schools







				Thursday 21 February 2002

	Youth - Jeug

	Jongmense ruil met VSA Harte oopgemaak vir skoolkinders Kollege ruil studente uit

Jongmense ruil met VSA


	[ Top ]

wruil21 VYF jongmense van die NG Gemeente Paarlberg vertrek eersdaags vir twee weke op 'n uitruilprogram na die VSA.

Die vyf Gimmies, Wilco Jacobs, Marzaan Pereira, Nico Loubser, Johan Rabé en Hardus Joubert, is nie min opgewonde nie.

Hulle vertrek 2 Julie na Raleigh, North Carolina, as deel van 'n uitruilprogram wat Youthnet organiseer.

Volgens ds Deon Kitching van Youthnet

OP PAD. Jongmense op pad na groot dinge in die VSA. Van links is Wilco Jacobs, Marzaan Pereira, Nico Loubser, Johan Rabé en Hardus Joubert.

gaan dit daaroor om jongmense van Suid-Afrika en Amerika in nouer kontak te bring.

Hulle sal 'n week lank saam met jongmense van die High Point Presbyterian Church help huise bou op St John's eiland naby Charlotte aan die kus van South Carolina.

Die bouprojek staan onder die leiding van Habitat for Humanity.

Die Amerikaanse jongmense van High Point in North Carolina, wat die uitnodiging gerig het, het verlede jaar tydens hulle besoek aan die Kaap, by dié Paarliete tuis gegaan.

Die jongmense ontvang borge van die Amerikaners, wat groot gedeeltes van hulle onkostes dek.

Hulle moet egter nog elkeen 'n stewige bedraggie insamel om die droom waar te laat word.

'n Uithang-danspartytjie word Vrydagaand 8 Maart in die skoolsaal van Laerskool Noordeind deur die jongmense en hulle ouers gereël om fondse in te samel.

Al vyf behoort aan die jeuggroep van die NG Kerk Paarlberg. Vir navrae, kontak Daleen Labuschagne by 073-183-5041.

Harte oopgemaak vir skoolkinders


	[ Top ]

'n KLEINHOEWE-EIENAAR van Klein Drakenstein het Saterdagaand 'n gewapende aanvaller uit sy woning geskiet.

Ivan Eiman (61) was buite sy huis op Pine Hill Stud toe sy dogter, Regan (32), om hulp geroep het.

'n Onbekende man het in die kombuis met 'n vuurwapen teen die kop van sy suster, Johanna (69) gestaan.

Eiman het met sy eie geweer die kombuis ingestorm en 'n skoot in die lug gevuur. Toe die inbreker die vuurwapen na hom mik, het Aiman nog 'n skoot afgetrek.

Die man het op die vlug geslaan, met Aiman wat nog 'n skoot agter hom aangevuur het.

Die Vrydagaand is daar ook gepoog om by die opstal in te breek.

Paarlse speurders het onmiddellik leidrade begin opvolg en onder leiding van speur-insp Jan Thiart Maandag 'n 17-jarige van Milky town woonbuurt in hegtenis geneem.

Kollege ruil studente uit


	[ Top ]


	DIE Hugenote Kollege het onlangs 'n ooreenkoms vir praktika-uitruiling gesluit met die Howard Universiteit in Washington DC in die VSA. Mornay Pretorius, Adjunk-direkteur Ontwikkeling, het tydens 'n bemarkingsbesoek aan die VSA so 'n moontlikheid ondersoek en in Januarie vanjaar het twee dosente van die Departement Maatskaplike Werk van Howard die Kollege op Wellington besoek om die detail vir so 'n ooreenkoms te bepaal. In samewerking met die Kollege se maatskaplikewerkpersoneel het hulle vir byna twee weke hard gewerk om 'n voorstel en besigheidsplan vir 'n internasionale praktika-uitruiling te formuleer. Altwee instansies is opgewonde oor hierdie eerste stap, in wat tot 'n voordelige samewerkingsverhouding vir albei partye kan ontwikkel. Hierdie voorstel word tans aan verskeie instansies voorgelê ten einde fondse vir die plasing van studente te bekom. Indien alles glad verloop, word die eerste groep Amerikaanse studente reeds in Augustus vanjaar vir 'n maandlange plasing verwag.



	[ List of Schools / Skolelys ]

[ Top ]
Tel: (021) 871-1170 - e-mail: edit@ppost.co.za


	[ Top ]