|
DIE Nederburg Primêre Skool se Gemeenskapsontwikkelingsprojek (NPGO) het nog 'n paar treë nader gegee aan die opbou en bemagtiging van sy gemeenskap.
'n Naaldwerkprojek wat op 3 Junie afgeskop het en waar 13 moeders van dié skool opleiding ontvang het, het onlangs sy eerste vrugte afwerp toe hulle sertifikate ontvang het.
"Die groep ontvang opleiding oor drie maande in twee skofte - een in die oggend en een in die middag," verduidelik Lorraine Benjamin, wat die vroue oplei.
Benjamin het voorheen 'n soortgelyke projek by Koinonia gelei, maar nadat dit doodgeloop het, het sy haar gewig by die NPGO ingegooi.
Volgens Edward Daniels, hoof van Nederburg, het Benjamin daarin geslaag om $3 800 (R45 600) vanaf die Amerikaanse konsulaat te ontvang.
Die fondse het gehelp met die aankoop van ses industriële naaimasjiene, terwyl die skool 'n klaskamer, krag en water vir die groep verskaf.
"Hulle het hul eie sleutels en kan dus buite skoolure ook by die gebou inkom om werk af te handel," verduidelik Daniels.
Van die materiaal wat hulle gebruik is deur Ikhwezi gemeen-skapsentrum geskenk.
"Die groep het reeds stoelrugsakke vir die graad eens gemaak en gaan ook vir ons sokkertruie maak," sê Daniels.
Volgens Lorraine word daarna gekyk om die projek op twee bene te bedryf - 'n opleidingsbeen en 'n produksiebeen.
"Ons hoop om bestellings van die publiek te kry en sodoende self dié vroue van werk te verskaf. Die nuwe groep vroue sal in Januarie kan aanmeld vir opleiding," verduidelik Lorraine.
Saam met die sertifikaat oorhandiging was daar ook 'n uitstalling van die groep se werkstukke. |
HERITAGE. The Lukhanyo Youth Development Organisation in Mbekweni celebrated Heritage Day by taking 100 disadvantaged teenagers on an outing to Franschhoek, where they had the opportunity to share their talents with the community. Various local businesses sponsored the day. People who would like to become involved in youth development, can contact Wellington Ngalo at 073-277-2544 or 807-5568 (w).