|
Hoekom? Hy vertrou haar nie. Hoekom ? Sy soek meer as wat hy haar bied.
Sy hou haarself besig met huistake en haar swaer wat na 'n motor-ongeluk van kop-tot-tone in gips toegedraai is. As afleiding (en ontvlugting) luister sy radio, totdat sy 'n nuwe intrekker oorkant die straat gewaar en haar bevriend. Uiteindelik iemand om mee te praat.
Die vertoning is in Engels met 'n Italiaanse aksent
Kaartjies is R35 by Print Right (872-7209).
Joseph en Mary Affair
Woensdag en Donderdag 5 Desember om 20:15 word "Die Joseph en Mary Affair" deur Ilse Oppelt en Malan Steyn opgevoer, met Ilse, Abduragman Adams, Charlton George in die rolverdeling.
So, issit dan nou 'n miracle, of wat?
Toe Speedy Cupido sê Gerty moet twenty past seven inklok vir 'n meeting was sy skepties, maar sy klok toe maar in, betyds.
Nie soos Munier wat laat was nie. Munier wens egter later hy het nooit opgedaag nie, want die kamtige meeting gaan dan oor 'n nativity play en hy wat Munier is, is mos 'n Moslem, maar dis ook oraait besef hy later, want hy speel mos maar net die Bethlehem ster en bou die stel.
"Die Joseph en Mary Affair" is 'n toneelstuk met deernis en warmte wat die gehoor kort-kort sal laat lag en ook sal laat huil - 'n Goeie dosis Kaap! Regie deur Marthinus Basson. Kaartjies is R40 by Print Right.
'n Handvol Gruis
Van die sterre, van die maan, kom die alleen slampamperman en hy maak, uit puur verstrooiing, slampamperliedjies waar hy gaan.
'n Reis met woord en lied om te sien wat die lewe en werk van C Louis Leipoldt steeds bied, "'n Handvol Gruis", word op Saterdag 7 Desember om 20:00 deur Johann Nel en Leon Schelhase aangebied.
Van die gedigte wat opgedis word, is Wys my die plek, Fluit windswael, Soutpan, Oktobermaand, Tuinroos tussen die tulpe, Kom gee vir my polfyntjie en die sonnet Liefde.
Bespreek by Print Right. |
DAAR lê 'n bedrywige week voor by die Ou Meulteater in die Paarl, met nie minder nie as drie stukke wat opgevoer word.