arts







				Thursday 15 August 2002



	This site will be updated on: 22 August 2002 at 17:00

Arts - Kunste


	Afrikaans en die lied Kultuur by Gim Pedro op spyskaart Taalweek

wbabies15 BALLET. 'The Water Babies' word op Vrydag 23 en Saterdag 24 Augustus in die SAPD ouditorium in die Paarl aangebied deur die Jennifer Klipfel Balletskool. Ashleigh Fisher is een van die studente wat optree. Foto: Melanie Theron


	Afrikaans en die lied


	[ Top ]

AS deel van die Afrikaanse Taalweek bied La Motte Wynlandgoed Saterdag om 19:00 'n besonderse program aan van toonsettings van Nederlandse en Afrikaanse poësie.

Mezzosopraan Hanneli Rupert en bariton André Howard, begelei deur Albie van Schalkwyk, sing liedere van Hubert du Plessis, Arnold van Wyk, Pieter de Villiers en verwerkings van Suid-Afrikaanse volksliedere deur Henk Temmingh.

Vóór die uitvoering van elke stel liedere sal die woordkunstenaar Daniël Hugo die gedigte waarop die liedere gebaseer is, voorlees. Dit sluit in poësie van Paul van Ostaijen, WEG Louw, ID du Plessis en Boerneef.

Na afloop word alle gaste genooi om 'n ligte aandete en landgoedwyn saam met die kunstenaars te geniet. Kaartjies by Comari, 876-3119.


	Kultuur by Gim


	[ Top ]

VOLGENDE week bied Gimnasium Hoërskool 'n unieke Kultuurweek om 19:00 in die CR Sentrum.

Dinsdag is die blaasorkes van Hoërskool DF Malan daar met 'n ligte program. Dit is gereël met die oog op die vak Kuns en Kultuur en dus verpligtend vir hoër- en laerskole. Toegangsgeld is R2.

Woensdag is daar klavierwerke van Beethoven, Chopin, Schumann, Schubert en Gershwin aangebied deur Gimnasium se eie leerders en personeel om 19:00 in die Ouditorium. Donderdag 22 Augustus om 19:00 wys die Gimmies hulle slag tydens 'n Talentaand.


	Pedro op spyskaart


	[ Top ]

DIE bekende Pedro Kruger is die kunstenaar by 'n damesaand Woensdag in die Paarlse stadsaal.

Die aand, ten bate van Laerskool Gimnasium, begin om 19:30 en kaartjies teen R90 elk sluit ete in. Bespreek by 872-4505 voor 19 Augustus.


	Taalweek


	[ Top ]

WOENSDAG was Taaldag en tot Sondag word Afrikaans gevier met prosa, poësie, teater, musiek en vermaak.

Boland Kelder: Vanaand om 19:00 sing Kobus en Christo Snyman in die ondergrondse proelokaal by Boland Kelder in Noorder-Paarl. Bespreek by Elizma Myburgh, 862-6190.

Melodrama: Môre bied die Ou Meul teater, Paarl 'n melodrama, "Die Vark en die Gousblom" om 19:00. Bespreek kaartjies (R50) by Print Right, 872-7209.

Gedigte: Saterdag by La Motte word daar voorgelees uit gedigte van onder andere Boerneef en ID du Plessis met sang Hanneli Rupert en André Howard. Kaartjies (R80) by Angela, 876-3119.

Simonsvlei Kelder: Sondag om 11:00, tree die Namib-teatergroep met hul poësie-program "Al op die olifanttrop se spoor" in Simonsvlei se Paragon Kelder op. Met woord, spel en kitaarbegeleiding word jy, met ligte humor tot ernstige oomblikke van nostalgie, meegevoer oor die vlaktes van Namibië. Kaartjies is R25 (glasie wyn vooraf). Skakel Joey Kruger by 863-3040. Opbrengs is vir arbeidsbediening.

Foto's: Tot Saterdag sal 'n foto-uitstalling van die Paarlse argitektoniese erfenis van Wynand Louw, eerste Afrikaanse argitek, in die Laborie Herehuis in Suider-Paarl vertoon word (08:00 tot 17:00).

Navrae:Vir navrae oor Afrikaansweek, skakel Jack Louw (872-3441) of epos afrmus@intekom.co.za.

[ Top ]
Tel: (021) 871-1170 - e-mail: edit@ppost.co.za