 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||
|
|
|
|
|
|
|
|
|
|
|
|
DIE munisipale bestuurder van Drakenstein, Jacques Carstens, is onskuldig bevind op die klag van oneerlikheid wat die afgelope maande soos 'n swaard oor sy kop gehang het. Advokaat Roelof van Riet, die voorsittende beampte by die dissiplinêre ondersoek, sê in sy verslag dat daar nie bewys is dat Carstens "bo alle redelike twyfel" skuldig is aan oneerlike optrede nie. Die kern van die saak is 'n langdiensbonus van R24 086 wat aan Carstens uitbetaal is en daarmee gepaard die interpretasie van sy dienskontrak met die Drakenstein Stadsraad. 'n Tweede bedrag ter sprake, is R9 275, ten opsigte van 'n pro rata jaarlikse bonus. Carstens, voorheen stadsklerk van Wellington, is in Desember 2000 as interim-bestuurder van die nuwe Drakenstein Munisipaliteit aangestel. In November 2001 het die personeelafdeling hom ingelig dat hy kwalifiseer vir langdiens-erkenning, omdat hy 15 jaar munisipale diens voltooi het. 'n Paar maande later het amptenare gevind dit was 'n administratiewe fout, aangesien die verlof, opgebou gedurende sy diens op Wellington, nie vir uitbetaling kwalifiseer onder 'n ander werkgewer nie. Hulle kon nie tot uitsluitsel kom oor die saak nie en Carstens het besluit om die geld terug te betaal. Adv Van Riet is ook van mening dat Carstens nie op die geld geregtig is nie, aangesien sy posisie heeltemal verander het. "'n Geheel en al nuwe kontrak ten opsigte van 'n geheel en al nuwe posisie en ook diensbedeling is toe beding. "Ek is gevolglik van mening dat mnr Carstens nie regtens op die uitbetaling van die betrokke bedrag as synde langdienstermynvoordeel geregtig was nie, en veral nie bereken teen sy nuwe salariskoers, wat wel die geval was nie." Oor die kwessie of Carstens oneerlik opgetree het, sê hy dit is nie bo alle redelike twyfel duidelik of Carstens geweet het dat hy nie op die uitbetaling geregtig is nie. Wat die R9275 betref, het adv Van Riet bevind dat dié uitbetaling regmatig was. "Dit is vanweë die feit dat mnr Carstens se aanspraak op hierdie uitbetaling nie in enige opsig staatmaak op sy dienskontrak met die Drakenstein Munisipaliteit nie, maar uitsluitlik staatmaak op sy voormalige dienskontrak met die Wellington Munisipaliteit. In getuienis is verwys na 'n besluit van die Wellington Stadsraad dat werknemers wat langer as tien jaar diens voltooi het, geregtig sou wees op 'n pro rata betaling van hul jaarlikse bonus sou hulle die Munisipaliteit in die loop van die jaar verlaat. Aangesien Carstens meer as tien jaar diens gehad met sy diensbeëindiging op 14 Augustus 2001, was hy dus geregtig op 'n pro rata bonus. Adv Van Riet sê in 'n algemene opmerking "Dit is na my mening vanselfsprekend dat iemand in die posisie van 'n munisipale bestuurder (of enige ander posisie van gesag) nie oor die vermoë moet beskik om, veral in die geval van twyfel, te besluit of hy geregtig is op die uitbetaling van voordele, al dan nie. "In daardie verband was die optrede van mnr Carstens, op die minste gesê, onwys. "Hy was egter nie daarvoor aangekla nie, vanweë die feit dat sy dienskontrak nie spesifieke voorsiening maak daarvoor nie. "Ek sou derhalwe voorstel dat die Raad toesien dat 'n verbod geplaas word op sodanige optrede in die toekoms." Burgemeester Die Uitvoerende Burgemeester, Herman Bailey, sê hy was nog altyd ten gunste van 'n skoon administrasie. Teen hierdie agtergrond was dit noodsaaklik dat enige sweempie van ongerymdheid ondersoek moes word. "Daarom het ons 'n behoorlike, onafhanklike ondersoek laat doen. Ek is tevrede, nou moet ons die boek toemaak en aangaan." Na verneem word, bepaal Carstens se diensooreenkoms dat hy self sy regskostes moet dra. Die Demokratiese Alliansie (DA) het verlede jaar reeds in 'n skrywe aan die Burgemeester hulle ernstige bedenkinge uitgespreek oor die regsgronde en die motiewe