Nuus - News

• Boland 'moet tande wys'
• Seun sterf onverklaarbaar
• Huis bly kopseer
• Watertekort gevrees
• Beesspore ver gevolg
• Left out in cold

"DIT is nou die ideale geleentheid vir die Boland Rugby-unie om Rugga SA 'n nekslag toe te dien deur die regte besluite te neem en te wys dat dié Unie wel tande het".

Dit is die mening van Dolf Stemmet, president van Wellington Rugbyklub, nadat die wedstryd tussen sy klub en Roses United wat Saterdag gespeel is, slegs tien minute geduur het.

Vuisgevegte tussen toeskouers en spelers het kort na die afskop van die eerstespan-wedstryd uitgebreek en Stemmet het sy spelers van die veld gelei nadat die skeidsregter nie hul veiligheid op die veld kon verseker nie.

Wellington was op daardie stadium 5-0 voor.

Volgens Stemmet het van Roses se toeskouers die Wellington-slot, Gerdus la Grange, "half-bewusteloos" geskop nadat 'n groep spelers tydens 'n losgemaal by die kantlyn uitgeboender is.

Die vuiste het oor en weer geklap maar die situasie is deur die skeidsregter, Amos Kampi, onder beheer gebring.

'n Tweede voorval het kort daarna plaasgevind toe 'n plaasvervanger-speler van Wellington, Attie Krynauw, vir Roses se sekretaris, Asraf Brink, oor sy taalgebruik aangespreek het.

Brink wat op die eerste verdieping balkon van die klubhuis gestaan het, het na bewering die trappe afgehardloop en Krynauw geduik, waarna die vuiste weer geklap en choas losgebars het.

Willem Small, woordvoerder van Roses United, ontken dat die voorvalle deur Roses spelers of toeskouers begin is.

Volgens hom was La Grange se beserings te wyte aan 'n ongelukkige val.

"Hy (Krynauw) het met sy kop op 'n stuk sement wat langs die veld gelê het, geval. Nou word daar gesê hy is half-bewusteloos geskop. Dit is nie korrek nie," het Small gesê.

Hy voer ook aan dat 'n Wellington toeskouer eerste na Brink geslaan het, en dat dit die vonk vir die vegtery was.

Slegs een derbywedstryd in die afgelope vier jaar tussen dié twee klubs het sonder enige voorvalle verloop.

"Die wedstryd vroeër vanjaar op Pelikaanpark was redelik sonder insidente, maar een van ons spelers moes steke kry nadat sy kop oopgetrap is," sê Stemmet.

Moorreesburg Rugbyklub het vroeër dié seisoen alle bande met Boland Rugby verbreek en by Rugga SA aangesluit nadat hul wedstryd teen Roses United ook deur geweld omvergewerp is.

"Ek het 'n probleem dat dié twee geïsoleerde voorvalle gebruik word om 'n sekere beeld van Roses United te skep," het Small gesê.

"Ons het die seisoen al meer as tien wedstryde gespeel en as ons 'n voorval op ons tuisveld gehad het, sou ek gesê het: 'Ja, ons is die sondebokke.' Maar dit is nie so nie.

"Dié beeld is nadelig vir die klub se funksionering en bestaan. Een van die dae wil geen klub meer teen ons speel nie, want ons is moeilikheidmakers en dan sukkel ons om borge te kry.

"Ons is baie ongelukkig oor die negatiewe publisiteit wat die klub tans kry en dit gebeur net as ons teen wit klubs speel. Ek weet nie of daar 'n verskuilde agenda is om ons as 'n probleem-klub te brandmerk nie," het Small gesê.

Volgens Stemmet het Wellington geen rede om hulle tot vuilspel en geweld te verlaag nie.

"Wellington Rugbyklub is 20 punte voor op die Superliga A1 punteleer. Hoekom moet ons op die veld gaan om met 'n bakleiery te wen?

"Ons het nege spelers in die Boland Amateurspan en vyf in die Boland o.20-span. Daarby het ons ook vir die Klubkampioenskappe gekwalifiseer. Hoekom sal 'n klub in dié posisie so sy status wil weggooi?" het Stemmet gesê.

Volgens Small was die gebrek aan 'n omheining 'n groot probleem.

"Ons het Wellington Rugbyklub voor die wedstryd aangesê om 'n heining, soos deur Boland vereis, aan te bring aangesien 'n derby-wedstryd altyd 'n groot skare lok en daar sonder omheining nie voldoende beheer sal wees nie," het Small gesê.

Volgens Stemmet vereis Boland dat daar net 'n afskorting tussen die toeskouers en die veld moet wees en nie noodwendig 'n "fisiese draad" nie.

