder om enigsins in 'n naelrit vir die wenstreep betrokke te raak. Hoffman, voorheen 'n lid van die plaaslike Rhadsport Fietsryklub, ry deesdae vir die beroepspadfietsryspan Excell in Johannesburg. "Die begin was hard met die 35 ryers wat hard getrap het, maar met sowat 30 rondes oor het dinge begin rustiger raak. Ek het 'n aanval geloods en twee ryers, Paul Minnaar en Dean Hopf, het my gevolg," vertel Hoffman. Die drie ryers het vir 'n paar rondes saamgewerk totdat Nolan besluit het om weer onder hulle weg te trek. "Ek het weer die bondel ingehaal en was dus 'n ronde voor. Die bondel het toe stelselmatig weer vir Paul en Dean ingehaal. Met sowat 20 rondes oor het ek en Garth Thomas weer aangeval en het ons weer die bondel ingehaal." Hoffman en Thomas se voorsprong van onderskeidelik twee en een ronde het die wedren van 'n spannende naelrit vir die wenstreep ontneem. Die idee om die bondel reeds vroeg verby te steek, was van die begin af sy taktiek, sê Hoffman. "Ek het die hele dag goed gevoel. Ek het die punte en myl wedrenne gewen en gesien ek was die sterkste ryer op die dag." Volgens hom het die afwesigheid van die Kaapse CVT-ryers, wat gewoonlik in spanverband dié wedren probeer wen, sake vanjaar ietwat vergemaklik. "Die klomp individuele ryers moes elkeen self hard ry vir 'n plek." Dit is die eerste keer dat dié 19-jarige ryer die Boxing Day 25 Myl wen. In sy eerste verskyning in dié wedren in 2002 het hy derde geëindig, terwyl hy die volgende jaar weer tweede was agter Garth Thomas. Vanjaar se sege voltooi dus dié opwindende ryer se opmars tot Boxing Day glorie. Die junior, Martin Malan (Paarl Fietsryklub) was in die derde plek. Hoffman het dan ook sy titel in die Nuwejaarsdagbyeenkoms se 25 Myl vanjaar suksesvol verdedig deur Morné Blignaut te uitoorlê. Hoewel daar minder ryers in dié wedren in aksie was, het die tweestryd tussen Blignaut en Hoffman, asook heelwat valle, die skare behoorlik vermaak. Hoffman en Blignaut van CVT het na 25 rondes weggebreek en saamgewerk om hul voorsprong op die bondel te hou. "Ek het geweet ek kon nie wag tot die naelrit na die eindstreep toe nie, aangesien Morné, 'n sterker naelryer, onder my sou uitry." Hoffman het 'n aanval geloods, maar Blignaut het bygebly, 'n ronde later het nog 'n aanval gevolg, maar weer het die CVT-ryer aan Hoffman se agterwiel bly vasklou. Met Hoffman se derde aanval 'n ronde later was Blignaut se gô egter uit en die baan was oop vir die Franschhoek-ryer om sy tweede 25 Myl sege te verseker. Vir Hoffman lê daar 'n bedrywige 2005 voor. Hy is reeds terug in Johannesburg en het Saterdag tydens 'n 120km wedren in Bronkhorstspruit hard met moeder aarde kennis gemaak. Gelukkig is die omvang van sy beserings slegs "'n paar skraapwonde". Hoffman wil sy stem behoorlik dik maak tydens die Klub Classic wedrenne in Johannesburg en mik ook om die SA Padkampioenskappe te wen. "Ek sal ook graag 'n skof van die Giro del Capo toer wil wen en goed doen wanneer die Excell-span in Maart na Frankryk toer," het hy bygevoeg. |
|
|
|
|
|
[ Top ] |
|
|
[ Top ] |