 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||
 |
|||||||||||
|
|
|
|
|
|
|
|
|
|
|
|
 |
|||||||||||
|
Thursday: 18 Septembert 2003 |
|||||||||||
|
|||||||||||
|
This site will be updated on: 26 September 2003 at 17:00 |
|||||||||||
|
|
|
|
|
|
|
|
|
SO sonder geskal is winkeliers en inwoners besig om nie net die wolf van die deur te hou nie, maar ook om vir jakkals druipstert terug te stuur Kaap toe om sy skelmstreke êrens ander te gaan uithaal. Voertuie met vreemde registrasienommers word al hoe gereelder in die Paarl en Wellington opgemerk. Net so vreemde gesigte wat met die trein uit die Skiereiland tot op ons stasies ry. Die besoekers sou met gulde plattelandse vriendelikheid ontvang word, as dit nie was dat hierdie buite-dorpers met net een doel voor oë hier besoek aflê nie. Om te roof, in te breek en te steel. Die inwoners van dorpe vertrou hul medemens. Ons los deure en vensters aanloklik oop. Ons dink nie elke klant en kuiergas is 'n potensiële skelm nie. En daarom is ons wonings en ons winkels, ons voertuie en ons fabrieke, onweerstaanbaar vir die Kapenaars. Hier is baie te aas, maklik bekombaar, terwyl die mark nader aan Tafelberg nog lank nie versadig is nie. Maar so maklik sal die plattelanders hulle nie loop inloop nie. Soos die wakker werknemers van 'n vulstasie wat verlede week gesorg het dat die polisie 'n bende bedrieërs by hul buurfirma kon vasvat, so sorg die Paarliete vir mekaar. |
|
|
|
|
|
MET verwysing na die artikel "Vrees vir Begraafplaas" in Paarl Post 11 September, wil ek 'n paar ware feite weergee ten opsigte van die toestand van die Parys begraafplaas. Volgens die munisipale bestuurder sal die draad tussen die plaas en die begraafplaas herstel word, maar die draadheining is reeds stukkend vanaf September 2000. Sover ek weet is daar nog nooit aandag aan die stukkende draad gegee was. Mnr Carstens sê die area word gereeld skoongemaak, maar ek en my moeder het vanaf September 2000 verskeie oproepe na die munisipaliteit gemaak en briewe geskryf oor die toestand daar, sonder sukses. Die AGS/PPK deel van die begraafplaas word van September 2000 gereeld deur my moeder en haar tuinhulp skoongemaak. Omdat bergies langs my vader se graf geslaap het en vuur gemaak het, het ons later besluit om my vader te herbegrawe na 'n skoner deel. Van die "gereelde" inspeksies wat gedurende die dag gedoen word, weet ek nie. Ek besoek die begraafplaas gereeld en ek kon nog nooit iemand daar sien nie. Die opsigter van dié groot begraafplaas en sy paar assistente het beslis te veel werk op hande. Die waarheid is dat die munisipaliteit geen moeite doen om vandalisme of aanranding in die begraafplaas te keer nie. Lorinda Mostert Die Munisipale Bestuurder, Jacques Carstens, reageer: * Die hele lengte draad aangrensend aan die plaas moet vervang word. Weens gebrek aan fondse sal die gedeelte wat direk aan die plaashuise grens eerste vervang word. Die hele projek sal nie in een finansiële jaar gedoen kan word nie. * Die stelling dat die gedeelte skoongemaak word omdat dit die arm gedeelte is, is verkeerd. Die area waarna verwys word, word die gras minder gesny omdat dit 'n baie ou gedeelte is waar daar vir baie jare nie meer begrawe word nie omdat die gedeelte (blok) vol is. Papiere en ander rommel word egter op 'n gereelde basis opgestel. Armlastige begrafnisse het in die blok plaasgevind, toe daar nog begrawe is. Die definisie van armlastig verwys nie na arm mense nie, maar na oorledenes wie se naasbestaandes nie opgespoor kon word nie (die definisie het intussen verander). * Inspeksies word deur die opsigter gedoen, sowel as die munisipale werkers wat daagliks in die begraafplaas werksaam is. Vandalisme en diefstal is aan die toeneem deur die hele Drakenstein Munisipaliteit en Suid-Afrika. Dit is nie 'n geval dat daar niks aan die saak gedoen wil word nie. Finansieel is dit nie moontlik om die begraafplaas 24 uur van die dag/nag te patrolleer nie. Ongewenste persone word verwyder wanneer hulle opgemerk word. Diefstal en vandalisme kan ook deur ander persone veroorsaak word. |
|
|
|
|
|
