Thursday 25 March 2004

This site will be updated on 1 April  2004 at 17:30

Nuus - News

• Honde-aanval
• Maats verdrink saam
• Protea se gordyn sak
• 'Lack of control' in municipal finances
• Bewaarders in tronk aangeval

Honde-aanval

[ Top ]

Malané Bosman

VRYDAGAAND het Maureen Vanneel gelukkig, met 'n pragtige vel en netjiese klere, in Chicago na haar ouerhuis gestap. Sy het nie geweet dat sy binne minute by die dood sou omdraai nie.

Kort na middernag het Maureen (23) in 'n hospitaalbed gelê.

Haar tenger liggaam was bebloed en vol gate geskeur en haar vel geskend met

GEBYT. Erge bytwonde oral oor Maureen Vanneel se lyf word behandel in die Paarl Hospitaal.

tandmerke van die drie Pitbull Terriërs wat haar aangeval het.

"As hulle vasbyt, voel jy niks, maar as die kake oopgaan en hulle tande trek uit jou vleis, dan kom die verskriklikste brandpyn," het Maureen die aanval onthou.

Die gapende wonde is te groot om geheg te word, sê sy. En dit moet oop bly om elke dag in die hospitaal ontsmet te word.

Maureen het Vrydagnag van Springbokwoonstelle gestap na haar ouerhuis in Blesbokstraat.

"Ek het tussen hokke deurgekom en toe oor 'n oop grondjie langs die Vryheidspark gestap toe ek die geblaf gehoor het.

"Daar is baie honde in die hokke en ek het nie aandag gegee nie. Dit was donker, met net 'n spreilig oor die parkie.

"Toe ek 'n geknor hoor, het ek opgekyk. Teen die spreilig het ek 'n stofwolk gesien soos die honde op my afgestorm het.

"Toe is hulle op my. Ek het baklei en geskree, maar hulle het my aan my hare gesleep. Ek het vir my gesig en my nek gekeer terwyl hulle aan my arms en bene gebyt en geruk het.

"Dit het soos 'n ewigheid gevoel voor mense by die huise uitgekom het en die honde verwilder het."

Maureen het haarself teen 'n hok opgetrek en bebloed en in skok gewag totdat 'n familielid haar kon hospitaal toe neem.

"Die dokter het gesê as ek nie so sterk was nie, was ek dood."

Een van die honde-eienaars, Gavin Qupa van Springbokstraat 58C, het Maureen en haar moeder besoek.

"Hy wil weet of ek 'n saak gaan maak en of hy die mediese koste kan dra, maar ek weet nie wat om te doen nie. Hy sê die honde is vir hom 'n inkomste."

Maureen se moeder, Angela, is baie ontsteld oor die voorval: "Dis 'n wonderwerk dat my kind lewe."

Inwoners van die omgewing het ontevrede vertel hoe honde al daar kinders gebyt en vir hondegevegte gebruik word.

Qupa se hond, Tripple H, staan weer soos voor die aanval aan 'n ketting vasgemaak.

Hy kan nie verstaan hoe die hond die nag kon losgekom het nie.

Die eienaar van die ander twee honde, Hendrick (Tswang) Alexander, sê hulle is "nie mensbyters nie".

Hy teel Pitbull Terriërs binne-in sy opslaanhuis en laat sy honde deur die Dierebeskermingsvereniging bad en ontwurm.

In sy woning is daar nog 'n jong hondjie en 'n dragtige teef agter 'n houtafskorting, en nog 'n opgeskote hond aan 'n band vasgemaak.

"Ek glo die honde het uitgebreek omdat 'n hond buite my huis vir hulle getreiter het. Die houtmure was nie sterk genoeg nie."

Dit moes juis toe gewees het dat Maureen in hul pad gekom het.

Die twee honde wat by die aanval betrokke was, is deur 'n familielid na Port Elizabeth geneem.

Die voorval word deur die Paarl-Oos polisie ondersoek.

Sien foto's bl 2.

* A young woman has been attacked by three Pitbull Terriers in Paarl East.

