 |
|
|
|
|
|
|
|
|
|
|
|
|
|
|
|
|
|
|
|
|
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Thursday 23 September 2004 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
This site will be updated on 30 September 2004 at 17:30 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
[ Top ] |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
DIE Paarlse rolstoelatleet, Ernst van Dyk, is Dinsdag van 'n gewisse goue medalje beroof tydens die finaal van die 1500m by die Paralimpiese Spele in Athene. Van Dyk wat van die staanspoor af die pas aangegee het, is sowat 200m voor die eindstreep deur die Meksikaan, Saul Mendoza, van die buite baan af afgesny. Die voorval het veroorsaak dat die linkerwiel van Van Dyk se stoel die grond verlaat. Hy moes inderhaas plek maak om te keer dat hy omslaan en het in die proses waardevolle tyd verloor. |
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
VOLSPOED. Die rolstoelatleet, Ernst van Dyk, in aksie tydens die 1500m semi-finaal van die 2004 Paralimpiese Spele in Athene, Griekeland. Van Dyk het 'n silwer verower in die 1500m finaal. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Die Paarliet het egter gedetermineerd agter die Meksikaan aangejaag en die agterstand merkwaardig ingehaal maar moes nietemin met die tweede plek tevrede wees. Van Dyk, wat die wedren in 3:05,29 voltooi het teenoor Mendoza se 3:04,88, het eers appèl aangeteken teen die Meksikaan se taktiek, maar dit later teruggetrek. "Ag wat, silwer is ook goed. Ek is gelukkig daarmee," het Van Dyk gesê. "My hoofwedren is die 400m en ek gaan ook voluit vir die marathon. Wat ookal tussenin gebeur is 'n bonus," het die Suid-Afrikaner gesê wat in top vorm lyk by vanjaar se Spele. Van Dyk het gister aan die 5000m uitdun, 400m uitdun en 400m semi-finale deelgeneem. Vandag pak hy die 400m finaal, wat volgens Van Dyk, gelykstaande is aan die 100m naellope vir gewone atlete. Hy poog om môre vir die 800m te kwalifiseer, en ook sy slag te wys in die 5000m finaal. Die finaal van die 800m is Saterdag met die marathon wat Sondag plaasvind. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
|
|
DIE krieketseisoen het nog nie eers begin nie, maar die Boland Amateur krieketspan spog al klaar met 'n trofee in hul vertoonkas. Die Bolanders het die naweek hul voorseisoense voorbereiding op 'n hoë noot begin toe hulle die PYZ Uitdaagreeks op Oudtshoorn gewen het. Die span van die Paarl het eers met SWD en daarna met die WP afgereken. Boland het 245/9 aangeteken in hul toegelate 50 beurte teen die Suid-Kapenaars. Wimpie Louw wat verlede seisoen in die Boland B-span uitgeblink het, was die voorste lopiemaker met 104. Dié toporde-kolwer wat tans vir Maties speel, lyk na een van die spelers wat vanjaar tot sy volle reg gaan kom in die provinsiale span. Louw se foutlose beurt waarin hy die veldwerkers geen kans gegee het nie, is goed ondersteun deur Warren Swan (38), Wian Smit (28) en Rupert Bailey (30). Die SWD is tot 207/7 in hul 50 beurte beperk wat die Boland 'n sege van 38 lopies besorg het. Young Peoples se Brendan Adams (twee paaltjies), Waylin September (Paarl-Oos Krieketklub), Christo Ritter en Pepler Sandri (albei van Maties) het die paaltjies ingeoes. Die volgende dag se wedstryd teen die WP het heelwat minder lopies opgelewer, nogtans het sake steeds in die Boland se guns geval. Boland kry weer kans om eerste te kolf en behaal 174 met die laaste paaltjie wat in die finale boulbeurt val. Hoewel die twee spanne mekaar op dieselfde veld gespeel het, was dit 'n ander kolfblad. Wian Smit en Rupert Bailey het albei goed gelyk met tellings van 51, terwyl Adams ook 'n waardevolle 20 bygedra het. Sake het klopdisselboom verloop met die telling op 90/1. 'n Paar beurte later was dit 'n heel ander storie nadat Louw, Swan en Bobby Nicholson aldrie vir 'n nulletjie uitgehaal is met die telling op 100/4. Die ineenstorting tesame met twee uithardlope het die Bolanders se momentum erg versteur en hulle kon nie weer op dreef kom nie. Die WP-manne het egter nog meer gesukkel en is danksy die goeie draaiboulwerk van September (drie paaltjies) en Adams (twee) reeds in die 40ste beurt op 89 uitgehaal. "Ek wil op die stadium nie te krities wees nie. Ons het die probleemareas geïdentifiseer en daaraan gewerk. "Ons boulwerk was baie beter teen die WP as teen SWD," het die Boland-afrigter, Salieg Nackerdien vandeesweek gesê. "Ek is bly dat drie van my top ses kolwers in die wedstryde genoegsame tyd in die middel kon deurbring." Die Boland-groep bestaan tans uit 18 spelers. Die twee nuwe gesigte onder die klomp is Ryno Arendse en Rupert Bailey. Arendse het verlede jaar nog vir die Vrystaat gespeel, terwyl Bailey, 'n openingskolwer en 'n oud-Bolander, vir die afgelope vier jaar eers vir Oostelikes en toe vir Noordweste gespeel het. Chad Baxter wat in Engeland krieket gespeel het, moet nog by die groep aansluit. Volgens Nackerdien is klubkrieketwedstryde van kardinale belang in die nuwe formaat van die provinsiale spel. "Daar is nie meer 'n Boland B-span waar die spelers hul koppe kan regkry nie. "Hulle moet reeds in die klubwedstryd