DIE begrip "minderheidsgroep" en die feit dat hulle ook "menseregte" het, word sedert 1994 orals gehoor. Politici en al wat Jan Rap en sy Maat is, het die geleentheid aangegryp om gelyke regte vir minderheidsgroepe te bewerkstellig. En met reg ook, want daar is en word steeds teen sekere mense of groepe gediskrimineer. Ek is ook lid van so 'n groep in die Paarl. Ons betaal ook munisipale belasting, dra ook by tot die lewering van dienste, spandeer ook geld by plaaslike besighede, spreekkamers, ontspanningsgeriewe en sportbyeenkomste. Ons het ook huisdokters, tandartse en oogkundiges. Ons gaan eet ook uit, fliek, doen banksake- en inkopies. Die verskil egter tussen "ons" en u is die feit dat u die dokter van u keuse spreek, u tande en oë word deur spesialiste van u keuse versorg, u bank waar u wil en doen besigheid waar u wil en kuier waar u wil. Ons moet die dokter, oogarts, tandarts, eetplek, bank, ensovoorts besoek waar dit vir ons toeganklik is! U sien, ons is mense wat met hulpmiddels loop of in rystoele sit. Die trappies wat u so rats opdraf en die randsteen wat u nie eens raaksien nie, is vir ons 'n hindernis - in baie gevalle 'n oorkombare een, maar steeds 'n hindernis wat telkens 'n risiko inhou, want indien iets skeefloop, kan ons in die hospitaal beland. Alvorens ons dus die pad aanpak om iets te gaan doen, moet ons eers deeglike beplanning doen. Die vraag is nie altyd net of ons by 'n plek kan inkom nie, maar ook: "Wat gemaak as ek die toilet wil besoek?" Sommige plekke is net nie ingerig vir gebruik deur 'n persoon in 'n rolstoel nie. Die "toemaar, hier is net een trappie" is gewoonlik 'n trap wat eintlik drie kon gewees het. Die "kom maar, ons sal u gou gou help" is 'n mynveld op sigself, want as u ons wil help, dan moet u weet hoe, die geringste fout kan die rolstoel laat omkantel of die persoon met die hulpmiddel beseer. Ons is in die minderheid, maar indien u ons almal bymekaartel, sal u vind dat ons beslis nie min is nie. Ons is die besighede en professionele persone wat wel voorsorg vir ons behoeftes getref het, innig dankbaar. Ongelukkig is hulle in die minderheid. Doen uself 'n guns en huur of leen 'n rolstoel, kry iemand om u te stoot en vaar die dorp in. Gaan kyk of u u dokter, tandarts, geliefkoosde eetplekkie of bank kan besoek. U sal vind dat 'n trappie wat meer as vyftien sentimeter is, te hoog is, dat daar randstene in die dorp is, dat "cobblestones" u seer skud, dat onervare hulp gevaarlik is, dat u toegang tot spreekkamers, eetplekke, parkeerplekke, besigheidsplekke en plekke van vermaak skielik drasties verminder het. Sien die dorp deur ons oë, en vra uself af "Wat van ons?" Pietlou |
|
|
|
|
|
EK werk in Franschhoek en gebruik elke dag die sogenaamde "pad van die dood" van die Paarl via Wemmershoek na die Paarl. Jy kry mense op die pad wat 50 km/h ry en mense wat 120 km/h ry terwyl die spoedbeperking 100 km/h is. Mense raak ongeduldig weens dié wat aankruie en jaag op gevaarlike plekke verby. Is dit regtig nodig vir fietsryers om op hierdie pad te oefen? Die bane is skaars wyd genoeg vir 'n voertuig. Die gate in die teer op die stukkie pad naby die plaas Parys, is so diep dat jy met die een helfte van jou voertuig in die ander baan moet ry. Die gate word elke paar maande toegegooi met sand, maar 'n paar dae later is die gate maar net weer daar en dieper as die vorige keer. Wanneer word die pad dan oorgeteer? Vandat ek hierdie pad gebruik, het ek nog nie op een 'spoedlokval' afgekom nie en nog nie een keer gesien dat verkeerspolisie 'n voertuig aftrek wat onverskillig bestuur nie. Kan daar nie 'n plan gemaak word nie? Hoeveel mense moet nou nog op hierdie pad sterf? Siek en sat |
|
|
|
|
|
PEOPLE around the world are unaware of the way we live and survive in townships (e-kasi). I thought I should do something about it, just to let the whole world know. That's when the thought of a website came into picture. So, if you are lucky enough to have access to the internet, I suggest you start surfing the website www.mbekweni-ekasi.co.za. There you can learn some IsiXhosa as well as the township slangs and much more. Sbusiso Maseti |
|
|
|
|
|
|
|
|
|
||
|
EK is 'n Paarliet wat in die buiteland werk, en wil net sê, Paarl Post bo. Hier uit die verre China in Senzheng City, so tussen die epidemies en oorloë deur, is my enigste ligstraaltjie Vrydagoggende (weens die tydverskil) die Paarl Post. Ek verslind die koerant om al die nuus te kry. Dankie vir jul website - doen so voort! Ralize Henderson |
||||||
|
||||||