onderliggend aan die besluit van die Burgemeesterskomitee om 'n dissiplinêre ondersoek teen die Munisipale Bestuurder in te stel. Indien dit later sou blyk dat die DA se bedenkinge geregverdig was, sal die DA daarop aandring dat die Uitvoerende Burgemeester en sy komitee verantwoordelik gehou word vir enige kostes en uitgawes verbonde aan sodanige dissiplinêre ondersoek. Carstens is verteenwoordig deur adv AC Oosthuizen, in opdrag van Steyn Coetzee Prokureurs. * In a disciplinary hearing, the municipal manager of Drakenstein has been cleared of allegations of dishonesty over his long service bonus. |
|
|
|
|
|
FRANSCHHOEK will be festooned in red and white and blue to celebrate the Bastille Festival this weekend, with lots to do and enjoy all weekend. There will be boules and berets; mouth-watering eats; cheeses, olives and chocolates; music, wine, art and antiques. Come and savour the flavours of French food and strains of French music and entertainment in the marquee tent, an event for the whole family. Trout will be tagged red, white and blue in the Franschhoek mountain streams on Bo La Motte, Dewdale, Montmartre and Normandie for the Fly Fishing competition. There is a daily prize, as well as an overall prize at the end of the day. Mountain bike riders combat the mountain roads, streams and fynbos mountainsides in the annual Dewdale Classic. The 25km loop is not for the faint-hearted, with three distances 50km, 25km and 12km (enquiries on 082-578-3017). The ancient pastime of Boules in France is revived for the entertaining Annual Bordeaux Trophy. Registration is outside the Bordeaux Street Gallery at 09:30 on Saturday morning. Your team of three can pre-register by picking up forms from the Information office or email domaineda@mweb.co.za. Well-known ceramic artists and photographers, as well as enthusiastic youngsters from the local schools will be exhibiting their work in the Town Hall and Museum. There will be a hound agility competition next to the Monument on Sunday from10:00, presented by the Boland Working Dog Group Club. An educational treasure hunt to be held at the Monument and Museum on Saturday from 14:00 to 15:00 with prizes to be won. Support your favourite restaurant and winery in the four-legged race, or join in the Open Race a 16:30 on the Sunday. For further information, contact Franschhoek Wine Valley Tourism on 876-3603 or email info@franschhoek.org.za or www.franschhoek.org.za. |
|
|
|
|
|
'n INWONER van die Paarl het haarself groot skade aangedoen. Sy het glo Kruger halfponde van 1890 en ponde van 1894 en 1895 gebruik vir klein- en parkeergeld. Die vrou, wat nie haar naam bekend wil maak nie, vertel dat die munte aan haar moeder behoort het. Dié is onlangs oorlede en daarna moes al haar besittings uitsorteer word. "Ek was baie ontsteld en my kop deurmekaar. Boonop het ek die dag nie my bril opgehad nie," vertel sy van die verwarring met die geld. Die goue ponde het tussen haar kleingeld beland en sy het uiteindelik per abuis daarvan gebruik tydens 'n inkopietog in Paarl. Die vrou sit nou met haar hande in die hare: hoe gemaak om haar geld terug te kry? Sy het 'n beroep op mense gedoen wat moontlik die geld gevind het, om die Paarl Post te kontak. Skakel 871-1170 x155. |
|
|
|
|
|
DIE voorsitter van Boland Ussasa is nog steeds Pieter Lourens. Lourens het vandeesweek bevestig dat hy nog steeds die president van Ussasa in die Boland is, nadat hy per brief deur van die sportliggaam se bestuurslede laat weet is dat hy van sy pos onthef is. Volgens hom was dit nie 'n gemagtigde vergadering nie en die lede wat hom uitgestem het, het dit nie volgens die grondwet van die liggaam gedoen nie. "My afdanking was nie grondwetlik gedoen nie en ek is steeds die voorsitter van Ussasa in die Boland. "Ek het baie ondersteuning van mense binne en buite die organisasie gekry en sal voortgaan met my pligte as voorsitter," sê hy. Die brief het te midde van omstredenheid rondom die geldsake van Ussasa na vore gekom. 