 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
||||||||||||
 |
||||||||||||
|
|
|
|
|
|
|
|
|
|
|
|
|
 |
||||||||||||
|
Thursday 23 October 2003 |
||||||||||||
|
||||||||||||
|
This site will be updated on 31 Octcber 2003 at 17:00 |
||||||||||||
|
|
|
|
|
|
|
|
|
|
DIE eienaar van Pacmar-vrugtesapverpakkers, Kabous Marra, is verlede week deur die Sakekamer aangewys as Wellington se Sakepersoon van die Jaar. Pacmar het in 1996 in 'n nederige skuurtjie begin en is vandag die grootste kontrakverpakker van langlewe-vrugtesap in Suid-Afrika. Die multimiljoenrandbesigheid produseer 24 uur per dag, ses dae per week 'n produksie van 38 miljoen liter per jaar met 153 werknemers. Pacmar beskik vandag oor die bekende plaaslike handelsmerke Wilde, Amazing en Crystal Falls en Bioes en Bio Green vir die uitvoermark. Kabous self glo aan die sleutelemente kwaliteit, verhoudings, diens en prys, asook ondersteuning van die plaaslike gemeenskap. |
|
|
|
|
|
SEDERT 1998 het die Franschhoek Belgiese Trust die opleiding van 647 mense in die gasvryheidsbedryf geborg, insluitende 237 kelners, 91 gasvryheidsleerlinge, 223 huishoudsters, 64 in basiese kombuisvaardighede en 30 kokke en hotelbestuursleerlinge. Volgende jaar hoop hulle om 'n verdere 400 mense op te lei wat die totaal opgeleide mense amper op 1000 te staan bring. "Promise Gadjula", 'n daklose van die Oos-Kaap, was van die eerste leerlinge wat die kelnerkursus bygewoon het. Hy is daarna opgeraap deur Haute Cabriere in Franschhoek. Dit was nie lank voor hy besluit het hy wil kok raak nie. Nadat hy sy driejaarkursus voltooi het, is hy bevorder tot die pos van sous-chef by die restaurant. Terselfdertyd is hy benoem as junior lid van die Suid-Afrikaanse Olimpiese Chefspan. Vroeër vanjaar het hy Kaapstad toe getrek vir 'n senior kok posisie, waar hy noodlottig gewond is in sy huis deur rowers. "Dit was 'n groot skok", sê Matthew Gordon van Haute Cabriere, "en 'n tragiese vermorsing van uitstaande talent". |
|
|
|
|
|
DISTELL, die land se voorste wyn en spiritualieë-maatskappy , het onlangs by WIETA aangesluit wat 'n kode vir aanvaarbare arbeids- en omgewingspraktyke in boerdery neerlê. Die vereniging is deur van die grootste Britse kleinhandelkettings van stapel gestuur om die versekering aan verbruikers te gee dat produkte nie uit 'n agtergrond van ongewenste arbeids- of omgewings-praktyke kom nie. "Verbruikers wil produkte koop wat aanvaarbaar is, so ook kleinhandelaars," sê Jan Scannell, hoof van Distell. WIETA se gedragskode bevat 'n samevatting van kern-regulasies wat vervat is in verskeie wette. Dit dek aspekte soos die verbod op kinderarbeid en dwangarbeid; en die bevordering van 'n veilige en gesonde werksomgewing. Distell het reeds begin met 'n oudit van sy eie wynplase, en daar is ook begin om die etiese kode aan verskaffers bekend te stel. "Ons is bly dat 'n groot meerderheid van ons plase en verskaffers reeds die gedragskode nakom. Waar 'n boer nog nie ten volle aan die vereistes voldoen nie, sal Distell met dié verskaffer saamwerk om regstellende stappe in te stel. "Distell ondersteun WIP se doelwitte ten volle om SA se internasionale wynstatus te verbeter, om gelyke toegang regdeur die wynwaardeketting te ontwikkel, om omgewingsvriendelike, volhoubare produksiestelsels aan te help en om die verantwoordelike gebruik van wynprodukte te bevorder," sê Scannell. Hy het onlangs met wynboere in die Boland, die Weskus en in die Klein Karoo gesprek gevoer. |
|
|
|
|
|
|
|
|
||
|
DRIE internasionale sprekers is deur die Suid-Afrikaanse Wingerd- en Wynkunde Vereniging (SAWWV) genooi om aan vanjaar se kongres, wat van 5 tot 7 November by die Lord Charles Hotel in Somerset-Wes aangebied word, deel te neem. Prof Larry Lockshin (Direkteur van die Wynbemarking Navorsingsgroep, Universiteit van Suid-Australië) sal op 5 November praat in 'n werkswinkel oor winsgewende verbouing en bereiding van wyne vir spesifieke wynmarkte. Donderdag 6 November sal aan wingerdkundige onderwerpe gewy word. Die dag skop af met 'n werkswinkel oor "Optimale Rypheid" waar prof Alain Deloire (wêreldbekende wingerdkundige van ENSA, Montpellier, Frankryk) optree. Wynkundige onderwerpe sal op Vrydag 7 November bespreek word. 'n Werkswinkel oor "Mikro-oksigenase" met prof Thierry Lemaire (spesialis op hierdie gebied vanaf Frankryk), sal gevolg word deur 'n wynproe oor hierdie onderwerp. Dr Don Allen (Nasionale Bestuurder, Air Liquide, Australië) sal ook tydens die werkswinkel optree. Benewens die mondelinge referate, sal meer as 26 plakkaatreferate ook aangebied word. Die kongres sluit af op Vrydagaand 7 November met die tradisionele dineedans. Navrae by 809-3123 of melinda@infruit.agric.za. |
|||||
|
|||||