|
hom waar hy besig was om besit te verseker ná die laagvat op Brusque. Sy toer is kortgeknip en hy het Dinsdagoggend weer in Suid-Afrika aangeland.
"Ek het dadelik geweet wat gebeur het en sommer vir die dokter gesê wat is fout toe hy by my kom. Corné, die kaptein, het ook dadelik gesê ek moet afgaan," vertel die oud-Gimmie wat in sy matriekjaar 'n operasie aan die einste knie ondergaan het, weens 'n ontwrigte knieskyf.
Ironies is dit Marius Joubert, ook 'n oud-Gimmie, wat De Villiers op die veld vervang het. Joubert se eerste toets teen die All Blacks op Nuweland is kortgeknip toe hy in die eerste helfte ook met 'n kniebesering die veld moes verlaat.
"Marius het soos die res van die span my erg ondersteun. Dit is snaaks dat albei ons toetsloopbane só moes begin. Hopelik kan ek net so terugkeer soos hy gedoen het," sê die blondekop
Daar is Dinsdag 'n skandering van Jean se knie geneem en gevind dat die mediale en posterior ligamente geheg moet word. Hy word vandag in Panorama geopereer en sal vir 'n minimum van drie maande buite aksie wees.
Hy gaan egter nie slap lê nie.
"Ek het vandag met Gert Smal (WP afrigter) gepraat. Ek gaan 'n oefenprogram volg om my bolyf te versterk en fiks te bly en sodra my knie reg is, met rehabilitasie begin. Hopelik behoort ek weer reg te wees vir die wêreldbeker," sê hy met 'n hoopvolle blik in die oog. |
"AL invloed wat ek al in toetsrugby gehad het, was een tackle," het Jean de Villiers, Springbok-senter, Dinsdag in sy ouer-huis in die Paarl geskerts.