Thursday: 28 August 2003

This site will be updated on: 5 September  2003 at 17:00

Lifestyle - Leefstyl

• Geen dokter word ryk uit dié familie
• Celebrate Heritage Day with a stream train outing
• Vonkeloggend vir vroue
• Spogfunksie vir toerisme
• Praat saam oor omgewing
• Stalletjie vir Liggiefees
• Grondhervorming bekyk

mono-onversadigde vette, linoliensuur, volop vitamien E en is 'n anti-oksidant.

Dit help die vloei van suurstof deur hart en are en voed die brein en senustelsel.

Navorsing het bewys dat die anti-oksidante in druiwepitolie 50 keer sterker is as gewone vitamiene A, E en C in die stryd teen veroudering.

"Ons was so trots toe 'n bejaarde vrou nou die aand op Ruda Landman se program sit met 'n bottel van ons olie in haar hand," vertel Wilhelm.

"Met die regte lewenstyl en eetgewoontes het jy nie medisyne nodig nie," het die vrou gesê.

O'Grape is 'n familie-besigheid op Dalweiding in Daljosafat omgewing, met pa Wilhelm, ma Annelie, suster Anja en broer Carl wat oral raakvat.

Hulle gaan haal die pitte by kelders in die omgewing, droog dit, koudpers die olie, filtreer dit, bottel dit en plak self die etikette op.

Vir kokke wat waak oor gesondheid het dié olie met sy besonder hoë brandpunt nie net 'n ereplek op die kombuisrakke nie, maar ook in die medisynekas en op die badrand.

Die Arnolds het geen botter of margarine in die huis nie, en hulle gebruik dit as lyfroom en as naskeerroom.

"Die reuk trek na vyf minute in, so jy het net 'n kort rukkie 'n druiwe-pit karakter," sê Annelie.

Fietsryers vryf dit oor hul hele lyf vir energie-inname. Tuis  smeer Wilhelm homself in die somer "blink in", want dan voel hy lekker soepel.

Sy ma Anna (79), het twee jaar gelede begin druiwepitolie drink en nou wil haar vriende by die aftree-oord weet watter nuwe velproduk sy dan gebruik.

Belangstelling in druiwepitolie is wêreldwyd aan die toeneem. Gesondheidsentra soos die nuwe Winelands Estate in Simondium beplan om olie uit druiwepitte in aromaterapie en spabaddens te gebruik.

Die Arnolds se koudgepersde olie is die enigste op winkelrakke in Suid-Afrika.

Teenoor die produk wat uit die distilleermetode verkry word, het die koudgeperste olie meer voedingswaarde, 'n sterker smaak en 'n groen-goue kleur.

Die druiwepitolie word by spesialiswinkels verkoop vir sowat R55 vir 500ml en R32 vir 'n 250ml bottel.

HERITAGE DAY 24 September will be marked by a funfilled steam train trip from Cape Town to Paarl and back. The Red Devil steam train departs from the Cape Town station at 08:30 and returns at 17:10 to join the Heritage Day festivities in Suider Paarl.

The Heritage Day programme, organised by De Poort Open Air Museum, includes vintage transport street parades with carriages and cart rides, street races with pony rides, kaskenades and puppetshows, craft stalls and demonstrations, refreshments, country foods and preserves, wine tasting, a marimba band and much much more.

Train tickets are R160 (children under 12 R100). Bookings must be done well in advance at the Paarl Tourism Bureau at 872-3829 or 872-4842, fax 872-9376 or e-mail paarl@cis.co.za.

Payments can be made into the First National Bank account at the Paarl Branch (20-01-10) in the account De Poort Project (Heritage Day Steam Train).

It can also be deposited into the non-profit cheque account at 620-240-550-31. For further information contact 863-3902.

DIE Wellington VLV bied op Saterdag 6 September om 09:30 'n heerlike vroue-oggend aan by Provence, Wellington.

Hannan Botma, wat landwyd bekend is as voorkomskonsultant, is die spreker. Hy bied ook grimeer- en harewerkwinkels aan en sy praatjie is beslis 'n moet vir elke vrou.

Daar is ook 'n modeparade aangebied deur JS Fashion Designs van die Paarl. Hierna sal gaste 'n vonkelwyn-noenmaal geniet.

Kaartjies is beskikbaar van Francina Marais (873-2929) of Hanneke Malan (864-1017/083-661-7083).

DIE Paarl Toerisme bied 'n deftige aandpakgeleentheid aan op Saterdag 27 September om 18:30 met die titel "Paarl Finesse".

Die uithangfunksie in die stadsaal gaan klem lê op die spogprodukte van die Paarl en restaurante, wynkelders, kunstenaars en verskaffers sal hul beste voorsit aan gaste.

Die driegang gourmet-ete sal afgewissel word met vermaaklikheidskunstenaars soos Sarah Theron, Wynland Tenore, Charlene Truter en die Paarlse orkes, Brawou! Eben Niemand van KFM-faam sal optree as compère.

Kaartjies is R250 elk by die toerisme-kantoor, 872-3829.

HET u al ooit gewonder of u hooikoors of sinus die gevolg is van lugbesoedeling? Het die laaste brand op Paarlberg u laat wonder wie is verantwoordelik vir die brand op 'n dag wat die wind sterk waai?

Sal u te vinde wees vir 'n kraglyn oor 'n deel van Paarlberg? Hoekom is die dorp so vuil - nie net die middedorp nie, maar ook New Orleans en Mbekweni?

As hierdie of enige ander omgewingsvrae by u opkom, word u genooi om aan te sluit by die Boland Omgewingsforum.

Die volgende vergadering is Donderdag 4 September om 19:00 in die anneks van die Afrikaanse Taalmuseum in die Paarl.

Joan Isham sal 'n praatjie lewer met die tema "The Badger Friendly Initiative".

Kom kies 'n bestuur wat sal help om antwoorde op u vrae te kry.

DIE Kersseisoen in die Paarl word van 4 tot 6 Desember met feesviering soos min ingelui, met die jaarlikse Liggiesfees en belangstellendes wat stalletjies wil hê, moet gou spring.

Stalletjies om van te kies en te keur, mallemeule, sangkunstenaars en spesiale kindervermaak word gratis deur Drakenstein Munisipaliteit verskaf (in samewerking met plaaslike besighede wat die Liggiesfees ondersteun).

Die stalletjies gaan voorwaar iets wees om na uit te sien. Hulle word toegeken op 'n eerste-kom-basis (nadat alle dokumentasie ingehandig is en betalings gedoen is).

Dit sluit in 20 kosstalletjies (R430), 10 stalletjies vir voorbereide voedsel (R330), 70 gewone stalletjies (R280) en 10 stalletjies vir unieke handvervaardigde produkte (R200).

Voornemende stalletjiehouers moet so spoedig moontlik aansoek doen by die Paarl Toerismeburo (tel 872-4842/872-9376). 

'n KONFERENSIE spesiaal vir eiendoms- en administrasiekommissies van kerkrade word Dinsdag van 09:00 tot 13:00 in die saal van die Strooidakkerk in die Paarl gehou oor 'Die kerk en grondhervorming'.

Die moderator, dr Coenie Burger, open die konferensie, waarna Niekie Mouton praat oor hoe boere die herverdeling van grond ervaar.

Dr Thys Smith sal die standpunt van die NG Kerk stel, waarna die georganiseerde landbou aan die woord kom. Die Transvaalse Landbou-Unie, die National African Farmers Union en Agri Wes-Kaap sal teenwoordig wees.

Hierna volg toeligting deur Departement Grondsake, voordat daar oorgegaan word tot 'n oop gesprek.