Youth - Jeug

• Musiek bruis in Lynelle se are
• Youth to help nation-building
• Rokkies wou sy dra...
• Lenteskool

Lynelle kom uit 'n familie waar musiek 'n baie belangrike rol speel.

Haar ouers, Christine en Ralph, speel albei klavier. Ralph rig ook kore en 'n paar jaar gelede het hy slaginstrumente bestudeer by die Frank Pietersen Musieksentrum, waar Lynelle ook tjello neem.

Almal sing - grootouers en tantes ingesluit - terwyl Lynelle se broer, Raven, kitaar speel.

Lynelle het as kleuter begin sing en gou het haar ouers besef sy het 'n besondere talent.

"Ek het by Andrew Strauss begin les neem toe ek nog in preprimêr was, ek kon nog nie eens lees nie," vertel sy met 'n breë glimlag.

Op die oomblik neem sy sangles by die skool en sy beplan ook om ná skool verder te studeer in sang en klavier aan die Universiteit van Stellenbosch.

Klavier het sy begin speel sonder enige teoretiese agtergrond.

"Ek het eers in die hoërskool formeel begin les neem."

Lynelle speel eersdaags die graad 6-klaviereksamen en beplan om graad 8 te voltooi voor sy die skool verlaat.

Sy het op vyfjarige ouderdom begin viool speel, tot haar arms "te lank" geword het vir dié instrument.

"Hulle wou my oorplaas na die altviool, maar ek het verkies om liewer te leer tjello speel," vertel sy en voeg by dat sy binne twee jaar tot by graad 4 gevorder het.

"Seker maar omdat ek die viool as agtergrond het."

Dié talentvolle jong sanger het die KWV Paarl Talentkompetisie drie keer gewen - in 1998, 2000 en 2002, elke keer as junior. Van 1997 tot 1999 wen sy elke jaar die sangbeker in haar afdeling by die Paarlvallei Eisteddfod en in 1997 is sy ook die naaswenner van die ATKV se Bravura-kompetisie.

Sy was ook reeds 'n finalis in die Gemini-kompetisie en wen 'n goue medalje in die pop-afdeling van die Global World Performing Arts. Sy verwerf ook volle erekleure in musiek by La Rochelle.

Lynelle tree gereeld op by skole, kerkfunksies en kulturele geleenthede. Sy is deel van 'n koor, kamerkoor, skoolkoor, jeug- en kerkkoor, asook 'n strykensemble.

Sy geniet dit veral om jazz en soul uit te voer, maar eintlik sing sy enigiets, van klassiek tot pop, rock en R&B.

Op die oomblik help sy om haar skool se kamerkoor af te rig en tydens die onlangse musiekopvoering het sy in die orkes gespeel en ook gesing.

En die toekoms? Eers wil sy haar studies aan Maties voltooi en dan beplan sy 'n klassieke musiekskool, waarskynlik in die Paarl.

Suidoosterfees

A NATION-BUILDING seminar for grade eleven and twelve students will take place on Heritage Day, Friday 24 September, in the demonstration hall of the Paarl Police College.

The organiser is Jama Matakata and his company, National Pride 43.

"Our vision is to unite, heal, reconcile and develop our society. We have realised that the need for all of us to contribute in building the nation had become inevitable.

"The gap created between communities, black and white, by the legacy of the past deserves our collective approach to close it and walk hand in hand as one people."

The program-me will start at 08:30 and will consist of several storytelling sessions, as well as speakers such as psychologist Louis Visagie who will talk on cultural diversity.

Anthea Sheldon will reflect on writing as a healing and developmental tool, while there will also be a tour to Madiba House at Drakenstein Prison. Schools are invited to participate free of charge.

Learners who attend, will become nation builders, meeting on a monthly basis to discuss ways and means of contributing to the community.

Schools can also enter a competition where they present a document beforehand on  'The importance of nation-building, healing and reconciliation and how we can achieve this'.

These documents may be submitted by 20 September, hand written or typed to fax 425-5468 or e-mail matakataj @yahoo.co.uk. For enquiries, phone 556-4627 or 082-215-6312.

Submission is not a condition for attendance.

To confirm attendance, please phone the above numbers.

DIS matriekafskeid-tyd, die tyd van die jaar wat seuns maar tevrede moet inval by hul metgeselle se keuse van uitrustings - wat in elk geval die meeste aandag trek.

Dis duidelik dat die tieners vasbeslote is om vir een aand te vergeet van die eindeksamen en hul vere regskud vir 'n groot makietie.

Vanjaar is daar 'n duidelike meningsverskil onder mode-ontwerpers.

Volgens die bekende kleremaakster Bessie van Zyl, is oop magies en effekleurige rokke uit.

"Tabberds met 'n lae rug en vloeiende punte, asook blomme en skoenlappers is gewild.

"Min seuns dra 'n formele pak - 'n hemp wat pas by die metgesel se uitrusting is in aanvraag.

"Ouers moet maar net inval. Baie leerders gee nie om wat hulle betaal nie, maar hulle moet in gedagte hou dat nie almal soos 'n model kan lyk nie.

"Jy moet aantrek wat by jou figuur en persoonlikheid pas."

