|
'n GROOT vermaaklikheidspan besoek Wellington op Saterdag 29 November en Paarl op 4 Desember as deel van Nokia se Suid-Afrikaanse toer op soek na die onontdekte talent van die land.
Dit behels enigiets van kunstenaarskap, stories, die wysheid van die oudste burgers en die kreatiewe entrepreneur wat 'n unieke Suid-Afrikaanse handwerk skep.
Individue of groepe wat wil deelneem aan die Nokia Roadshow wat op 4 Desember op die Kraal-terrein in die Paarl plaasvind, moet Chrissie Brink kontak by 862-3690 (w) 862-2957 (w) of 072-344-2913 of admin@pjoubertps.wcape.school.za teen 23 Oktober vir die oudisies op 3 November.
Stalletjies vir leerders en kerk- of liefdadigheidsorganisasies is beskikbaar teen R15.
Mense wat as koördineerders op vrywillige basis vir sekere afdelings wil optree, word ook benodig.
Kontak Cecil Cupido by die HOP-kantoor, tel 862-2889, faks 862-2888 of e-pos drakensteinrdp @lando.co.za.
Vir algemene inligting, kontak Paarl Toerisme tel 872-4842 faks 872-9376 of paarl@cis.co.za.
* Talented youths must apply today for local auditions to star in the Nokia Road Show. |
