Thursday 20 May 2004

This site will be updated on 27 May  2004 at 17:30

Arts - Kunste

• Pret by Taalmuseum
• Barok by La Motte
• Oudisies vir musici
• Jong digters gesoek
• A tribute to the Eagles
• Musiekskool vier 10 jaar
• Fees van skoolkore in Paarl

Pret by Taalmuseum

[ Top ]

DIE Afrikaanse Taalmuseum open vanaand sy nuwe uitstalling "Afrikaans: 'n reënboogtaal" as deel van Museumweek.

Skoolgroepe is welkom om die museum gedurende museumweek te besoek, asook enige ander tyd van die jaar.

Opvoedkundige toere word aangebied teen slegs R2 per leerder.

Afrikaanse leerkragte kan die museum gerus kontak om hul spesifieke behoeftes rondom die Afrikaanse leerplan te bespreek.
Vir meer inligting of om te bespreek bel vir Malikah by 872-3441.
* Besoek ook hul nuwe webwerf by www.taalmuseum.co.za.

HOPE PRET. 'n Groep jong akteurs van Hoër Jongenskool en Hoër Meisieskool Paarl het oud en jonk Dinsdag by die Afrikaanse Taalmuseum vermaak met hul opvoering van 'n toneel, 'Dokter Doodmaak' uit die eerste Afrikaanse debatboek. Die toneel speel hier af in die dokter se spreekkamer waar die dokter (Johan Visagie) en die "nursie" (Lizelle van Zyl) vir Sannie Praatsiek (Marié Joubert) reg dokter. Die opvoering is deel van Museumweek.

Barok by La Motte

[ Top ]

DIE voorlaaste uitvoering in die huidige reeks musiekkonserte op La Motte Wynlandgoed vind Saterdag om 19:00 plaas.

Die kunstenaars in die program, wat hoofsaaklik uit Barokmusiek bestaan, is Carina Bruwer (fluit), Nhanhla Mweni (tenoor), Marion Lewin (tjello) en Mario Nell (klawesimbel).

Carina het die meeste van die belangrikste nasionale pryse vir jong musici verower. Nhanhla was onlangs tenoorsolis in die uitvoering van Mozart se Requiem deur die Kaapse Filharmoniese Koor.

Marian Lewin word allerweë beskou as die doyenne van Suid-Afrikaanse tjelliste. 

Mario Nell is orreldosent aan die Universiteit van Stellenbosch.

Van die werke wat uitgevoer gaan word, is JS Bach se Fluitsonate in E mineur en Vivaldi se Sonata vir Fluit en Continuo in C Majeur. 

Nhanhla Mweni sing onder meer die Benedictus uit JS Bach se Mis in B mineur, en die Resitatief en Aria "Comfort Ye, My people uit die Messias van Handel".

Kaartjies teen R95 elk by Comari Lategan, 876-3119.

DIE Frank Pietersen Musieksentrum hou van Maandag 21 Junie tot Vrydag 25 Junie oudisies.

Enigeen wat belang stel om 'n musiekinstrument te speel, kan vooraf 'n afspraak reël by die sentrum se kantoor, by 872-2123/4, tussen 10:00 en 18:00.

Veral laerskoolleerders word aangemoedig om van die geleentheid gebruik te maak. Onderrig word gegee in alle simfonie-orkesinstrumente, klavier, blokfluit, jazz-instrumente en Afrika-perkussie.

DIE Afrikaanse Taalmuseum nooi graad 11- en 12-leerders in die Boland uit om deel te neem aan hulle opwindende poësie-kompetisie. Jy kan 'n prys van R1000 wen - en ook R250 vir jou Afrikaans-onderwyser losslaan!

Die gedig moet in Afrikaans wees, dit moet jou eie werk wees en jy mag nie meer as twee gedigte instuur nie. Die sluitingsdatum is 28 Mei. Inskrywingsvorm en navrae by Catherine Snel,  872-3441.

THE Barnyard Theatre at Bridge House will present 'Life in the Fast Lane - A Tribute to the Eagles' on Saturday 29 May.

'Life in the Fast Lane' presents a cross section of The Eagles' music with songs like Hotel California, Tequila Sunrise, Get Over It and many of their hits, incorporating all the moods and musical styles that made them famous.

Tickets are R90 and bookings can be made on 874-1505 or by email on theatre@bridgehouse.org.za.

DIE Frank Pietersen Musieksentrum in die Paarl vier op Saterdag 29 Mei om 19:00 sy tiende bestaansjaar as 'n staatsinrigting. 

Die sentrum gaan dit vier met 'n feeskonsert in die Paarlse stadsaal. Terselfdertyd sal die sentrum ook Suid-Afrika se tien jaar van demokrasie vier.

Die sentrum is in 1970 deur wyle Frank Pietersen gestig en was destyds bekend as die Paarl Skolemusieksentrum.

In 1994 het die Wes-Kaapse Onderwysdepartement die sentrum onder sy vleuels geneem en dit oorgeneem as 'n staatskool.

Met die hulp van die Onderwysdepartement kon die sentrum soveel meer leerders bereik en dus die breë gemeenskap tot sover soos Robertson, Ashton en Malmesbury bedien.

Die junior orkeste sal kombineer om saam 'n junior simfonie-orkes te vorm. 

Die simfonie-orkes sal weer verskeie werke uitvoer onder andere uittreksels uit Dvorak se "New World" Symphony, en Johann Strauss se Radetzky Mars.

Die Marimba Band, steel band en die senior strykensemble sal ook optree en die junior en volwasse kore sal saam Oscar Petersen se "Hymn to Freedom" opvoer.

Kaartjies is R20 (kinders R10) en kan gekoop word by die musieksentrum of by die deur. Navrae by mev Jordaan 872-2123/4.

SKOOLKORE van Drakenstein tree Saterdag 12 Junie om 19:00 saam met die Tygerbergse Kinderkoor op in die Paarl stadsaal.

Die koorfees word deur die Paarlse Tak van die Vriende van Afrikaans gereël en word moontlik gemaak deur die Wes-Kaapse regering se Kultuurkommissie.

Kore van die hoërskole Desmond Tutu, La Rochelle, Groendal en Kylemore tree op, asook die laerskole WA Joubert en Noord-Eind sal die aand optree.

Kaartjies is R15 by die deur, asook by deelnemende skole.

[ Top ]

[ Top ]