arts




				Thursday 20 January 2005



		This site will be updated on 27 January 2005.


	Arts - Kunste

Spaanse dansdrama
'Creedence revival' at Barnyard
Die beste vir Valentyn

Spaanse dansdrama


	[ Top ]

DIE La Rosa Spanish Dance Theatre in samewerking met die Free Flight Dance Company bied van 26 tot 29 Januarie 'n splinternuwe dansdrama, 'Blood Wed- ding', by Oude Libertas op Stellenbosch aab.

'Blood Wedding' is 'n verwerking van die vermaarde Spaanse dramaturg, Fe- derico Garcia Lorca, se beroemde tra- gedie. Dit is omskep in 'n dans-drama deur die hoogaangeskrewe regisseur, Geoffrey Hyland in samewerking met die La Rosa Spanish Dance Theatre en die Free Flight Dance Company.

Gegrond op die waarheid, vertel 'Blood Wedding' 'n verhaal van liefde, lis en verraad. Dit word beskou as een van die kragtigste en innoverendste dramas uit die vorige eeu.

'Blood Wedding' is deur Lorca geskryf 'n paar jaar nadat hy in 'n koerant gelees



		DANSDRAMA. Die nuwe dansdrama, 'Blood Wedding', kan van 26 tot 29 Januarie by Oude Libertas gesien word. Hier is een van die dansers, Julia Linares (Dood).

het van 'n jong bruid in Andalusië wat haar aanstaande man op hul troudag verlaat het om met haar jeugliefde weg te loop.

'Blood Wedding' staan onder leiding van die hoogaangeskrewe teater-regis- seur, Geoffrey Hyland, wat 'n uitgebreide kennis van Lorca se werk het, aangesien hy reeds twee keer vantevore sy dramatiese werke geregisseer het. Dit sal die eerste geleentheid vir hom wees om 'n dansstuk te regiseer.

Die musiek wat in 'Blood Wedding' gebruik word, is avant-garde musiek uit films asook 'n paar inheemse melodieë uit Armenië en Australië - almal saamgestel deur Hyland.

Die Flamenco kitaarspeler en musiekleier van 'Blood Wedding', Bienyameen, het Lorca se woorde getoonset en liedere geskep wat pas by die stuk. Nicole Holme gaan dit sing met Mark Elderkin as verteller.

Dié vier kenners op hul onderskeie gebiede het 'n unieke mengsel van dans, teater en kragtige nuut-saamgestelde musiek geskep.

Die Free Flight Dance Company se Yarisha Singh speel die rol van die bruid met Russell Cummings as Leonardo en Celeste Botha as die vrou.

Die La Rosa Spanish Dance Theatre se Alejandra Fernandez speel die rol van die moeder met Roberto San Juan as die bruidegom, Lorenza Flores as die diensmeisie en Julia Linares as "die dood".

Opvoerings begin om 20:15. Vir besprekings en meer inligting, skakel die Oude Libertas Amfiteater by 809-7380.

Vir inligting oor die 2005 somerseisoen by die Oude Libertas Amfiteater, besoek www.oudelibertas.co.za.

'Creedence Revival' at Barnyard


	[ Top ]

A FOOT-STOMPING caper down memory lane, the Creedence Clear- water Revival Tribute Show, will be presented at the Barnyard Theatre outside Franschhoek on 28 and 29 January.

The deep south roots and swamp rockabilly sounds are brilliantly captured as one is swept away by "Bad Moon Rising," "Proud Mary," "Have you ever seen the rain" and many old favourites. The show is directed by and stars Clint Cunningham.

Tickets are R90 from Robyn Watkins, tel/fax 874-1505 or 082-371-3267.

Die beste vir Valentyn


	[ Top ]

TER herdenking van Valentynsdag sal die amfiteater op Paarlberg Saterdag 12 Februarie weer gasheer speel vir 'n spesiale konsert - hierdie keer deur Drie van die Bestes: sangers Mathys Roets, Danie Niehaus en Kevin Leo.

Hulle sal bygestaan word deur 'n uitgelese orkes van professionele musikante.

Dit is die eerste keer in 'n paar jaar wat die driestuks weer bymekaar sal wees en dit is te danke aan talle navrae deur die publiek en die oorredings- vermoë van die promotor, Gerhard Meyer, dat Paarl die gasheer vir die enigste optrede in die Wes-Kaap sal wees.

Belangstellendes moet gou spring, want die belangstelling loop reeds hoog. Meer as 1200 kaartjies is reeds in die eerste paar dae opgeraap.

Die vertoning sal al hul grootste treffers insluit met 'n paar nuwe verrassings.

Die vertoning word ook lewendig opgeneem vir 'n DVD wat later vanjaar vrygestel word - ook 'n eerste vir Paarl.

Die vertoning is moontlik gemaak deur die ondersteuning van De Oude Paarl Hotel (akkommodasie), Intermedia (advertensieontwerp) en Paarlvallei Motors (vervoer).

Van die voorste wynkelders en restaurante sal weer stalletjies beman vanaf 17:00 en besoekers kan gerus vroeg opdaag en die atmosfeer op die berg beleef.

Vir kaartjies skakel Computicket op 083-915-8000 of besoek hulle in Hoofstraat, Paarl. Vir navrae, skakel 872-1002.

[ Top ]

Tel: (021) 871-1170 - e-mail: edit@paarlpost.co.za

[ Top ]