|
MATRIEKS en graad elfs wat nog wil inskryf vir die Mathcardsentrum se Lenteskool by Hoërskool Gimnasium moet nou vinnig spring om reëlings te tref.
Wiskunde, Natuur- en Skeikunde en Rekeningkunde word aangebied in die komende skoolvakansie, van 30 September tot 4 Oktober.
Die amptelike sluitingdatum is môre. Laatinskrywings sal nog na die tyd aanvaar word, aangesien baie matrieks nog worstel met die skooleksamen, maar laatslapers sal nou onmiddellik moet reageer om teleurstelling te voorkom.
Volledige brosjures met inskrywingsvorms is beskikbaar by Hoërskool Gimnasium, Mauritz Uys Uitrusters, Waltons, Wynland Apteek (Noorder-Paarl) en Wellington Toerismeburo. Vir verdere inligting skakel 872-0307 of 082-854-3611. |
PLAASSKOOL. James Hendricks, onderwyser by Daljosafat Primêr, by van die leerders wat tydelik in 'n gebou op die plaas Spes Bona van Chris van der Westhuizen skool gaan terwyl afgebrande klasse vervang word. Skoolhoof Eric Meyer het sy dank uitgespreek teenoor almal wat hand uitgesteek het in hul nood. Die nege nuwe klaskamers behoort eersdaags gereed te wees. Pic: Susan Botha