Thursday 23 October 2003

This site will be updated on 31 Octcber  2003 at 17:00

Nuus - News

• Mes-skok
• Perde aangeval
• Skok oor aanval op munisipale hoof
• Killed by robbers
• Eerste wykskomitees gekies
• Rooftog gefnuik

Haar liggaampie is op 'n bed in die slaapkamer neergelê kort voordat haar ma om 19:00 van inkopies uit die dorp teruggekeer het.

'n Bybel in die doodskamer was oopgeblaai by die tekste oor die offering van Abraham se seun, Izak.

Willem Mouers (34) word aangehou vir die moord op sy enigste dogter.

Lisa Morris (26) van La Motte Bosbou buite Franschhoek het verlede week Dinsdag gesterf kort nadat sy 'n driejaarlange verhouding verbreek het.

Haar ouers het die hulp van die polisie ingeroep om die deur van haar voormalige vriend se woning in hul tuin oop te breek.

'n Polisieman het op haar liggaam afgekom. Sy was verwurg en haar keel en polse met 'n matmes gesny.

David Davids (31), 'n naambordskilder, is in hegtenis geneem. Hy doen môre in die Paarl Landdroshof aansoek om borgtog.

Lisa word oorleef deur haar vyfjarige dogter (nog foto's en berigte op bl 2).

*A mother and a little girl have been murdered by the men in their lives

word. Hy het ondersoek ingestel en twee seuns, onderskeidelik so agt en 14 jaar oud, in die perdekamp verras.

Die hooivurk en 'n bebloede graaf uit die voerkamer is neergegooi voordat die kinders teen die berghang af verdwyn het.

'n Veearts is dadelik ontbied om na die perde om te sien. Hulle moes verskeie inspuitings kry en die ergste wonde moes met steke geheg word.

Die volgende dag het die vosmerrie, Sadam Sultani (3), en die swart merrie, Sadam Nabiha (4), op stal gebly terwyl die 14-jarige skimmelmerrie, Gay El Ruta, in die kamp uitgelaat is.

Daardie middag was daar weer 'n lawaai by die kamp. Weer is dieselfde twee kinders, asook 'n derde ouer seun, daar verras.

Toe was hulle besig om die ouer perd met klippe te gooi sodat sy byna teen die afgrond afgetuimel het.

Weer het die seuns ontsnap en die hulp van die polisie se spoorsnyers is ingeroep. Dit was egter nie moontlik om die spoor verder as die teerpad te volg nie.

Die perde se sagte oë blink nou wit en wantrouig. 'n Week lank is daar vir hul gesondheid gevrees terwyl hulle geswel, mank en styf deur Narine en die stalman, Marthinus Cornelissen, vertroetel is.

Ná opvolginspuitings en dreinering van vog uit die wonde, en nou antibiotikapille, glo Narine hierdie week haar perde is oor die ergste.

'n Beloning word uitgeloof vir inligting wat kan help om die booswigte op te spoor. Skakel Narine Troost by 082-458-8284.

* Youths attacked horses at a smallholding on the slope of Paarl Mountain

'n GEVOEL van verslaentheid het vandeesweek by die Drakenstein Munisipaliteit geheers ná 'n berig in 'n Kaapse weekblad oor beweerde bedrog deur die munisipale bestuurder, wat die politieke binnegevegte in die 'Vaal'-gebou tot in die openbare oog geruk het.

Die kern van die saak is 'n langdiensbonus wat aan Munisipale Bestuurder, Jacques Carstens, uitbetaal is en daarmee gepaard die interpretasie van sy dienskontrak met die Drakenstein Stadsraad.

Carstens, voorheen stadsklerk van Wellington, is in Desember 2000 as interim-bestuurder van die nuwe Drakenstein Munisipaliteit aangestel. In Augustus 2001 is die aanstelling permanent gemaak.

In November 2001 het die personeelafdeling hom ingelig dat hy kwalifiseer vir langdiens-erkenning, omdat hy 15 jaar munisipale diens voltooi het. 

