 |
 |
|
|
|
|
|
|
|
|
|
 |
|||||||||
 |
|||||||||
 |
|||||||||
|
Thursday 14 November 2002 |
|||||||||
|
|||||||||
|
This site will be updated on: 21 November 2002 at 17:00 |
|||||||||
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
|
|
|
LEDE van die Springbok Sewes oefengroep sal Saterdag hul slag voor afrigter Chester Williams moet wys tydens 'n toernooi in Groot Drakenstein as hulle in die finale span opgeneem wil word. Die Sewes-Bokke wat in 'n roterende span sal uitdraf, sal teen twee spanne van die WP, en spanne van die Boland, SWD en 'n Elite Uitnodigingspan te staan kom by Drakenstein-gevangenis. Die uitnodigingspan bestaan uit spelers van WP, Boland asook die Wes-Kaapse Rugby-akademie. Die eerste van 12 wedstryde begin Saterdag om 10:00. Daar sal ook verskeie stalletjies en motoruitstallings wees. Toegang is gratis. Volgens een van die organiseerders, Marius Heyns, sal Williams die groep van 20 inspan en kombinasies op die proef stel waarna hy die beste 12 spelers sal kies wat gekontrakteer sal word. Denville Demas, vleuel van Windmeul United, is een Paarlse speler wat in die groep opgeneem is. Nog 'n plaaslike speler, skrumskakel Eugene Francis wat vir Korrektiewe Dienste speel en die Sewes-Bokke verlede jaar verteenwoordig het, herstel nog van 'n onlangse enkeloperasie. Hoewel hy nie Saterdag in aksie sal wees nie, het Francis homself al in die Sewes-trui bewys en is hy reeds een van die gekontrakteerde Bokke, sê Heyns. Die Kavalier heelagter, Leon van den Heever, wat ook in die groep is, sal ook sy talent wil wys. |
|
|
|
|
|
|
|
DIE krieketderby tussen Paarl en Young Peoples kon Saterdag op Daljosafat nie 'n uitslag oplewer nie. Peoples word ingestuur om te kolf nadat Paarl die loot wen, en struikel op 96/7. Vasbyt-beurte deur Bobby Nicholson (32), Hubert Ontong (27 nun) en veral Greg Jardine (53 nun) het egter die tuisspan gered en gehelp om 183 op die telbord te sit. Die besoekers begin hul beurt met 'n slakkepas en eindig uiteindelik op 132/7. Paarl het nie met vertroue die telling gejaag nie, met net Carlo Crotz (27) en Hilton Solomons (31) wat met die kolf ingeklim het. Jacques Krynauw (2/28) en Gercian Gabriels (2/18) het Peoples se paaltjies ingeoes. Peoples se tweede span het in 'n wegwedstryd 'n welverdiende oorwinning oor Wellington se tweede gekeurdes behaal. Die besoekers moker 266 lopies, met Wade Anderson (69) en Tom-Ross Fortuin (38) wat lei. Die beste boulers vir Wellington was Jaco Conradie (3/70) en Eugene Stapelberg (2/64). Wellington begin sy beurt goed, maar ondanks 'n moedige poging deur Richard Stroebel (97) en Louis Duvenhage (29) word hulle in die laaste boulbeurt uitgehaal vir 189. Winston Fortuin (5/27) was die groot doring in die Wellingtonners se vlees. Peoples I speel Sondag teen Victoriane op Daljosafat, terwyl die tweede span Saterdag teen Paarl op Daljosafat speel. Die derde span speel teen Paarl III op die Parysveld. Die eerste span van Paarl-Oos het 'n groot drag slae op die lyf geloop toe hulle die naweek op Stellenbosch met 147 lopies teen Maties verloor het. Maties slaan 250/9 met Elroy Abrahams (4/74 in 20bb), Dennis November (2/26 in 9bb) en Jackie Daniels (2/38 in 8bb) wat paaltjies neem. Paarl-Oos kon slegs 103 lopies bymekaarskraap voor hul paaltjies gekantel het. Bruce Miller (25) en Zynodien Fredericks (16), was die voorste lopiemakers. Die tweede span het meer sukses gehad in hul wegwedstryd teen Worcester United en 'n oorwinning van 7 paaltjies verseker. Die tuisspan teken 109 aan, met Ferdie Jonathan (3/20), C Sampson (2/17) en W Minnies (2/38) wat die skade aanrig. Andrew Cupido (55) en Phillip Olivier (34) vorm die ruggraat van die Paarlse kolforde en help slaan gemaklik 112/3. In 'n wedstryd wat baie lopies opgelewer het, klop Wellington vir Brackenfell met 6 paaltjies. Branckenfell teken 258/9 aan danksy Francois Immelman (118) en Adriaan Prinsloo (86). Gareth Fenton (5/87) was Wellington se beste bouler. Goeie bydraes deur Wiaan Smit (113), Warren Groeneveldt (60) en Sarel Wolmarans (43) verseker egter die oorwinning vir Wellington met die verlies van net 4 paaltjies. Francois le Roux (73) en Leon Labuschagne (61) was die twee uitblinkers vir Wellington III wat 277/9 teen Paarl IV gemoker het. Paarl teken slegs 115 aan danksy Niel O'Connell Jnr (4/23) en Morne Sadie (3/20). |