leer om gefokus te bly in hul spel, sodat wanneer hulle in die Boland-span opgeneem word hulle reeds daardie vlak van konsentrasie kan handhaaf." Hy voeg by dat vanjaar se fokuspunt bestendigheid onder sy kolwers is en om die span as 'n eenheid te laat saamwerk. Die Boland-span speel môre weer teen die WP in die tradisionele Uitdaagbeker-wedstryd op Hermanus waar dit deel vorm van die Walvisfees. Die WP/Boland Franschise- span speel die naweek in 'n tweedagwedstryd teen die WP ook op Hermanus. Die Franschise-span speel dan op 29 en 30 September teen Boland op Worcester. Die Boland-span is: Rupert Bailey, Wian Smit, Ryno Arendse, Wimpie Louw, Warren Swan, Brendan Adams, Malcolm Stuurman (w), Sean Philips, Willem du Toit, Bardo Fransman en Pepler Sandri. |
|
|
|
|
|
THE Boland Dog Training Club recently celebrated the provincial success of one of their youngest stars. Michelle Turner received full colours from La Rochelle Girls' High for her achievements with her dog, Zita, over the last few years. The 17-year-old is also the first member of the Boland Dog Training Club in twenty years to get her full provincial colours in both Agility and Dog Jumping. Michelle also qualified as an agility judge in February and as a Fly Ball Judge in June. She has already judged at two shows in each discipline. As an Agility Judge she has to design the course in three levels of difficulty for the three grades of dogs competing, and judge the competitors. Michelle and Zita obtained their Full Agility colours this year. La Rochelle is one of the first schools to recognize this sport for full provincial colours and Michelle was the first recipient to get her full colours blazer. |
|
|
|
|
|
MENS kon verskoon word as jy gedink het Saterdag se ligte donderweer was die gesamentlik sug van verligting van die Young Peoples Rugbyklub se skare. Die Tiere het Saterdagmiddag op Faurestraat Stadion met hand en tand baklei om hul plek in die WP se eerste liga te behou. 'n Missie wat hulle met klas uitgevoer het toe hulle vir Paarl in hul laaste ligawedstryd 36-16 geklop het. Peoples se vyf drieë het dan ook verseker dat hulle met maksimum punte die sege behaal het, terwyl Silvertree se naelskraapse 27-24 oorwinning oor Hamlets die res van die sake op die punteleer in die Tiere se guns laat swaai het. Peoples het van die afskop af gewys dat hulle nie van plan was om die wedstryd te verloor nie en Paarl dadelik op die agtervoet gedwing. Die besoekers se voorspelers met die stut, Brian Williams, aan die spits het die Paarl-pak stukkend gedryf. Die Peoples-pak het twee vaskoppe gehaak en ook vier van Paarl se lynstaanballe afgeneem. Agterlangs het Peoples se kaptein, skrumskakel Barry Williams, sy verjaarsdag met 'n puik vertoning gevier, terwyl die heelagter, Ben Martin, uiteindelik sy hope potensiaal ten volle tentoongestel het. Enige hoop van Paarl om weer 'n sê te hê in die wedstryd is deur vuilspel beduiwel toe twee van sy spelers met geelkaarte beboet is. Die Paarl het getrou aan sy skare tot op die laaste bly veg en moedig Peoples se doellyn bly aanval. Die tuisspan se drieë is deur Marco Martin en Matthys Bothma. Jacques Hendricks het twee strafskoppe oorgesit. 'n Mate van oorgretigheid aan albei kante was ook die bron van heelwat onnodige hanteerfoute. Die Tiere se drieë is deur Glenvor Kimber, Barry Williams, Brian Williams, Leon Williams en Francois Manual gedruk. Ben Martin was in die kol met vier doelskoppe en een strafdoel. Dit was voorwaar 'n grootste spanpoging deur die Peoples-spelers in wat beslis een van hul beste wedstryde van die jaar was. Menige ondersteuner sal egter wonder hoekom dié span nie heel jaar so kon speel nie. Peoples eindig nou in die agste posisie met 38 punte, met Paarl in die sesde plek met 40 punte. |
|
|
|
|
|
DIE Boland-span wat vanjaar aan die SA Landloopkampioenskappe deelgeneem het, het 'n groot verbetering getoon as dit vergelyk word met verlede jaar se uitslae. Vir die eerste keer in baie jare kon die Boland twee medaljes verower terwyl daar 'n merkbare verbetering was in die standaard van die prestasies in al die ander ouderdomsgroepe. Antonio May van Dalweide Primêr het 'n silwermedalje gewen in die wedloop vir 13-jariges. Sy prestasie het ook daartoe bygedra dat sy span die bronsmedalje kon wen in die spankompetisie. Die meisies in die kompetisie vir 10-jarige atlete het ook besonder goed gevaar. Yvonne van Wyk van Ronwe Primêr het amper 'n medalje gewen maar moes tevrede wees met 'n goeie vyfde posisie. Yvonne se prestasie het ook daartoe bygedra dat die meisiespan vyfde kon eindig in hul kompetisie. Die standaard in dié wedloop was besonder hoog met 129 van die land se beste atlete wat hier deelgeneem het. Dit is veral die plaasskole in die Boland wat uitgeblink het dié seisoen. Atlete van die primêre skole Lynedoch, Wagenmakers Vallei, Dalweide, Montrouge, Klaasvoogd, Ronwe en Devon Valley is vanjaar in die Boland-span opgeneem. Daar sal in die komende seisoen baie meer beplanning gedoen word rondom kompetisiegeleenthede vir plaasskole. |
|||||
|
|
|
|
||
|
|||||
|
|
|
[ Top ] |