 |
|
|
|
|
|
|
|
|
|
|
|
|
|
|
|
|
|
|
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Thursday 25 November 2004 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
This site will be updated on 2 December 2004. |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
[ Top ] |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
DRIE uit vier. Dis die prestasie waarop Laerskool Hugo Rust besonders trots is, nadat hulle pas vir die derde keer in vier jaar aangewys is as Boland Ussasa se Sportskool van die Jaar. Hulle het hierdie prestasie ook in 2001 en 2003 behaal, met die kersie op die koek verlede jaar toe hulle die trofee as Suid-Afrika se Sportskool van die Jaar in Durban gaan haal het. Die Boland is 'n uiters mededingende streek wat oor groot afstande strek vanaf die Weskus, Wynland tot Hermanus en dele van die Karoo. Die kompetisie word nie op grond van |
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
HUL BEKER LOOP OOR. Laerskool Hugo Rust is die derde keer in vier jaar aan- gewys as Boland Ussasa se Sport-skool van die Jaar. Hier by die beker is sport- organiseerder Liesbet du Toit, met (van regs) provinsiale swemmer en netbalspe- er Corné Ramsauer (Welllington Ussasa se Sportvrou van die Jaar), Bolandatleet Jesowen Alkaster (Wellington Ussasa se Sportman van die Jaar) en (regs) Andries Truter (Boland Ussasa Skaakspeler van die Jaar). |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
uitslae bepaal nie, maar eerder die volle pakket wat 'n skool ten opsigte van sport aanbied, beklemtoon sportorganiseerder Liesbet du Toit. Kriteria Die kriteria bestaan onder meer uit die persentasie leerders van 'n skool wat aan sport deelneem, hul verteenwoordiging op streeks-, provinsiale en nasionale vlak, die betrokkenheid van leerkragte as afrigters of bestuurslede op provinsiale vlak, asook die skool se gemeenskapsbetrokkenheid ten opsigte van die gebruik van geriewe deur ander skole en sportliggame. Sportkodes Altesaam twaalf sportkodes - van landlope, mini-krieket tot skaak en muurbal - word aangebied, en om almal fiks en besig te hou, kos kophou vir die skool se negentien leerkragte, wat almal as afrigters by een van hierdie sportsoorte betrokke is. "Ons het talentvolle kinders, uiters entoesiastiese ouers en entoesiastiese opvoeders wat bereid is om die ekstra myl vir die liefde van die kinders te loop," glo skoolhoof Niel du Toit. Drie leerkragte, Piet Krynauw (krieket), Helena Krynauw (swem) en Marie le Roux (netbal) is tans Boland voorsitters van hul onderskeie sportkodes. Le Roux was ook die spanbestuurder van die SA o.19-netbaltoer na Australië, en dien ook op die nasionale keurkomitee. Sewe persent van al die kinders in die skool wat aan 'n sportsoort deelneem, het vanjaar provinsiale kleure daarvoor verwerf. Die skool het die afgelope twee jaar die Wellington-streek se Laerskole Sportman en Sportvrou van die Jaar opgelewer, asook Boland kampioene. |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
|
|
WAAR daar 'n maand of wat gelede nog Port Jackson boompies op 'n ongelyke stuk aarde gestaan het, is Bergrivier Hoërskool se droom oor hul eie sportvelde en fasiliteite nou stadig maar seker besig om 'n werklikheid te word. Grondverskuiwingsdienste was reeds werksaam op 'n stuk grond net langs die skool om baie kubieke meter grond oop te stoot en te verskuif. Die aanplant van gras, dreinering, installering van besproeiing, en bou van die krieketnette en kolfblad sal volgende aandag geniet. Weerskante van die beoogde krieketblad sal 'n sokker- en hokkieveld uitgelê word. Op 'n laer vlak van die skoolterrein gaan die ou sokkerveld in 'n rugby- en bofbalveld omskep word, met 'n 300m atletiekbaan daarom. Netbal en tennisbane gaan ook gebou word elders op die terrein. Bergrivier Sekondêr, wat in 1948 geopen het, het nog nooit werklik oor sy eie sportgeriewe beskik nie. "Ons soebat en smeek maar altyd oral," vertel skoolhoof Lucas Slinger, wat sy dank uitgespreek het teenoor plaaslike skole en klubs, asook die munisipaliteit wat oor die jare geriewe aan hulle beskikbaar gestel het. Soos vandag nog, moes Slinger, wat self aan Bergrivier gematrikuleer het, ook sy rugby op die nabygeleë Pelikaanpark speel. Die saadjie vir die skool se eie krieketgeriewe is vroeg in 2001 geplant, toe 'n nasionale selfoonmaatskappy deur bemiddeling van Boland Krieketunie se uitvoerende beampte, Pietie Williams, 'n eerste skenking aan die skool gemaak het. Die skool se krieket-organiseerder, Suhail Latief, was hierby betrokke. Na verdere konsultasie deur die skoolhoof, in samewerking met die beheerligaam onder leiding van voorsitter Nicolaas Paulse, is besluit om vernuwing van die totale sportbedeling by die skool aan te pak. "Die hele sportopset by die skool gaan nou begin verander danksy die aanvanklike befondsing van R920 000 vanaf die Nasionale Loteryraad," sê die projekbestuurder Hennie Conradie, wat ook die sakeplan aan Lotto geskryf het. "Ons wil uitstaande fasiliteite hier skep wat 'n trots en lushof sal wees vir die Wellington-gemeenskap," vertel Conradie. "Dit gaan eintlik oor veel meer as net sport." Francois Nortjé van Nortjé en De Villiers Raadgewende Ingenieurs in die Paarl speel 'n belangrike rol in die uitvoering van die projek. Die kontoerplan van die terrein is deur Albert Geiger saamgestel, terwyl die grondwerke deur DPB Konstruksie hanteer is. Op 'n terreinplan, saamgestel deur Dennis Moss Vennootskap, word die groter plan vir die skoolterrein uitgestippel. Daarop word voorsiening gemaak vir 'n sportsentrum-cum-klubhuis, asook bykomende sportvelde en bane. Om dit te laat realiseer, moet nog 'n paar miljoen rand geïn word. "Ons hoop om ons oud-leerders, wat oor die land heen versprei is, te verenig om ons hierin te ondersteun," sê Slinger. "Dit sal interessant wees om oor die volgende paar jaar te monitor hoe die uitbreiding van die sportgeriewe 'n positiewe impak het op die hoeveelheid kinders wat deelneem aan sport, en aan sportprestasies," sê sportorganiseerder Margaret Ontong. 'n Geraamde 30% van die skool se leerders neem tans deel aan die sowat 15 sportkodes wat aangebied word. Die skool, wat vanjaar die derby teen Weltevrede gewen het, lewer gereeld provinsiale sportlui op. Vanjaar se Paarl Post Sportman van die Jaar, Audrey Petersen, wat Suid-Afrika in krieket verteenwoordig het, is ook in dié skool. |
|
|
|
|
|
|
|
||||
|
|
|
[ Top ] |