|
DIE Gesins- en Huweliksvereniging van SA (Famsa) vier aanstande jaar sy 50ste bestaansjaar in Suid-Afrika. As deel van die vieringe van dié mylpaal nooi hulle gesinne uit om op Saterdag 29 November om 11:00 aan die gewilde kiskarkompetisie in Generaal Hertzog Rylaan, Wellington, deel te neem.
Dit is die derde keer dat Famsa hierdie kompetisie aanbied, met groot pret en lekker pryse op die spel. Horlosies, sonbrille en hope kontantpryse kan hier gewen word en verversings sal ook te koop wees.
Inskrywingsvorms vir die Kiskarwedstryd is te kry by laerskole, sportwinkels en by die inligtingskantore op Paarl en Wellington.
Alle belangstellendes, deelnemers en laatslapers moet Saterdag 29 November om 06:30 op die hoek van Blouvleistraat en Generaal Hertzogrylaan aanmeld.
Navrae by Marietjie Geldenhuys, 083-278-9651 of 873-6296 * Die jaarvergadering van Famsa Boland is Dinsdag om 19:00 in die Marthsaal op Wellington. 'n Regsgeleerde, Marietjie Geldenhuys, praat oor die implikasies van die voorgestelde wysigings rondom die huwelikswet. |
