 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||
|
|
|
|
|
|
|
|
|
|
|
|
DIE gevierde Nederlandse trio, Trio Uccellini, gee op 26 September om 17:00 'n uitvoering in die Nederburg opstal met werke van Händel, Vivaldi, JS Bach en Corelli. Die trio bestaan uit Vincent van den Ende (blokfluit), Job ter Haar (tjello) en Gerard Blok (klawesimbel). Kaartjies kos R125 elk en sluit 'n ligte ete en wyne in. Bespreek by Christine Joubert by 809-7473 of e-pos haar by dcjoubert@distell.co.za. |
|
|
|
|
|
GEDURENDE Septembermaand word 'n baie unieke uitstalling by die Afrikaanse Taalmuseum in die Paarl gehou - 'n groep Matiestudente se kreatiewe plakkate wat die praat van Afrikaans bevorder. As opdrag moes eerstejaars in prof Dorothea van Zyl se mediakundekursus by die Universiteit van Stellenbosch elkeen 'n plakkaat ontwerp wat die publiek sou aanspoor om Afrikaans te gebruik. Slagspreuke wissel van "Ek smaak Afrikaans", "Afrikaans laat jou tong op jou tande dans", tot "Daar's 'n tintel in 'n Afrikaanse tong" - met lekkerproe beelde van 'n toffie, 'n bottel brandewyn, 'n yslike, groot tong of heerlike lekkernye. Strokiesverhale, pensketse en rekenaargemanipuleerde beelde word ingespan om Afrikaans se erfenis uit te beeld - met sêdinge soos "Gaan op reis met Afrikaans - en los die bagasie!" Op 'n ander plakkaat beveel 'n yslike skoen sonder veters: "Ryg Afrikaans in jou lewe in!" Híér spring 'n Afrikaanse hart op 'n konsertinapapiertjie uit een van die plakkate en dáár spog 'n dame met 'n laehalsrok wat sê: "My bra, praat Afrikaans uit volle bors!" Besoek die museum gerus by Pastorielaan 11 in die Paarl. Die plakkate word in die Historium, die gebou langs die museum, uitgestal. Die museum is oop weeksdae van 09:00 tot 16:00 (naweke en vakansiedae slegs vir bespreekte toere). Vir meer inligting, skakel 872-3441. |
|
|
|
|
|
LIEFHEBBERS van die natuur - en die voggies van die druiwestok - het 'n gulde geleentheid om op die wynroete van Wellington tussen fynbos en wingerde te stap en te proe. Twee dagstaptogte word beplan vir Vrydag en Saterdag. Vrydag word die stappers vergesel op 'n roete van Diemersfontein tot by Ashanti en die historiese Kleinbosch. Saterdag word wynplase in die Bovlei besoek. Middagetes is kontreikos. Skakel Katrien Steytler op 082-3358-132 om te bespreek. Elke dagstap kos R300 per persoon, en sluit al die verversings van die dag in. |
|
|
|
|
|
DIE Strooidak NG gemeente hou op 8 en 9 Oktober basaar in die kerksaal. Die basaar word aangebied in samewerking met die NG Gemeente Williston, wat die vleis sal verskaf. Bestellings kan by Williston se gemeente geplaas word vir heel of halwe slaglammers, wat in die slagpale geslag, geïnspekteer en goedgekeur word. Dit word opgesaag, verpak en dit word na die Boland toe gebring in 'n koeltrok, waar dit by die straatkafee afgehaal kan kom word. Dit is alles net R26,95 per kg. Die gaar en rou afvalle is R55 en R35 en die skaapkoppe R30 en R20 onderskeidelik. 'n Deposito van R100 vir 'n heel lam en R50 vir 'n halwe lam word vereis. Kontak Gerty de Klerk of Kobus en Annette Jooste by (053) 391-3088 of faks (053) 391-3045. |
|
|
|
|
|
SONDAGOGGEND om 09:45 bied die VGK Huguenot 'n spesiale dankseggingdiens ná die opknapping van die gebou en die terrein, insluitend die herstel van die horlosie op die kerktoring na 25 jaar. Die toringhorlosie slaan nou weer elke uur en halfuur. Die dankseggingsdiens, gelei deur Dennis von Willingh sluit ook die jeugweek af met die tema WHAM for Jesus (WHAM is 'n akroniem van "Winning Hearts And Minds"). * Die aand word 'n kantate om 18:00 in die Strauss-saal aangebied. Die kantate, Ruth the Moabatish Gleaner, word opgevoer deur 'n massakoor van die gemeente. Kaartjies is R15 by die deur. |
|
|
|
|
|
PLAASLIKE kunstenaars wat in die Paarl Feesliggieprogram (2 tot 4 Desember) wil wees, moet aan oudisies deelneem. Dit word op 9 Oktober om 10:00 by die Frank Pietersen Musieksentrum gehou. Skakel Chrissie Brink by 072-344-2913 of Michelle by 872-2123 voor 30 September. Sangers wat spesifieke liedjies wil instudeer moet Milton Pietersen skakel by 872-2123/4. Die liedjies is Sê net Ja (Kurt Darren) en The Prayer en You Raise me Up van Josh Grobin. Stalletjies kan bespreek word by Riana by Paarl Toerisme (872-4842). Die feeskomitee nooi plaaslike ondernemings om betrokke te raak by die fees, met borgskappe en met pryse vir feesgangers. Die fees val vanjaar ook saam met die Oukraalfees. Hulle sal 'n afsonderlike Oukraalprogram aanbied. Belangstellende individue, sangers, skole en kunstenaars kan vir Choppie Vorster skakel by 082-894-1024. Besighede word aangemoedig om hul vensters met Kersliggies te versier om aan te sluit by die fees. Rig navrae aan Luzelle Moller by 863-5009 of Thomas du Plessis by 807-2409 of tdplessi@boebank.co.za. |
|
|
|
|
|
DIE Afrikaanse Taalmuseum bied 'n skrywersaand aan op Donderdag 16 September om 18:30 vir 19:00. Die skrywer wat gaan optree, is die bekende Marzanne Leroux-van der Boon. Sy is die skrywer van 19 romans en het reeds verskeie toekennings vir haar werk ontvang, onder meer die ATKV-prys vir beste prosa 2004 vir 'Granate bloei in Jerusalem'. Toegang is R30 per persoon. Bespreek by Malikah op 872-3441 teen 15 September. * Marzanne se boeke sal ook te koop wees die aand. |
|||||
|
|
|
|
||
|
|||||
|
|
|
[ Top ] |