DIE verdrinking van twee onafskeidbare maatjies die naweek in Saron, het die gemeenskap in rou geruk.

Nitscké Samuels en Jania Fredericks (altwee 11 jaar oud) het Sondagmiddag saam met nog drie maats in 'n opgaardam by die dorp geswem.

Die kinders was teen 16:00 uit die water toe die twee meisies besluit het om nog 'n keer in die gronddam te spring.

Nitscké se ma Louwtjie, was onder die indruk dat haar dogter 'n entjie gaan stap het. Toe die polisie met die skoknuus by haar huis opdaag, kon sy haar ore nie glo nie.

"Een van die seuns wat saam was, Howie, het ingespring om hulle te help," het 'n familielid vertel.

"Hy het die meisies elk op een van sy skouers getel. Toe gooi iemand 'n T-hemp na hulle om aan vas te klou. Nitscké het die hemp misgegryp en afgegly.

Howie het omgekyk na Nitscké en toe val Jania ook van sy skouer af.

"Howie weet van die pyp wat suig onder die water, en hy moes toe swem om homself te red."

Twee van Nitscké se ooms, neefs Steven en Clive Douries, het die lykies uitgeduik waar hulle teen die sif van die suigpyp vasgesit het.

Die kinders se swemmaats is almal vir skok behandel.

Nitscké en Jania het 'n paar huise van mekaar gewoon in Weberstraat. Hulle was in dieselfde graad ses klas aan Saron primêre skool.

"Nitscké was so slim en sy het so mooi ballet gedoen," het Lizenda Samuels vertel.

Sy laat haar ouers Polla en Louwtjie, stiefpa Stan, 21 maande-oue sussie Niphanté en haar oumas, Mona Vryster van die Paarl en Stienie Hansen van Saron.

"Jania was slim in die skool en sy het goed gevaar in sport. Net nou die dag het sy so mooi gedoen in die atletiek," het haar hartseer oupa Johnny Fredericks, vertel.

Jania word oorleef deur haar oupa by wie sy grootgeword het, ouers Hilton Fredericks en Wilhelmina, broers Sanwill (6) en Winston (17).

Die twee boesemvriendjies word Sondag om 14:00 ná 'n erediens in die VGK Saron saam ter ruste gelê.

* Two young friends drowned while swimming in a dam in Saron at the weekend.

DIE bekende Protea bioskoop in die Paarl sluit vandag sy deure, om binnekort weer as perseel vir die AGS Kerk te open.

Die hoofteater sal vir kerkdienste gebruik word en die tweede teater sal as jeugsentrum ingerig word, waar Christelike musiek gemaak en videos vertoon sal word.

Teen Julie behoort 'n koffiekroeg te open in die vleuel waar jare gelede 'n kafee (en meer onlangs 'n restaurant) was. Die koffiekroeg sal van soggens vroeg tot saans laat oop wees.

Die gebou sal weer mooi opgeknap word, het Paarl sakeman Anton Möller gesê, en die Art Deco styl sal behou word.

Möller is in beheer van die verkoop van die AGS kerkgebou in Malherbestraat, Paarl.

Die Protea bioskoop het 'n lang geskiedenis.

Die meeste inwoners onthou die tyd toe Ralph en Irma Müggenburg in 1972 die Protea Kafee gekoop en twee jaar later die bioskoop oorgeneem het.

"Toe televisie in 1976 gekom het, het dit die filmbedryf nie so erg geskaad soos die daaropvolgende videos nie," het Irma gesê.

"Videos het selfs die kinders van die Kiddies Klub by die huis gehou."

In die gewilde klub vir kinders tussen drie en dertien, is Saterdagoggende troeteldier parades en modevertonings gehou, en is kinders geleer om hulle te gedra by verhoogvertonings.

"'n Kiddies Klub tot 13 sou beslis nie vandag gewerk het nie," meen Irma.

In 1989 is die bioskoop aan Basil Coetzee verkoop en daarna is die bioskoop van een groot teater na drie kleiner gehoorsale verander.