Carstens het die keuse gehad om 28 dae verlof te neem, of dat die kontantwaarde aan hom uitbetaal word. Hy het op die geld besluit, wat op 'n brutobedrag van R24 066 te staan gekom het. 

'n Paar maande later het amptenare gevind dit was 'n administratiewe fout, aangesien die verlof, opgebou gedurende sy diens op Wellington, nie vir uitbetaling kwalifiseer nie.  

Daar word verwys na klousule 28 van sy kontrak: "Dit is 'n spesifieke bepaling van hierdie ooreenkoms dat geen tydperk van indiensneming van die werknemer by 'n ander werkgewer sal tel tot sy indiensneming by die werkgewer." 

Maar in klousule 23 word ook bepaal dat ongebruikte verlof wel van Wellington na Drakenstein oorgedra word. 

Carstens het nooit bedank by Wellington nie, maar is slegs soos ander personeellede van die voormalige Wellington Munisipaliteit, opgeneem in Drakenstein Munisipaliteit.

Carstens het die saak met die destydse Burgemeester, Chris Leander, bespreek en dit is aan die Raad vir kondonering voorgelê.

Hulle kon nie tot uitsluitsel kom nie en Carstens het besluit om die geld terug te betaal. 

Nadat hy en finansiële bestuurder, Hennie Barnard, met die Inkomstekantoor beraadslaag het, het hy R14 439 terugbetaal, die netto-bedrag wat hy ontvang het na belastingaftrekking.

Intussen is die saak ook na die uitvoerende komitee verwys en die prokureurs Van der Spuy & Vennote is genader vir 'n regsopinie. Hulle het bevind dat Carstens, na hulle mening, nie geregtig is op die geld nie.

Daar is die saak skynbaar gelaat, tot 'n paar weke gelede, toe 'n lid van die Burgemeesterskomitee die Speaker versoek het om die saak te ondersoek.

Die Speaker het Chennells Albertyn Prokureurs aangestel - dit is skynbaar 'n omstrede besluit, sonder 'n amptelike raadsbesluit.

Die wet bepaal dat slegs die Uitvoerende Burgemeester 'n ondersoek kan doen na die Munisipale Bestuurder, en dan ook net met die toestemming van die volle Stadsraad. 

Die saak sou weer Dinsdag voor die Uitvoerende Burgemeesterskomitee dien, waar daar gedebatteer sou word oor die vermoedelik verkeerde hantering van die saak deur die Speaker, Kilion Cekiso (ANC).

Daar sou waarskynlik ook aanbeveel gewees het dat 'n derde regsfirma die saak moet ondersoek.

Die belangrike vergadering kon egter nie plaasvind nie, aangesien daar nie 'n kworum was nie, nadat 'n ANC-raadslid nie opgedaag het nie.

Intussen het Carstens regshulp oor die saak ingewin.  

Aanduidings is dat hy 'n dispuut teen die werkgewer (Drakenstein Stadsraad) gaan verklaar, onder meer weens die uitlek van vertroulike inligting na die pers.

'n Lastersaak teen die betrokke koerant word ook oorweeg.

Die Demokratiese Alliansie (DA) sê in 'n skrywe aan die Burgemeester hulle het ernstige bedenkinge oor die regsgronde en die motiewe onderliggend aan die besluit van die Burgemeesterskomitee om 'n dissiplinêre ondersoek teen die Munisipale Bestuurder in te stel.

Indien dit later sou blyk dat die DA se bedenkinge geregverdig was, sal die DA daarop aandring dat die Uitvoerende Burgemeester en sy komitee verantwoordelik gehou word vir enige kostes en uitgawes verbonde aan sodanige dissiplinêre ondersoek.Voorts is die Uitvoerende Burgemeester versoek om 'n openbare apologie in die pers te plaas waarin Carstens se reputasie en naam in die gemeenskap herstel word.

* The DA has demanded an apology from the mayor over accusations against the municipal manager.

A WOMAN on her way to work died in a hail of robbers' bullets in Mbekweni yesterday.

Vivian Dyusthu (34) of Fairyland was sitting in the rear of a bread delivery vehicle at 06:00 when robbers opened fire.

