Thursday: 18 Septembert 2003

This site will be updated on: 26 September  2003 at 17:00

Lifestyle - Leefstyl

• Bain se feesviering het Wellington in rep en roer
• Huishulpe gratis opgelei
• Computer training offered
• Paulus hou karnaval

"MAAK ons volgende jaar weer so?"

Burgemeester Herman Bailey het hiermee sy opgewondenheid uitgespreek oor die reuse sukses van die Bainsklooffees verlede naweek. Hy het te midde van 'n tierende suidooster sy steun aan 'n herhaling daarvan gegee. 

Die fees, wat meestal buitelugaktiwiteite op die pas aangebied het, is gehou as herdenking van die bou van die pas 150 jaar gelede deur Andrew Geddes Bain. 

Benewens die optog waaraan perderuiters, perderytuie, klopse, 'n Skotse doedelsakorkes (ter ere van Bain se Skotse afkoms) en skoolkinders met "Help bewaar Bainskloof" baniere deelgeneem het, was daar ook staptogte in Bainskloof en veteraanmotors en motorfietse wat deur die pas gery het. 

Die museum was 'n gewilde stilhouplek met meer as 1000 mense wat kom besoek aflê het by die uitstalling oor die lewe van Andrew Bain. 

Dit was ook die lokaal waar 'n kunsuitstalling oor die kloof gehou is. Die werke maak nou deel uit van die uitstalling wat op Erfenisdag om 19:30 ten einde loop met 'n veiling van die onverkoopte werke (navrae by 873-4604). 

Die amptelike opening het in 'n stampvol Hugenote Kollegesaal plaasgevind met 'n skittervertoning deur die gewilde sanggroep Black Bafanas, Skotse danspassies deur die Caledonian Society en ander items deur skoliere. 

Later die dag het 36 veteraanmotors, waarvan die meeste MG's, deur die pas gery. Sondag het 114 BMW-motorfietse oor die pas gery terwyl sowat 26 Harley Davidsons die tog weer van anderkant die berg aangepak het. 

Verder het 150 bergfietsryers en 70 padfietsryers aan die fietswedrenne deelgeneem wat douvoordag Sondagoggend weggespring het en dertig superfiks atlete het aan die Cape Runners Against Gravity wedloop deelgeneem. 

'n Unieke perdryrit is deur 29 ruiters aangepak in Happy Valley (bo in Bainskloof) waar Saterdag oornag is.

* The Bain's Kloof Pass festival in Wellington was attended by thousands.

DIE Wamakersvallei Opleidingsentrum op Wellington bied gratis opleiding vir huishulpe aan. Die sentrum is geleë skuins agter die dorpsbiblioteek in die Breytenbach Sentrum.

Drie gratis dagkursusse word aangebied in was & stryk, kookkuns en huisskoonmaak. Kursusse begin soggens 09:00 en duur tot 16:00. 

Geen skoolopleiding word vereis nie, maar kursusgangers moet in diens van 'n huisvrou wees en moet  'n afskrif van haar eie identiteitsdokument verskaf. 

Hierdie geleentheid word moontlik gemaak deur die Huishoudelike dienste afdeling van die Dienste SETA en is heeltemal kosteloos.  

Die was- en strykopleidingsprogram leer jou die vaardighede van klerewas, stryk, en hantering van linne en beddegoed. Dit sluit in sortering van wasgoed, verwydering van vlekke, die gebruik van 'n wasmasjien en om items korrek op te vou. 

Die kookkunskursus sal kursusgangers bemagtig om drie verskillende maaltye vir die daaglikse etes voor te berei. Hulle leer ook om vrugte en groente voor te berei, pasta te maak, slaai en toebroodjies  te maak, eiergeregte voor te berei, hoe om kos korrek te hanteer en te berg, vis in 'n beslag gaar te maak, en om skyfies te maak. 

Die huisskoonmaakkursus sal konsentreer op die skoonmaak van kombuise. Dit sluit in om die basiese beginsels van skoonmaak te begryp spesifiek met behulp van chemikalieë. 

Dit sluit ook die korrekte manier van skoonmaak in van eetgerei en breekware kosprosesseringstoerusting, skoonmaaktoerusting, die identifisering van verskillende soorte vuil en hoe om elkeen te hanteer. 

Ná die opleiding sal assessering van die huishulpe in hulle werksplekke gedoen word. 

Daar word ook na opleiers gesoek wat teen vergoeding kan help met die opleiding. Skakel Irene voor 13:00 by 873-5942. 

* Gratis geletterdheidskursusse word Dinsdae tussen 15:00 en 17:00 aangebied. 

SPACEBAR at the Koinonia Community Centre in Paarl has some spring specials in Computer Training.

The Spring Special Course includes the following modules: Introduction to Computers; Microsoft Word 2000; Microsoft Excel 2000; Microsoft PowerPoint 2000; Microsoft Internet Explorer & E-mail and typing skills.

It is a two-month course, with eight students per class. They have only afternoon classes, from 12:00 to 15:00 on Mondays & Tuesdays (1 class) and Wednesdays & Thursdays (1 class).

The next intake is on 22 September. Register at 117 Klein Drakenstein Road, Paarl, or contact Nicolene, Lionel or Gerswin at 862-0273 or 082-5300-308.

''n GROOT karnaval word die naweek deur Paulus Joubert Sekondêr op hul skoolgronde aangebied om die skool se 38ste bestaansjaar te vier. Môre is daar 'n reünie en Mej Karnaval word gekroon. De Ja Vu en Volume 4  en Pop Idol Francisca Blasich tree ook op.

Saterdag begin met 'n straatoptog en motorkavalkade. 'n Babakompetisie, motorkompetisie, hondeskou, blikkiesmark asook alle interessante speletjies vir oud en jonk, sal aangebied word.

Toegang is môre R7 (kinders R5) en Saterdag R10 (kinders R7).