Die vooraansig is in die helder kleure geverf wat nie net die styl van die vyftigs beklemtoon het nie, maar baie koppe laat draai het.

CJ Ralph, sy vrou Edith en hul seun Peter het die afgelope jare die bestuur van die bioskoop behartig, tot vanaand.

Van môre af bestuur die Ralphs die Protea Cine 1 en 2 (voormalige Neelsie) in die Langenhoven studentesentrum op Stellenbosch.

Dit gaan dol om huis en bioskoop te sluit, die gordyn toe te trek en weer anderkant heel gepas vir "Oh shucks, I'm gatvol" aan die gang te kom, sê die gesin.

"Sê tog net baie dankie aan die Paarl gemeenskap vir hul getroue ondersteuning," het hulle gegroet.

A LACK of control and management is at the bottom of Drakenstein's financial woes, according to the Auditor General, and credit control has led to increased debt by ratepayers.

The report on Drakenstein's financial statements for the financial year which ended on 30 June 2003, was discussed at a recent meeting of the Executive Mayoral Committee.

It was the second scheduled meeting to discuss the report and once again it almost didn't take place. At the first meeting the representatives of the Auditor General didn't turn up due to a "misunderstanding"  about the date.

The Auditor-General's representative denied being informed about the date. Last week there was another pro-blem: the Auditor-General had not received the report from financial manager Hennie Barnard, replying to queries.

According to Barnard, the document had been delivered by hand to the AG's office, but in the meeting, the official denied receiving it.

There was embarrassment all round, as could be seen on the faces of the Mayor, financial portfolio holder André de Villiers and officials.

Asked councillor Arthob Petersen: "Can it be fruitful to continue the discussion? There is a range of issues on which we want specific information and I fail to see that this can be a good exercise."

In the end it was decided that the meeting would continue and that queries would be discussed in the Auditor General's follow-up report.

A representative of the Auditor General's office then gave a brief opinion of the financial statements.

She ascribed this to, among other things, the lack of personnel.

"Since the amalgamation process no staff has been appointed, except for the Municipal Manager and Department Heads.

"Delegated responsibility and authority are not sufficiently defined in writing and understood at all levels.

"Training plans do not exist to ensure that the staff are capable of fulfilling their responsibilities and there are no formalised and documented plans, standard working procedures, practices and policies which enhance internal control and objectives, leading to weaknesses in the control system.

"It is the legal responsibility of the Council to ensure that an effective system of internal control was implemented and maintained."

Councillor Petersen reacted: "This is a brilliant comment. She said it all!"

He said glaring ommissions, like the delegation of power and the lack of stringent control measures, would have to be addressed forthrightly. "Otherwise we have a recipe for disaster."

Councillor De Villiers commented that the same issues came up every year. He suggested that a checklist be compiled to ensure that Drakenstein's reconciliation of financial statements corresponded with the official guidelines.

The Mayor agreed with this and emphasised the problem of vacancies, saying: "It's a nuisance that key positions are not being filled."

Barnard's commented that all appointments and delegations throughout the Municipality should be investigated.

TWEE Paarlse bewaarders is ernstig beseer toe hulle deur lede van 'n tronkbende aangeval is.

Barry Jones (39) en Nkosinathi Vellum (38) is in die Drakenstein gevangenis deur drie lede van die 27s bende met handgemaakte messe aangerand.

Die bewaarders het ten tyde van die aanval toesig gehou oor gevangenes wat in die maksimum-afdeling van die tronk die gange skoongemaak het.

Die bendelede het skielik die bewaarders begin steek en kap. Kollegas het die lawaai gehoor en hulle te hulp gesnel.

Die aanvallers is onder beheer gebring en in 'n sel weg van ander gevangenes opgesluit.

Die bewaarders is in die Paarl Hospitaal opgeneem.

Jones is vir 'n gebreekte regterarm en oop wonde aan sy arms behandel. Vellum is diep wonde in die nek en gesig toegedien.

Drie gevangenes sal teregstaan op aanklagte van aanranding met die doel om die bewaarders ernstig te beseer.

[ Top ]