'n Ondersoek deur die Wes-Kaapse departement van sport en die Wes-Kaapse ouditeur-generaal is na die organisasie se boeke geloods nadat die ouditeurs ongerymdhede in die boeke van Ussasa gekry het. Daar was glo swak beheer oor kontantuitgawes en rekords is onvolledig. Ussasa Wes-Kaap het verlede jaar R1,6 miljoen uit die begroting van die departement ontvang, maar volgens Chris Stali, provinsiale minister van sport, is daar geen register van die geld wat die departement aan die liggaam gegee het nie. 'n Vergadering tussen die departement en die bestuur van Ussasa sal binne die volgende maand plaasvind om die saak te bespreek. Die departement se afvaardiging sal deur die Wes-Kaapse ouditeur-generaal, Willie Brits, gelei word. * The chairman of Boland Ussasa says attempts to suspend him are unconstitutional. |
|
|
|
|
|
DIE bejaarde assistente van 'n oudhedewinkel in Hoofstraat, Suider-Paarl, is Vrydagmiddag deur 'n rower oorval en aangerand. Die vrou (74) is om 14:00 deur 'n man genader. Hy wou 'n stoel koop waarvoor hy haar R30 kontant wou aanbied. Nadat sy hom meegedeel het dat daar nie so 'n stoel beskikbaar was nie, het die man haar tot in die winkel agtervolg en haar oorrompel. Sy is geslaan en gewurg. Die vrou het veelvuldige beserings in haar gesig opgedoen en sterk in die hospitaal aan. Die verdagte is sowat 20 jaar oud, met swart gelaatstrekke. Hy was geklee in 'n blou tweestuk-werkerspak en 'n donker bofbalpet met 'n wit rand. 'n Tweede verdagte het buite die winkel wag gehou. Die aanvaller het gevlug met die assistente se swart leerbeursie met R500 kontant asook 'n Sony digitale kamera ter waarde van R4 500. Paarlspeurder, insp Johan Coetzee (807-4000,) ondersoek die saak. |
|
|
|
|
|
AMBULANS- en hospitaalpersoneel was die naweek bedrywig met nege ernstige botsings waarin 'n motorfietsryer en 'n voetganger gesterf het. Benewens slagoffers van aanrandings, moes ambulansmanne meer as 25 pasiënte behandel en van ongelukstonele na hospitale vervoer. Vrydagaand om 22:00 het die botsings begin, met vyf insittendes van 'n bakkie en 'n motor wat op die hoek van New Orleans- en Van der Stelstraat in Paarl-Oos beseer is. Sharlin Adriaanse (29), haar suster Natalie (23) en hul niggie Criselda Daniels (24), almal van Van der Stelpark, was in die bakkie. Hulle asook die vrou (44) en haar sewejarige kind in die ander motor, is na die Paarl Hospitaal en Medi-Clinic geneem. 'n Uur later is Nolan Paulse ernstig beseer en is hy en drie vroue ook per ambulans na die Paarl Hospitaal geneem. Hulle was betrokke in 'n botsing op die hoek van Jan van Riebeeck- en Springbokweg in Wellington tussen twee motors van die Noord-Kaap en van Malmesbury. Net na middernag het ambulanspersoneel na die Hugenote-tonnel gehaas om die bestuurder van 'n vragmotor wat in die tonnel vasgesit het, by te staan. Ene Moodley (40) van Durban is na die Paarl Hospitaal geneem. Die tonnel is tot 08:00 die oggend vir verkeer gesluit nadat die vragmotor 14 betonpanele binne-in die tonnel beskadig het. Saterdagaand kort voor 20:00 het twee motors in Paulusstraat, Paarl-Oos, gebots. Vyf pasiënte is deur noodredders behandel en na Paarlse hospitale vervoer. Sondagoggend om 02:42 het die ambulansmanne 'n oproep ontvang van 'n ongeluk in Tarentaalstraat, Amstelhof. Sewe tieners en 'n seun van agt is beseer in 'n botsing tussen 'n motor en 'n bakkie. Llewellyn Serfontein (8), Elroy Timmie (14), Justine Swarts (19), Edwina Baartman (17), Geroma Vostnader. (16), Denver Baartman (19) en Antoinette Swarts (16) is na die Paarl Hospitaal geneem. Om 07:55 die oggend het 'n taxi en 'n polisie patlrollievoertuig gebots by die verkeerslig op die hoek van Lady Grey- en Bredastraat in die middedorp. Insp Chris Pietersen (37) het 'n skouer- en