Twee verdagtes, 10- en 11-jarige seuns van plaaswerkers van Noorder-Paarl, is aangekeer. Die hondjies is aan die Paarlse Dierebeskermingsvereniging oorhandig.

Terselfdertyd het Piet Cronjé, Paarlse ambulansman, reeds al wat 'n poging is aangewend om sy vrou se verlore honde op te spoor.

Vir die vermiste Koos en Katriena, 'n driejarige reun en eenjarige teef, het hy 'n R200 beloning aangebied.

"Dis al wat ek het, maar sowaar, as ek my honde terugkry en die diewe word by name genoem, sal ek sorg dat die informant nog 'n R200 kry," het die man gesê.

Die honde het Woensdagnag verlede week spoorloos uit die Cronjés se erf in Heidestraat, Noorder-Paarl, verdwyn.

"Die honde is laas so half tien die aand gesien. Toe ons wakker word, het die voorhekke oopgestaan," het Cronjé gesê.

Groot was sy dankbaarheid toe hy later die middag die DBV skakel en hoor Koos en Katriena wag vir hul baas, ongedeerd.

* Two dogs have been recovered after thieves tried to sell them to the wife of a policeman.

'n GESIN in Noorder-Paarl treur oor die dood van hul hond, 'n jong Rottweiler van tien maande.

Bruno is dood nadat hy vermoedelik gif ingekry het terwyl die gesin tydens die skoolvakansie weg was.

Die vergiftigde voedsel moes in die erf geplaas gewees het, aangesien Bruno agter 'n hoë hek was en nie die werf verlaat het nie.

"Dit is die tweede keer dat Bruno siek geword het. Die eerste keer in Maart het ons hom deurgehaal, maar hierdie keer kon ons nie.

"Ander diere in die omgewing, ook katte, het die afgelope paar maande ook onder verdagte omstandighede gevrek," sê Sanet Kriel, Bruno se eienaar.

"Bruno was nie 'n hond wat geblaf het nie, en het nooit uit die erf gekom nie, behalwe aan 'n leiband. Hoekom sou iemand so wreed wou wees?" vra sy.

* A young Rottweiler has died of poisoning.