"Dit kan die vorm van 'n gespande lint ook aanneem. Die Boland president, Jackie Abrahams, het Vrydag opdrag gegee dat die veld met 'n lint afgesper word, wat ook gedoen is.

"As 'n ou agter drade moet rugby kyk, dan behoort hy in elk geval nie by 'n rugbywedstryd nie," het Stemmet bygevoeg.

Volgens Stemmet is Rugga SA nie 'n oplossing vir die geweld by klubwedstryde nie.

"Ons oorweeg glad nie om op dié stadium by Rugga SA aan te sluit nie.

"Die regte strukture om die probleme op te los, is in plek in die grondwet van Boland Rugby Unie - dit moet net toegepas word.

"As Engeland van sokkerboewery ontslae kan raak, moet ons dieselfde kan doen by rugby."

Albei klubs asook die skeidsregters en lynregters se verslae oor die wedstryd moet vandag by Boland ingedien word. Die dissiplinêre komitee sal Dinsdag sit en 'n uitspraak lewer.

Volgens Stemmet oorweeg van die Wellington-spelers siviele regstappe teen spelers van Roses United.

* The chairman of Wellington Rugby Club has appealed to Boland Rugby Union for strong action following violence in a club match.

KLEIN Brady Wessels het Vrydagoggend lag-lag op sy fiets in 'n stil singel in die Paarlse woonbuurt Denneburg gery, en die volgende oomblik dood op die pad gelê.

* A hit and run docket has been opened by Police after a boy (9) was found dead next to his bicycle in a Denneburg Street.

'n GROEP van sowat 350 inwoners van Fairyland en Zakazwane (Wyk 27) in Paarl-Oos het Woensdag 'n optog na die Paarlse Burgersentrum gehou om huise te eis.

'n Memorandum aan die munisipale bestuurder, Jacques Carstens, is oorhandig aan 'n amptenaar.

Die onmin handel oor mense met informele behuising in Wyk 27 wat aanspraak maak op die geboude steenhuise.

Die eerste eis ingevolge die memorandum is dat die raadslid vir Wyk 27, Emma Classen (ANC), onmiddellik van haar pos onthef word.

Hulle het reeds in 'n vorige skrywe aan die munisipaliteit gekla dat raadslid Classen nie reageer op hul versoeke vir 'n vergadering nie.

Hulle vra verder dat die aksiekomitee vir Wyk 27, wat volgens hulle op 'n demokratiese wyse verkies is, onmiddellik as die wykskomitee geregistreer word.

Sanitasie

Daar word ook beswaar gemaak teen die moontlikheid dat mense wat informele behuising in Wyk 26 het, na die geboude huise in Wyk 27 verskuif word.

Die laaste klagte gaan oor die swak sanitêre geriewe by die informele nedersetting, Zakazwane, in Wyk 27.

"Swak onderhoud hou 'n gesondheidsprobleem in wat aan die deur van die munisipaliteit gelê sal word".

Die komitee pleit dat hierdie saak gou moet opgelos word, omdat spanning hoog loop.

* An angry group of squatters marched on the Paarl civic centre to demand allocation of brick houses adjacent to Fairyland.

DIT is nou al meer as halfpad deur die winter, en steeds bly goeie, langdurige reën weg, ná 'n somer waar die kwik by die 45 grade gedraai het.

Geen wonder dat die Departement van Waterwese na verwagting binnekort waterbeperkings sal instel nie.

Vandeesweek het Rashied Khan, direkteur van Waterwese, met verskeie munisipale amptenare en boere vergader om die kommerwekkende vlak van damme te bespreek.

Die Wemmershoekdam is tans 43.3% vol teenoor 36,2% dieselfde tyd verlede jaar, maar ander damme is baie laer.

Daar is kommer oor die vlak van die damme omdat min reën vir die res van die winter voorspel word. In 2002 was die Wemmershoekdam in Julie 68% vol en in 2001 was dit 91% vol in Julie.

Reën word vir vandag en die naweek voorspel, maar daar word gevrees dat dit te min sal wees om damvlakke aanmerklik te laat styg.

Volgens Khan moet waterreserwes, soos ondergrondse bronne, slim en spaarsamig gebruik word.

"Ons moet poog om soveel water as moontlik, sowat 10%, te bespaar deur minder water te mors."

'n Besluit oor beperkings sal waarskynlik geneem word na die einde van Julie, by die volgende vergadering op 3 Augustus.

