Thursday 13 May 2004

This site will be updated on 20 May  2004 at 17:30

Youth - Jeug

• Tiener mik na Milaan

Tiener mik na Milaan

[ Top ]

SAL sy saam met haar mooi maats deelneem aan Mej Girls' High?

Of gaan Jenna Pietersen na die sterre reik en dalk as Suid-Afrika se Super-model gekroon word?

Dit was die bitter  moeilike besluit wat dié lenige 17-jarige bruin-oog van Courtrai moes neem.

Maar Jenna weet wat sy in die lewe wil hê. Sy was nog 'n klein dogtertjie toe het sy al geweet dat sy eendag 'n beroemde model gaan wees.

Daarom, en met die ondersteuning van haar ouers, maats en haar onderwysers, het sy Dinsdagaand nie aan die kompetisie by haar skool deelgeneem nie. Sy moes toe saam met die 19 ander

Jenna Pietersen is dalk op pad na Milaan.

semi-finaliste in Kaapstad voorberei vir die halfeindronde van die Supermodelkompetisie, Saterdagaand by Canal Walk.

Jenna het so stil-stil mooier en langer geword in die Paarl. Die afgelope jare is sy gereeld voorgekeer deur agente wat hul kaartjies in haar hand gedruk het.

Saam met haar ouers, Kobus en Hetta Pietersen, het hulle egter seker gemaak dat hulle 'n goeie agentskap uitkies, een wat saamstem dat Jenna eers haar skoolloopbaan voltooi voordat sy modelwerk in alle erns takel.

Twee jaar gelede, toe Jenna in graad 9 was, het sy by die Grand West Casino op die loopplank ontwerpe vir die Nederburg Collection vertoon.

Met haar lang donker hare het sy 'n Wella kontrak losgeslaan. Modefoto's van Jenna wat deur Europese fotograwe in en om Kaapstad geneem word, verskyn gereeld in oorsese tydskrifte.

Maar dis nie net modelwerk nie. Jenna blink uit op skool. Met haar 1,8m speel sy doel op die netbalveld. Sy oefen gereeld in 'n gimnasium en sy ontspan graag saam met haar ouers op vierwiel-vakansies in die veld.

Daar was landwyd meer as 1000 deelnemers aan die Supermodelkompetisie, waarvan die top tien Saterdag aangewys word. Charlize Theron was op haar dag 'n wenner, en ook die supermodelle Georgina Grenville en Alexis Singer.

Om 20:00 stel Esta Terblanche (Bienkie van Egoli en ster van All my Children) die semi-finaliste bekend. Sy is spesiaal uit Hollywood gevlieg vir die geleentheid.

Tien van die meisies sal deurdring na die eindronde Dinsdagaand in Johannesburg. Word Jenna die Supermodel, kom sy terug Paarl toe met 'n kontrak vir modelwerk in Milaan, Italië.

* A Paarl teenager is a semi-finalist in the Supermodel competition.

[ Top ]

[ Top ]