|
Edward is einde Augustus verlede jaar ontslaan, maar in November het sy neus weer begin bloei. Hy kry nou elke week
bloedoortappings en kan nie meer skool bywoon nie.
Daarsonder raak hy gevaarlik aan die bloei.
"Ek weet al, as die kolletjies so op my vel uitslaan, dan gaan ek bloei."
Volgens dr Eckart von Delft ly Edward aan aplastiese anemie. Hy het 'n bloedplaatjietelling van net 1000 (normaal is 140 000).
Sy witbloedseltelling is so laag dat hy 'n risiko het om infeksies te kry.
Daar word nie genoeg rooibloedliggaampies geproduseer nie, en sy hemoglobienvlakke is so laag dat hy chronies moeg is.
Die enigste redding is 'n beenmurgoorplanting. Om beenmurg van 'n geskikte plaaslike skenker te kry, sal egter R95 000 kos (sowat
R350 000 indien die beenmurg internasionaal geoes word).
En daarna volg die koste van die oorplanting, wat so R250 000 beloop.
Edward het net stiefbroers en -susters wat nie as skenkers geskik is nie.
Hulle ma, Mercia, het nie 'n eie inkomste nie, want sy bly aan haar seun se sy in die hospitale. Ouma het die versorging van haar
drie ander kinders op die plaas oorgeneem.
Skenkings om by te dra tot die prosedure en om 'n skenker op te spoor, kan gedeponeer word in die Absa tjekrekening (rekeningnommer
400400105) van die Paarl Hospitaalraad (takkode 632005). Merk die inbetaling "Beenmurgfonds".
Dr Von Delft, hoof van pediatrie by die Paarl Hospitaal, kan by 872-1711 x 2303 of 082-651-6633 of per epos eckart@yebo.co.za
gekontak word vir navrae.
Mense wat as skenker wil registreer, kan die SA Beenmurgregister in Kaapstad kontak (404-6445) en kan in die Paarl die onttrekking
van bloed laat doen.
Die koste van die weefseltipering (R200) word deur die Sunflower Fund (telefoon 799-3116 of epos sunflower@cape.netcare.co.za)
geadministreer.
"Dis eintlik nie die dokter se werk om my gesond te maak nie. Liewe Jesus gaan dit doen sodat ek ook kan speel. Ek weet dit.
"En dan wil ek leer om 'n dokter te word, want ek wil kinders help wat siek is," glimlag Edward moedig.
* A local boy needs a bone marrow transplant urgently.
|
