'n OU SKRYWER op sy voorstoep ervaar die sonsondergang oor 'n kulturele era. Hy kla dat hy nie iets nuuts en vars kan skryf nie. "Daar's niks nuuts onder die son nie." Maar hy gesels tog te lekker met homself.

Dis die een pittigheid op die ander en wanneer Rosie die drinkgoedjies bring, word daar éérs gekorswil en gekapittel. Ondanks Rosie se vermanings val hy van die stoep, gelukkig is daar 'n Keurbos in die tuin.

Dit is die scenario in Uys Krige se skreeusnaakse, dog roerende toneelstuk, 'Die lewe is alleen draaglik as 'n mens 'n bietjie dronk is', wat op 19 en 20 Maart in die Ou Meulteater in die Paarl opgevoer word.

Bekroonde akteur Neels Coetzee vertolk die rol van die Ou Skrywer met die alombekende Gail Reagon in die rol van Rosie.

Kaartjies is te koop by PrintRight, tel 872-7209.

BOISHAAI se 'Onnerrikoppi Battle of the Bands' vind Woensdag van 17:00 tot 22:30 by die skool in Auretstraat plaas.

Daar is tien orkeste wat meeding om 'n wenprysgeld van R1000. Die skole wat betrokke is, is Hoër Jongenskool, Hoër Meisieskool, La Rochelle, Stellenberg, DF Malan, Tygerberg, Worcester Gimnasium, Montana en Pionierskool.

Die bekende '5 Star Society' is die gaskunstenaars. Hierdie vyf jongmans het pas hul eerste CD, "Place of Adoration" vrygestel. Ou bekendes van Boishaai, 'Froy', tree ook op.

Daar sal heelwat kosstalletjies wees en toegang is R25 (R15 leerders). Geen drank sal op die skoolterrein toegelaat word nie. Gesinne is welkom om 'n piekniekmandjie saam te bring.

Navrae by André Bester, 872-2875.

WORLD-RENOWNED violinist and music teacher, Ronnie Samaai from Paarl, was recently asked to come on board as a director of the International Classic Music Festival of South Africa.

The first festival took place in Gauteng last year, and this year it will be extended to include the Western Cape.

The festival is a joint effort of South Africa and Austria and will take place in August.

The purpose is to promote international cultural, educational and creative exchange through an annual festival to the benefit of South African and other African musicians and the broader arts community.

The festival also aims at empowering South African composers, instrumentalists and singers by establishing an international platform for them.

Samaai was enlisted by Robert Brooks, the artistic director, with the purpose of co-ordinating the educational side.

"I must determine what is necessary with regard to instruments and also look into educational needs at institutions."

Samaai has already suggested a few initiatives, such as exchange programmes for teachers and students between the two countries, and also the twinning of music schools and institutions.

He can be contacted at 862-2848.

KUIER môre en Saterdag om 20:00 in die Ou Meulteater in die Paarl saam met die bekende Joey de Koker.

Sy gaan voorlees uit vergete verhale en verse.

"Ek is nie meer so fiks nie en het gevoel om iets anders te doen - ouer kunstenaars en werke wat amper vergete is, terug te bring."

Dit is nie 'n konsert nie, maar 'n kuieraand met Joey se nostalgiese herinneringe rondom die kunstenaars.

"Ek werk al reeds aan 'n opvolgprogram," vertel sy en laat glip dat dit oor een van ons bekendste digteresse handel.

Kaartjies is R35 by Print Right en die program begin om 20:00.

'n GROOT verskeidenheid produkte sal weer by die Paarl Kuns- en Kosmark te koop wees volgende Saterdag, 23 Maart, van 09:00 tot 15:00 by Simonsvlei.

Dit is 'n inkopiefees met alles van bamboeskerse, geverfde kinder T-hempies, handgeweefde matte, leersandale, borduurwerk, tuinmeubels en loodglas tot die heerlikste olyfbrode, tapenades, Duitse worse, varsgebraaide calamari, boereworsrolle, hamburgers en tjips, koekies, beskuit en lekker vars vrugte.

Bokkie Louw, bekende in kosbedryf, sal sorg dat daar vir elke smaak iets te ete is.

Kom luister na die voetklop-lekker musiek van Koos Koegelenberg, proe wyne en laat die vrou van die huis toe om lekker rond te snuffel.

Die Paarl Varswaterhengelklub hou 'n kompetisie vir kinders tot en met laerskoolouderdom.

Net die eerste dertig handlyntjies word toegelaat. Bespreek by Elsa Breytenbach, 872-2095.

Daar is ook nog plek vir uitstallers. Mense wat wil verkoop - van ingelegde vrugte, plaasvars eiers tot vars groente en handgemaakte produkte of plaasprodukte is welkom. Kontak Heila by 863-3000.