nekbesering opgedoen terwyl sy kollega, insp Jdu Toit, ongedeerd daarvan afgekom het. Die taxi en sy bestuurder, Envil Botha (32), het ná die botsing op 'n winkelstoep te lande gekom, nadat die Toyota Hi-lux oor 'n parkeermeter en deur 'n telefoonhokkie gebars het. Later die dag is 'n voetganger, Nomsa Nakweleswe (25) van die plaas Joubertsdal, op die Noorder-Paarlpad na Wellington dood toe sy voor 'n aankomende bakkie beland het. Dit was volgens polisiewoordvoerder insp Julia Claasen, die derde voetganger wat op dié pad raakgery is die afgelope drie weke. Sondagaand om sowat 18:30 het twee motorfietse en 'n motor naby die Groot Drakensteinpolisiestasie gebots. Die passasier op 'n motorfiets, Patricia Swanepoel (46) van Vredekloof, Brackenfell, het in die ongeluk gesterf. Haar man Pieter, is ongedeerd. Die aand om 21:20 moes die ambulanspersoneel 'n gesin van vier bystaan na 'n botsing op die Agter-Paarlpad naby Klapmuts. Die man, sy vrou en twee kinders is na die Militêre Hospitaal in Wynberg vervoer. Die Paarl polisielykhuis was ná die naweek propvol, met botsingslagoffers wat van so ver as die Malmesburypad, Hopefield en Piketberg ook soontoe gebring is vir lykskouings. * Two people died in vehicle accidents over the weekend. |
|
|
|
|
|
'n ENKELMA van vier is Vrydagnag in Suider-Paarl vermoor. Christina Isaacs (30) is laas gesien toe sy om 01:00 van die baksteenwerwe na die Bergrivier vakansie-oord gestap het. Sy het nooit haar woning by die oord bereik nie en haar liggaam is die volgende oggend ontdek by die treinspoor, wat sy moes oorsteek om by haar gesin te kom. Die vrou het veelvuldige hoofbeserings opgedoen en is per ambulans na die Paarl Hospitaal vervoer waar sy aan haar beserings beswyk het. Insp Jacques Coetzee (807-4000) ondersoek die moord. Isaacs, 'n plaaswerker by Bergrivier-oord, laat haar vier kinders van 16, 12, 4 en 2 jaar oud. Die Hervormde Kerk begrafnisdiens word Saterdag om 10:00 by die Paarl Kwekery in Simondium gehou. |
|
|
|
||||||||||
|
|
WELLINGTONNERS slaap verbasend vas, of die inbreker wat deesdae so kattermaai in hul huise, is besonder ligvoets. Soos die spreekwoordelike dief in die nag, het die verdagte vandat die winter begin het, al by nege wonings in die Hillcrest-omgewing ingeklouter. Die slagoffers vertel na die inbrake uit een mond hoe vas hulle die nag geslaap het, so asof hulle met 'n gas bedwelm was. Nie eens die polisie word oorgesien nie. "My vrou slaap so lig, maar die man het dit reggekry om langs haar kop haar selfoon te neem," het insp Bobby Russell gesê. "Hy was langs my bed ook, en langs dié van my kinders en 'n vriend wat die nag by ons oorgebly het. En niemand het wakker geword nie." Die dief is weg met die inspekteur se aktetas, selfone en voedsel uit die yskas en vrieskas. "Ons buurman, mnr Muller, het my wakker gemaak. Hy is oor die 70 en hy slaap snags min. Dié nag drie-uur het hy om sy huis geloop toe hy sien ons kombuisdeur staan wa-wyd oop. "Hy het kom ondersoek instel na die lig in die yskas wat oopgelaat is." Soos by die ander wonings, het die inbreker by 'n klein venstertjie wat vir vars lug oopgelaat is, ingekom. "Die inbreker moet fyn wees om so deur die klein opening te pas," het insp Russell gesê. "Hy moet 'n ou kalant wees, wat so sag in en uit die huise gaan dat niemand iets merk nie," het ondersoekers gesê. Verlede Woensdagnag het 'n jong man van sowat 18, met donker gelaatskleur, 'n sak neergegooi toe hy deur polisiemanne op straat gekonfronteer is. Die verdagte het ontvlug, waarna vasgestel is dat sak items uit 'n woning in Hillcrest bevat, waar vroeër die aand deur 'n klein venstertjie ingebreek is. Ná die amperse vangs, is daar geen soortgelyke inbraak dié naweek aangemeld nie. Dalk het die verdagte geskrik en eers laag gelê, of dalk het daar niemand met oop vensters in Hillcrest geslaap nie. |
||||
|
|
|
||
|
|
|
[ Top ] |