Hanré Blignaut, waterwerke-ingenieur van Drakenstein Munisipaliteit, sê: "Dit lyk nie goed nie. Watergebruik moet verminder word deur waterbeperkings as ons nie binnekort goeie reën kry nie," sê hy.

Volgens Blignaut sal veral op tuinbesproeiing klem gelê word: "Beperkings op natlei van tuine en motors met tuinslange was kan verwag word".

'n Plaaslike boer, Billy Bourbon Leftley, wat ook die vergadering bygewoon het, meen as dit nie gou reën nie sal boere wat water uit die Bergrivier pomp, in die moeilikheid wees.

"Die damme is onderkant die vlakke wat dit moet wees en almal moet nou skouer aan die wiel sit met besparingsmaatreëls," waarsku hy.

Dorpenaars kan huishoudelike water bespaar deur bakstene in die toiletbak te sit en motors met die hand te was.

Klimaatkenners skryf die verskynsel van droë winters aan aardverhitting toe, en meen dit sal voortduur in die toekoms.

* Water restrictions are feared unless good rain falls soon.

SPOORSNYERS het verlede week op twee gesteelde beeste in Mbekweni afgekom nadat hulle die spoor vir amper 20 kilometers uit Agter-Paarl gevolg het.

Die twee jong bulle, een nog met die diewe se trektou om sy horings, was erg getraumatiseer. Die oorblyfsels van 'n derde bul is op die walle van die Bergrivier ontdek, waar hy geslag is.

Marius Jacobs en sy span van die Agter-Paarl Plaaswag het Woensdagoggend gemerk dat drade op Tikkie Briers-Louw se plaas Caledonville geknip is.

Hulle het op die spoor teruggeloop en vasgestel dat ses bulle uit 'n kamp by die buurplaas gesteel is.

Die diewe het op Briers-Louw se plaas alleen 12 skeidingsdrade geknip voordat hulle hul pad deur die Boland Landbouskoolgronde oopgebreek het.

Daarvandaan het hulle die drie bulle (drie het langs die pad agtergebly) oor nog 'n plaas gejaag en toe deur 'n duikweg onder die R44 by Windmeul.

Die beeste is verder deur 'n olyfboord aangejaag en by die Malmesbury-Wellington vierrigtingstop weer oor die teerpad.

Vandaar is hulle met hul buit tussen wingerde deur. Teen die Bergrivier het hulle suid geswenk tot by Nieuwedriftplaas waar die beeste deur die Bergrivier gejaag is na die plakkerswonings langs Drommedarisstraat.

Die drie bulletjies is aan 'n boom vasgemaak waar een dieselfde nag geslag is. Die ander twee is die volgende dag daar deur beesboere  ontdek.

"Ons het hulle saam met ons beeste geneem," vertel Ernest Klaaste. "Ons het die polisie in kennis gestel dat hulle weet as iemand hul beeste soek."

Intussen was Jacobs op die spoor van die diewe. Vrydagoggend het hulle die twee bulle in die beeskampe agter Vlakkeland gekry en twee verdagtes is later in hegtenis geneem.

Die vermeende veediewe, inwoners van Drommedarisstraat, was in diens van Marcel de Reuck, eienaar van die 18maande-oue Friesbulle wat elk sowat R2500 werd is.

Briers-Louw, een van die boere wat die meeste onder veediewe deurloop, het met sy beestrok die gesteelde bulle vir sy buurman gaan haal.

"Dit was nou 'n tyd lank stiller, maar die stelery het weer begin," het Jacobs gesê. "Hulle steel gewoonlik in die middel van die week, maar veral Donderdagnagte, want dan is die vleis reg vir verkoop Vrydae."

* Stolen cattle have been recovered by trackers.

REVELLERS found themselves out in the cold in Mbekweni at the weekend with police targeting taverns and had the doors barred to customers.

At Luhawo's in Phokeng Street, owner Nomdomiso Gala's daughter was arrested on Saturday and the business closed for the night.

Mbekweni has five licensed taverns, including that of former detective Gala, who obtained the license in 1990.

He was fined at the weekend for contravening his licence conditions by allowing patrons to drink outside the tavern. Investigators found crushed Mandrax and dagga abandoned on the premises.

Two weeks ago an attempted murder investigation was launched after a shooting at the tavern.

In another operation police confiscated 184 parcels and 90 "stoppe" dagga at 4 Crosney Street, Newton and arrested the owner, Koos Heyns.

More than 20 Mandrax tablets, 24 dagga "stoppe" and four rounds of ammunition were found abandoned at dwellings in V-Block 147 and 148. Ayanda Kolhlakala was arrested.

[ Top ]

[ Top ]