Thursday 18 March 2004

This site will be updated on 25 March  2004 at 17:30

Youth - Jeug

• Rock saam Onnerikoppi
• Trompoppies skop hoog

KOEKVERKOPE. Die wenkoek by Hoërskool Labori se koekverkoping met die tema "Liewe Heksie", was hierdie skepping van Colene Rossouw (links) en Adéle de Jongh. Al die Mnr en Mej Labori finaliste het deelgeneem aan die kompetisie wat deur Vineyard Spar in die Paarl geborg is met 14 koeke en sewe emmers gekleurde versiersuiker. Die koeke is na Diemersfontein se plaasskool geneem waar die kleintjies dit blinkoog ontvang het.

Rock saam Onnerikoppi

[ Top ]

DIE tweejaarlikse Onnerikoppi rock band festival word Woensdag op die skoolterrein van die Hoër Jongenskool Paarl in Auretstraat aangebied van 16:00 tot 22:30. 

Hierdie sal die derde fees wees en trek belangstellendes van die noordelike voorstede en Stellenbosch.

Die gaskunstenaars vanjaar is Akkedis, Zinkplaat en Antipathy.  Die bekende Empire Down wat verlede jaar 'n finalis in die Jong Burger-kompetisie was, tree ook op. 

Die voorprogram word behartig deur belowende skoolbands van DF Malan (Trompie is dood), Hugenote (Five minutes famous), Paul Roos (Something for nothing) en twee Boishaai-bands, No Go-Go en Buitestaander.

Daar sal heelwat te ete aangebied word by die veldkombuis. Toegang is R20 (R30 vir volwassenes en studente) van 15:30 by die hekke.

TROMPOPPIES in die Boland het vanjaar vroeg begin en hou hul tweede kompetisie op Saterdag 20 Maart by die Daljosafat Sportterrein om 11:00. Toegang is R10 (R5 vir kinders).

Ebenezer en William Lloyd Primêr is weer die gunstelinge om met die verskeie titels weg te loop. 'n Gekombineerde hoërskolespan met meisies van Klein Nederburg, New Orleans en Paulus Joubert gaan ook vanjaar aan die kompetisies deelneem.

Die nasionale kampioenskappe is vanjaar vir die eerste keer in Julie en vind in Durban plaas. Die dag belowe om meer as genoeg opwinding te verskaf en en die plaaslike skole maak staat op die ondersteuning van die gemeenskap.

[ Top ]