Ontwerper Warren Sitzer meen dramatiese ontwerpe en kleure soos wit, swart en rooi is baie gewild by beide geslagte.

"Pastelle is uit en die Bollywood-styl is in. Mans kan uitsien na strepiespakke, gepunte stewels en uitklokbroeke. Diamante-sandale en handtassies is in."

Hy meen min leerders het oorboord gegaan met die finansies en hul ouers se sakke in gedagte gehou by hul keuse van uitrusting.

Dit bly egter 'n tyd van groot opwinding vir matrikulante, al slaan dit hul ouers se sakke hard.

Die groot vraag is: wat word gedra?

Interessante haarstyle bly gewild, so ook duur motors om die paartjie in styl by die afskeidsparty af te laai.

Volgens Wendall Botha, 'n leerling by Klein Nederburg Sekondêr, is informele drag hoogmode.

"Denim en leer, gekombineer met wynrooi, vat die koek. Formele drag en skoene is uit vir die seuns.

"Leerders wat soos narre probeer lyk het, sal ook nie die kollig steel nie. Prakties is die woord.

"Alhoewel die matriekafskeid 'n groot dag in 'n jongmens se lewe is, is die eindeksamen die grootste hekkie wat ek moet oor," voeg hy by.

Fabian Pietersen, eerste span rugbykaptein van Klein Nederburg Sekondêr en sy spanmaat Lorenzo Jacobs, meen 'n mens moenie afskeep met jou uitrusting nie.

"Ons het glad nie by 'n begroting gehou nie, aangesien dit 'n groot geleentheid is.

Gcobani Makumsha, van Noorder-Paarl Sekondêr, voel dat die kleurvolle uitrustings wat baie seuns verkies, nie wenslik is nie.

"Dit is 'n formele geleentheid en ek verkies swart en wit, in Italiaanse styl."

Ryno Fillis, Paulus Joubert Sekondêr, sê dat denim-drag in en aandpakke uit  is: "Jy en jou metgesel se uitrustings moet min of meer bymekaar pas."

'n Gimmie, Enrico Lategan, meen dat swart pakke en Chinese styl in is, en uithang met spoggerige vervoermiddels is onnodig.

Justin Johannes, hoofseun van Paulus Joubert Sekondêr, waarsku: "Die afskeid is 'n groot geleentheid, maar dit sal jou definitief nie dra tot na jou matriekjaar nie."

Astrid Prins, hoofdogter van Paulus Joubert Sekondêr, meen weer helder kleure en informele drag is vir die meisies 'n moet.

"Maar die dae van oorboord gaan en uitlokkende kleredrag te dra, is uit. Dit is ons laaste jaar en ons wil dit op 'n goeie noot afsluit."

Klein Nederburg Sekondêr se Vichelle Sampson vrees ook dat sommige mense oorboord gaan met hul uitrustings. 

"Ek is baie opgewonde oor die afskeid, maar steeds 'n bietjie op my senuwees, aangesien enigiets verkeerd kan loop."

Lisinda Wanza van Klein Nederburg Sekondêr voel dat semi-formele drag gewild sal wees.

"Ek hoef nie eens baie te spandeer nie, maar dit is net vir een aand wat jy die kollig sal tref," sê sy.

Leandra Pretorius van Hoërskool Gimnasium, meen treffende kleure en lae rûe het 'n groot voorsprong bo balrokke hierdie jaar.

"Ek weet nog steeds nie wat die tema is nie, maar dit en die ander leerders se uitrustings, is waarna ek uitsien."

Wesaal Gaidien van Hoër Meisieskool Paarl, meen dat 'n eenvoudige A-lyn rok 'n "statement" maak.

"Maak nie saak hoe die ander lyk nie, die eerste vyf minute wat jy uit die motor klim, en almal se oë is op jou, dis die ongelooflikste."

Plaaslike modewinkels doen vanjaar goed sake met matrikulante wat van die rakke af aankoop.

Hulle stem saam dat denim vanjaar gesien sal word, gekombineer met wit, oranje en pienk. Rokke met lae halse en sagte, vloeiende lyne is hierdie jaar 'n moet - maar gedempte kleure is uit.

Ouers het gewoonlik nie 'n sê in hul kinders se smake nie, maar stem saam dat hulle tog net die beste wil gee vir die groot aand.

Urshila Botha sê ouers moet maar opdok, al is dit duur, maar Nazlee Gaidien meen jy hoef nie oorboord te gaan nie.: "Minder is baie keer beter."

* The main topic of conversation is matric dance fashions.

DIE Mathcard Sentrum in die Paarl se lenteskool by Hoërskool Gimnasium is net om die draai. Dit vind plaas van 27 September tot 30 September.

Die vakke wat vir graad 11 en graad 12 leerders aangebied word is Wiskunde, Natuur- en Skeikunde en Rekeningkunde.

Belangstellende leerders moet gou spring om teleurstelling te vermy.

Volledige brosjures met inskrywingsvorms is beskikbaar by Hoërskool Gimnasium, Pam Golding, De Jagers, Waltons, Noorder-Paarl Stationers in Kwikspar en Wellington Toerismeburo.

Vir verdere inligting, skakel 872-0307 of 082-854-3611.

[ Top ]