|
|
|
|
|
|
THE some 60 swimmers who competed in the Charity Mile on Saturday at the Ashanti Dam, had to work hard to complete the race in good time having to contend with a strong, cold wind. Conditions were however far beter than last year when many swimmers failed to complete the race and got out due to the cold water temperature. While it was a cascade of splashing and flaying arms from the start, the pack soon spread out as the stronger swimmers came to the fore. During the first 140m stretch to the first buoy, things went well, but at the turn the swimmers had to brave the next 265m stretch straight into the wind. Swells were continuously breaking over the heads of the swimmers, tapping their strength even further. But it was along the 660m return stretch with the wind at their backs that Schalk Jooste (Bellville Aquarama) and Josiah Rudolph (Constantia) took the lead chasing each other hard for dominance up front. The 13-year-old Jooste however fought off the onslaught of Rudolph, six years his senior, long enough to secure first place in a time of 22:20. Rudolph followed seven seconds later. Celia Stanford (44) of Cape Town Masters was fourth overall and the first woman to finish the race with her time of 23:01. The youngest swimmer to compete was Rosanne Lombaard (11) of Maties in 27:19 and the oldest, 82-year-old Rae Smit of the Fish Eagle Masters club in George who finished in a time of 1:08:47. Results of Winelands swimmers: Women u/13 1. Bianca Romanini 24:40, 20-30yr 3. Hildegard Duimpies 33:21, 31-45yr 2. Aletta Wilson 23:29, 46-59yr 1. Jane van Wilgen 29:07, 3. Therese Sharkey 29:44, 4. Niki Louw 30:18. Men 31-45yr 1. Piet Burger 23:41, 8. David Frost 28:39, 14. Edgar Lewis 32:57, 46-59yr 1. Attie Louw 25:12. |
|
|
|
|
|
DIT was weer 'n warboel van bekende plaaslike langasems wat Saterdag tydens die La Vie de Luc halfmarathon op Franschhoek die veld gelei het. Sowat 200 atlete het om 07:00 in bibberkoue aangetree vir die wegspring. Van die staanspoor af het die groot name 'n voorsprong probeer opbou, met Owen Smith van Wellington wat die eerste uitdaging gerig het. Smith het by die 1km merk onder die groep voorlopers uitgehardloop en bykans 'n minuut-voorsprong opgebou voor William Zola (Mr Price Maties), Castor Saul (Mr Price Celtics) en Nkosana Mponeng, ook van Mr Price Maties. Ingehaal Die Wellingtonner kon egter net dié pas tot by die 13km merk volhou, voordat die drie hom ingehaal het. Alvier die atlete het vir die volgende 7km in 'n bondel saamgedraf totdat Saul op die 20km merk sy kans geneem en weggebreek het. Hy is egter fyn dopgehou deur Mponeng en Zola wat ook versnel het. Die Mbekweni-atleet se eindpoging was egter goed beplan en ondanks die twee atlete wat hard in sy nek blaas, wen hy die wedloop in 1:12:19. Mponeng (1:12:20) en Zola (1:12:21) volg onderskeidelik een en twee sekondes later. Smith se poging vroeer in die wedloop het hom beslis getap en hy steek die wenstreep eers 20 sekondes later oor met 'n tyd van 1:12:41. In die veterane en sub-veterane afdelings het John Small (Wellington) met 'n tyd van 1:18:31 eerste geëindig en tiende algeheel. Onder die vroue het Nomvutisi Seti wat vir New Balance Khayelitsha hardloop, oorheers met haar tyd van 1:27:26 en ook algeheel 24ste geëindig. Hester Kotzé (1:44:29) van Paarl wat negende onder die vroue klaargemaak het, was die eerste plaaslike vrou om die wenstreep oor te steek. |
|
|
|||
|
||||
HOEWEL die Boland krieketspan verlede naweek sy eerste Standard Bank wedstryd van die seisoen teen die Oostelike Provinsie in Port Elizabeth met 'n bonuspunt gewen het, is die Wynlanders se gebrek aan vertoning met die kolf steeds 'n groot bekommernis.