An Oude Stal Bakery driver had collected employees in Paarl East and Fairyland before he stopped at a café in Phola Park to deliver bread.

Three employees were in the rear of the pick-up truck, under a windowless canopy, when the truck was driven from the Love Life Church café.

Suddenly three men appeared in the street ahead of him. The woman employee on the passenger seat screamed, and the driver accelerated towards the armed men.They jumped clear and started firing at the truck.

As soon as he thought it safe, the truckdriver stopped and opened the rear doors.

He found one of the women with a serious chest wound and immediately raced to the Paarl Hospital. Dyusthu was dead on arrival.

Police believe a 9mm pistol was used in the attempted robbery.

A reward is being offered for information leading to a successful arrest. The investigating officer is Insp Jacques Coetzee (807-4000).

DIE eerste wykskomitees vir Franschhoek is verlede week ingevolge die nuwe Uitvoerende Burgemeesterstelsel aangewys.

Die komitee vir Wyk 1 bestaan uit Wanda Lindami, Elizabeth Siebritz, Ruty Morgan, Constance Zazaza, Anton Myburgh, L Kleinsmidt, Simon Malherbe, N Nikani, Stephen de Wet en Peter Maziko,

Die komitee vir Wyk 2 bestaan uit Arenda Jefthas, Katie August, Charmaine Jacobs, Moos Daniels, Mervin Snyders, Christopher Boonzaaier, Hilda de Jager, Ferrentia September, Julyan Hendricks en Erica Williams.

* Klapmuts se komitee word Maandagaand 19:00 aangewys by Klapmuts-skoolsaal, en nominasies uit gemeenskapsorganisasies moet môremiddag voor 16:00 ingedien word by die kliniek of Maandag voor 09:00 by die Stellenbosse Munisipaliteit.

Elke wykskomitee bestaan uit tien lede, en sal drie tot vier keer per jaar vergader om die betrokke raadslid te adviseer.

Die komitees bied 'n formele forum vir gemeenskapsleiers en organisasies om hul betrokke raadslid te adviseer en te versoek om sake onder die Munisipaliteit se aandag te bring.

Belastingbetalersverenigings en gemeenskapsorganisasies wat die belange van vroue, die jeug, sport, opvoeding, kultuur, gesondheid, die omgewing en besigheid bevorder, kan elk 'n verteenwoordiger tot die komitee benoem.

Lidmaatskap van die komitees is vrywillig (sonder vergoeding) vir twee jaar of tot die volgende verkiesing.Voornemende lede moet geregistreerde kiesers in die betrokke wyk wees en mag nie munisipale skuld hê nie.

Vir navrae, skakel Nicky Ceasar by 908-8286.

'n SPEURDER rus nooit regtig nie, en beslis nie as hy op sy afdag die blink van 'n pistoolloop by 'n vulstasie sien nie.

Toé weet Paarlse speur-insp Victor Carolus sommer - hier's moeilikheid by Droomers in Wellington se Hoofstraat.

"Ek het in my motor in Pentzstraat gesit terwyl my seun 'n koeldrank gekoop het toe ek die wit VW bakkie opmerk.

"Die bakkie het sommer so teen die verkeerslig geparkeer. Twee jong mans het uitgeklim en in die rigting van die vulstasie in die Hoofstraat gestap.

"Toe ek weer sien, toe hardloop hulle terug na die motor. Dis toe dat ek die blink van 'n pistool sien."

Carolus het dadelik Wellington se polisiemanne met 'n registrasienommer en beskrywing in die regte rigting kon stuur.

Die bakkie is binne vyf minute in Kweekstraat opgespoor. Twee mans is aangehou, en beslag is gelê op 'n 9mm pistool en kontant.

Jason Watson (25) en Shane Peterson (19) van Desmorestraat 23 het reeds in die Wellington landdroshof verskyn.

Hulle word daarvan aangekla dat hulle die twee petroljoggies Sondagaand net na 21:00 met 'n vuurwapen aangehou en van R600 beroof het.